1 የሱስ ህን እያርኮ ካታማ ገሊደ፥ ሄዋና አꬍ ደኤ። 2 ሱንꬃይ ዛክዮሳ ጌተትያ እት ዱረ ብታኒ ሄዋን ደኤ። እካ ቃራጽያዋንቶ ካፑዋ። 3 ዛክዮስ የሱሳ ጌተትያዌ ሀቃዌንቶ በአናዉ ኮይሽን ቃንꬃ ግዴዳዋ ድራዉ፥ አሳ ጮራተꬃፐ ደንዶዋን በአናዉ ዳንዳይቤና። 4 የሱስ ሄ ኦግያና አꬍያ ድራዉ፥ ስንꬃዉ አꬊደ እት ቦእያ ቦላ ከሴዳ።

5 የሱስ ሄ ሳኣ ጋኪደ፥ ꬎቁ ግ ፑደ ጼሊደ፥ “ዛክዮሳ፥ ሀቼ ነ ጎለን ፔሻናዉ በስያ ድራዉ ኤለ ዎꬋ” ያጌዳ። 6 እካ ኤሌል ቦእያፐ ዎꬊደ፥ ናሸቻን የሱሳ ሞኬዳ። 7 ሄዋን ደእያ አሳ ኡባይ ሀዋ በኢደ፥ “ሀዌ ናጋራንቻ ጎለን ገሊደ እማꬃ ግዲደ ሾበታና ሀኔ” ጊደ ኡባቱካ ዙዙንꬃ ዶሜድኖ።

8 ዛክዮስካ ቃይ ኤቂደ ጎዳ፥ “ጎዳዉ፥ ስም ታዉ ደእያዋ ኡባፐ ባጋ ህየሳቶ እማና፤ ኦፐነካ ዎርዱዋን አኬዳዋ ግዶፐ፥ ኦይዱ ዳኩዋ ኡዳደ ዛራና” ያጌዳ።

9 የሱስካ ዛክዮሳዉ ኦዲደ፥ “ኔንካ አብራሃሞ ሼሻ ግድያ ድራዉ፥ ሀቼ አቶተꬃይ ሀ ጎለ አሳዉ ዬዳ። 10 አያዉ ጎፐ፥ አሳ ናአይ ባዬዳዋ ኮያናዉነ አሻናዉ ዬዳ” ያጌዳ። ማቶሳ 18:11

11 አሳይ ሀዋ ስሲደ ደእሽን የሱስ፥ ህን የሩሳላመ ጼቱዋ ድራዉነ ኡንቱንቶ ጾሳ ካዉተꬃይ ሀእካ ቆንጭያዋ ማላቶ ድራዉ ሌምሱዋ ኦዴዳ። ማቶሳ 25:14-30 12 ሀዋዳን ያግ ዶሜዳ፤ “እት ዎልቃማ ብታኒ ባረዉ ካዉተꬃ ቦንቹዋ አኪደ ስማናዉ፥ ህን ሃኮ ጋድያ ቤዳ። 13 ባረ ቆማቱዋ ግዶፐ ታሙዋ ጼሲደ፥ ኡንቱንቶ ታሙ ሚና *ሚና፦ ሚና ጌተትያዌ፥ ግሪከ ቃላን ምናሰ ግያዋ። ሀዋ ብለꬃይ፥ ሄ ዎደ ደእያ ኦሳንቻ አሳዉ እመትያ ሄዙ አገና ድርጉዋ። ጌተትያ ሚሻ እሞዋሽን፥ ‘ታን ስማደ ያና ጋካናዉ፥ ሀ ሚሻን ዛልእሽተ’ ያጌዳ።

14 “ሽን አ ጋድያ አሳይ አ እጾ ድራዉ፥ ‘ሀ ብታኒ ኑ ቦላ ካተታናዳን ኑን ኮዮኮ’ ያጊደ፥ ጉየና እ ደኢያሳ አሳ ኪቴድኖ። 15 ግዶፐ አትን፥ ሀ ብታኒ ካተ ግዲደ ህን ባረ ጋደ ስሜዳ። ሄ ቆማቱ ሁጲያን ሁጲያን እ እሞ ሚሻን ዛልኢደ አይ ኬና ዎꬍሴድኖንቶ ኤራናዉ ጼስሴዳ።

16 “ኮይሮ ቆማይ ሺቂደ፥ ‘ጎዳዉ፥ ኔን ታዉ እሜዳ ታሙ ሚና ዎꬍያ ታሙዋ ደማድ’ ያጌዳ። 17 አ ጎዳይ አ፥ ‘ሀያናሾ! ኔን ሎኦ ቆማ፤ ኔን ጉꬃ የዉዋን አማነቴዳዋ ግዳደ ቤቶ ድራዉ፥ ታሙ ካታማቱዋ ቦላን ማታይ ነዉ እመቴዳ’ ያጌዳ።

18 “ላኤንꬅያዌካ ሺቂደ፥ ‘ጎዳዉ፥ ኔን ታዉ እሜዳ እቼሹ ሚና ጌተትያ ሚሻይ እቼሹዋ ዎꬌዳ’ ያጌዳ። 19 አ ጎዳይካ አ፥ ‘ነዉ እቼሹ ካታማቱዋ ቦላን ማታይ እመቴዳ’ ያጌዳ። 20 ሀራ ሄዘንꬅያ ቆማይ ሺቂደ፥ ‘ጎዳዉ፥ ጩርቃን ጻጻ ዎꬄዳ ነ ሚሻ ሀዋ በአ። 21 አያዉ ጎፐ፥ ኔን ዎꬃቤናሳፐ አክያዋ፤ ዘራቤናዋ ቆይጭያ መቀꬅ ባይና አሳ ግድያ ድራዉ፥ ነዉ ያያድ’ ያጌዳ።

22 “ጎዳይካ፥ ‘ሀ ኢታ ቆማይ፤ ኔን ሃሳዮ ቃላን ነ ቦላ ታን ፕርዳና። ዎꬃቤናዋ አክያዋ፥ ዘራቤናዋ ቆይጭያ መቀꬅ ባይና አሳ ግድያዋ ኤሮፐ፥ 23 ታን ያደ ታ ሚሻ ዎꬍያና አካና ማላ፥ አያዉ ዎꬍስያዋንቶ እማበይኪ?’ ያጌዳ።

24 “ጎዳይካ፥ ሄዋን ኤቆዋንታ፥ ‘ሀ ሚሻ አፐ ዎꬅ አኪደ ታሙ ሚናይ ደእያዎ እምተ’ ያጌዳ። 25 ኡንቱንቱካ፥ ‘ጎዳዉ፥ አዉ ታሙ ሚናይ ደኤ’ ያጌድኖ።

26 “እካ፥ ‘ታን ህንተንቶ ኦድያዌ፥ ደእያዎ ኡባዉ ጉጀታናዋ፤ ባይናዋፐ ቃይ ሄ ደእያዌካ አከታናዋ። ማቶሳ 13:12፤ ማር. 4:25፤ ሉቃሳ 8:18 27 የዉዋን ቃይ ታን ኡንቱንቱ ቦላን ካዉተናዳን ኮዬዳ ታ ሞርካቱዋ ታኮ አሂደ ታ ስንꬃን ሹክተ’ ጌዳ” ያጌዳ።

28 የሱስ ሀዋ ጎዋፐ ካላ ህን የሩሳላመ ከሳናዉ ባረና ካልያዋንቱፐ ስንꬃቲደ ቤዳ። 29 ደብረ ዛይተ ጌተትያ ደርያ ማታን ደእያ ህን ቤተፋገን ቢታንያ ጌተትያ ሄራ ካታማቱዋኮ ሺቄዳ ዎደ ባረና ካልያዋንቱፐ ላአቱዋ፥ 30 “ህንተንቱፐ ስንꬃን ደእያ ቄር ካታማቱዋ ቢተ፤ ያ ህንተንቱ ገልያ ዎደ፥ ኦንነ ብሮ ኡትቤና ሀረ ማራይ ቃሸት ኡቴዳዋ ደማንታ፤ አ ብሊደ ሃ አክ ዪተ። 31 ኦንነ ህንተንታ፥ ‘ሀዋ አያዉ ብሊቴ?’ ጊደ ኦቾፐ፥ ‘እ ባረ ጎዳዉ †ጎዳዉ፦ ሀዋን ጎዳዉ ጌተቶዌ፥ ሀረ ማራ ጎዳፐሽን፥ ጾሳ ግደና። ኮሽያ ድራሳ’ ያግተ” ያጌዳ።

32 ኪተቴዳዋንቱካ ቢደ፥ የሱስ ኡንቱንቶ ኦዶዋዳን ሀንና ደሜድኖ። 33 ኡንቱንቱ ሀረ ማራ ብልያ ዎደ በኢደ ሀርያ ጎዳይ፥ “ሀረ ማራ አያዉ ብሊቴ?” ያጌዳ። 34 ኡንቱንቱካ፥ “ጎዳዉ ሀዌ ኮሼ” ያጊደ፥ 35 ሀረ ማራ የሱሳኮ አሄድኖ፤ ባረንቱ ማዩዋ አ ቦላን ዎꬂደ የሱሳ ሀርያ ቶግሴድኖ። 36 አሳይካ የሱስ ብያ ኦግያ ቦላ ባረንቱ ማዩዋ ሂጼድኖ። ‡ማዩዋ ሂጼድኖ፦ ሀዋ ጉሳይ፥ አይሁዳ አሳ ዎጋን፥ ኤረቴዳነ ቦንቼትያ አሳዉ ኦሰትያ እማꬃ ሞካ ዎጋ።

37 እ ደብረ ዛይተ ጌተትያ ደርያ ዱገꬃ አፍያ ኦግያ ማቴዳ ዎደ፥ ዳሮ ጮራ ግዴዳ አ ካልያዋንቱ በኤዳ ጾሳይ ኦꬄዳ ማላታዉ ኡባዉ ናሸቲደ፥ ባረንቱ ኮሻ ꬎቁ ኦꬂደ፥

39 አሳ ጋርሳን ደእያ እት እት ፓርሳዋቱ የሱሳ፥ “ታማርስያዎ፥ ኔና ካልያዋንታ ጮኡ ኦꬃርኪ” ያጌድኖ። 40 እካ ዛሪደ፥ “ታን ህንተንቶ ኦዳይ፥ ኡንቱንቱ ጮኡ ጎፐ፥ ሹቻይካ ዋሳናዋ” ያጌዳ። 41 የሱስ የሩሳላመ ማቴዳ ዎደ፥ ካታማቶ በኢደ፥ ዬኪደ፥ 42 “ነ ሳሮታዉ ግድያዋ ኔን ሀቼ ኤራድንቶ ሎአ፤ ሽን ሀእ ሄዌ ነ አይፍያፐ ጌሜዳ። 43 አያዉ ጎፐ፥ ነ ቦላ ያና ዎዲ ደኤ፤ ሄ ዎደ ኔና እጽያዋንቱ ነ ዩሹዋን ድርሳ ድሪደ፥ ያፐነ ሃፐነ ዶዲደ፥ ኔና ኡንኤꬅያ ዎዲ ያናዋ። 44 ኔናነ ነ ድርሳ ጋርሳን ደእያ ነ አሳ መንሬꬃና። ጾሳይ ኔና በአናዉ ዬዳ ዎድያ ኔን ኤራቤና ድራዉ፥ ኔና እጽያዋንቱ ሹቻ ኡባ እቱዋ እቱዋ ቦላፐ ደንꬂደ ላላናዋ” ያጌዳ።

45 ሀዋፐ ካላ የሱስ ጌሻ ጎልያ ገሊደ፥ ዛልእያዋንታ ሄዋፐ ከሴዳ። 46 የሱስ ዛሪደ፥ “ ‘ታ ጎሊ ጾሳ ዎስያ ጎልያ ግዳናዋ’ ጌተቲደ ጾሳ ቃላን ጻፈቴዳ። ሽን ህንተንቱ አ ፓኑዋ ጎንጎሉዋ ኦꬄድታ” ያጌዳ። ኢሳ. 56:7፤ ኤር. 7:11 47 የሱስ ኡባ ዎደ ጌሻ ጎልያን ታማርስ ደእሽን፥ ቄሳቱዋ ካፓቱ፥ ሙሴ ህግያ ታማርስያዋንቱነ አሳ አይስያዋንቱ አ ዎꬋናዉ ኮዪኖ። ሉቃሳ 21:37 48 ሽን አሳይ ኡባይ አ ሃሳያፐ እቱነ አተናን ስስ ኡቶ ድራዉ፥ አ ዎꬍያ ኦግያ ኡንቱንቱ ꬋዬድኖ።