1 ኡባፐ ዎልቃማ መꬍና ጎዳይ ሀዋዳን ያጌ፤ “በእተ፥ ጮጭያ ታማዳን ኤጽያ ጋላሳይ ማታቴዳ፤ ኦቶረትያዋንቱነ ኢታ ኦꬅያዋንቱ ኡባይ ኡቱላ ማላ ግዳናዋ። ሄ ይያ ጋላሳይ ኡንቱንታ ጹጋና፤ ኡንቱንቶ ጻጱዋ ጼራካ አሸና። 2 ሽን ህንተንቶ፥ ታ ሱንꬃዉ ያይያዋንቶ አ ቀፍያ ግዶን ፓꬅያባይ ደእያ ጽሎተꬃ አዋይ ሞካና። ህንተካ አቁዋፐ ብለቴዳ ጋሎ ማራዳን ቡራቃና። 3 ታን ኦꬅያ ጋላስ፥ ናጋራንቻቱ ህንተ ገድያፐ ጋርሳ ባጋና ብድንꬃ ማላ ግዳናዋንታ፤ ህንተካ ኡንቱንታ የꬋንታ። ታን ኡባፐ ዎልቃማ መꬍና ጎዳይ ሀዋ ኦዳይ።

4 “እስራኤልያ አሳ ኡባዉ ሲና ደርያ ቦላን ታን ታ ቆማ ሙሴ ባጋና አዛዜዳ አዛዙዋነ ህግያ ሀሳይተ።

5 “በእተ፥ ግታነ ቦንቼቴዳ ጾሳ ጋላሳይ ያናፐ ካሰታደ፥ ታን ህንተዉ ትምቢትያ ኦድያ ኤላሳ ኪታና። ማቶሳ 11:14፤ 17:10-13፤ ማር. 9:11-13፤ ሉቃሳ 1:17፤ ዮሃ. 1:21 6 እ ዪደ፥ ታን ያደ ቢታ ሸቃን ሾጨናዳን፥ አዎቱዋ ዎዛና ናናቱዋኮ፥ ናናቱዋ ዎዛናካ አዎቱዋኮ ዛራና” ያጌ ኡባፐ ዎልቃማ መꬍና ጎዳይ።