1 የሱስ ይሁዳ ጋድያን ቤተሌመ ጌተትያ ካታማን ሄሮድሰ ካዉቲደ ደእያ ዎደ የለቴዳ፤ ሄዋፐ ጉይያን፥ ጾልንትያ ፓይድያ አሳይ *ጾልንትያ ፓይድያ አሳ ጉሳይ፥ ኤረቴዳ ማራ ብለꬃን ኤራንቻ አሳቱዋ ጉሳ። አዋይፊ ዶልያ ባጋፐ የሩሳላመ ዪደ፥ 2 “አይሁዳ ካትያ ግዳናዉ የለቴዳ ናአይ ሀቃን ደኢ? ኑን አዋይፊ ዶልያ ባጋና ከሴዳ አ ጾልንትያ በኢደ፥ አዉ ጎይናናዉ ዬዶ” ያጊደ ኦቼድኖ።

3 ካትያ ሄሮድሰ፥ ሄዋ ስሲደ ዳጋሜዳ፤ የሩሳላመን ደእያ አሳይ ኡባይካ ዎዛና ባዬድኖ። 4 ሄሮድሰ ቄሳቱዋ ካፓቱዋ ኡባቱዋነ ሙሴ ህግያ ታማርስያዋንታ ጼሲደ፥ “ክርስቶስ ሀቃን የለታንዴሻ?” ያጊደ ኦቼዳ።

5-6 ኡንቱንቱ ዛሪደ፥ “ይሁዳ ጋድያን ቤተሌመ ካታማን የለታናዋ። ናቢ፥

7 ሄዋፐ ካላ፥ ሄሮድሰ አዋይፊ ዶልያ ባጋፐ ዬዳ አሳቱዋ ጌማን ጼሲደ፥ ጾልንቲ ኡንቱንቶ ቤቴዳ ዎድያ ኡንቱንቱፐ ጌሺደ ኤሬዳ። 8 ያቲደ ቤተሌመ ኡንቱንታ የዲደ፥ “ቢደ ናኣ ሎይꬅ ኮይተ፤ አ ደሜዳ ዎደ ታንካ ባደ አዉ ጎይናናዳን፥ ታናካ ኤርስተ” ያጌዳ።

9 ኡንቱንቱ ካቲ ጌዳዋ ስስ ቢደ ኦግያን አዋይፊ ዶልያ ባጋና ኡንቱንቱ ካሰ በኤዳ ጾልንትያ በኤድኖ፤ ናአይ ደኢያሳ ጋኪደ ኤቃና ጋካናዉ፥ ጾልንቲ ኡንቱንታ ካለꬄዳ። 10 ኡንቱንቱ ሄ ጾልንትያ በኤዳ ዎደ፥ ዛዋይ ባይና ዳሮ ናሸቻ ናሸቴድኖ። 11 ጎለ ገሊደ፥ ናአይ ባረ ዳይ ማይራምና ደእያዋ በኤድኖ፤ ጉልባቲደ አዉ ጎይኔድኖ፤ ሄዋፐ ካላ፥ ባረንቱ ሳጽንያ ዶዪደ፥ ዎርቃ፥ እጻናነ ካዋራ †እጻናነ ካዋራ፦ እጻናይ፥ ማድያ ꬊልያ ግዲደ፥ ታማን የግያ ዎደ ሳዋናሳ፤ ካዋራይካ ሳዎ ማድያ ꬊልያ ግዲደ ሽቱዋዳን ማዴ። አዉ እሞታ ሺሼድኖ።

12 ኡንቱንቱ ሄሮድሳኮ ስመና ማላ፥ ጾሳይ አኩሙዋን ኡንቱንታ፥ “ህንተና ኤርተ” ጊና ሀራ ኦግያና ባረንቱ ጋደ ስሜድኖ።

13 ኡንቱንቱ ቤዳዋፐ ጉይያን፥ ጎዳ ኪታንቻይ አኩሙዋን ዮሴፎ ቤቲደ፥ “ሄሮድሰ ናኣ ዎꬋናዉ ኮይያ ድራዉ፥ ደንዳደ ናኣነ አ ዳዮ አካደ ግብጼ ጋድያ በታ፤ ታን ነዉ ኦዳና ጋካናዉ፥ ያን ደአሻ” ያጌዳ።

14-15 ዮሴፎ ቃማ ደንዲደ፥ ናኣነ አ ዳዮ አኪደ፥ ግብጼ ጋድያ ቤዳ፤ ጎዳይ ናብያ ባጋና፥ “ታን ታ ናኣ ግብጼ ጋድያፐ ጼሳድ” ያጌዳዌ ፖለታና ማላ፥ ሄሮድሰ ሀይቃና ጋካናዉ እ ያን ደኤዳ። ሆሰ 11:1

16 ሄዋፐ ጉይያን፥ ሄሮድሰ አዋይፊ ዶልያ ባጋፐ ዬዳዋንቱ ባረና ጭሜዳዋ ኤሬዳ ዎደ፥ ዳሮ ሀንቀቲደ፥ ጾልንቲ ካሰ ቤቴዳ ዎድያ ኡንቱንቱፐ ስሴዳዋዳን፥ ዎታዳራቱዋ የዲደ፥ ቤተሌመንነ ዩሹዋን ደእያ ላኡ ላይꬃ አቱማ ናናነ ላኡ ላይꬃፐ ጋርሳና ደእያ አቱማ ናና ኡባ ዎꬍሴዳ።

17-18 ናብያ ኤርማስ፥

19 ሄሮድሰ ሀይቄዳዋፐ ጉይያን፥ ጎዳ ኪታንቻይ ግብጼን ዮሴፎ አኩሙዋን ቤቲደ 20 አ፥ “ደንዳ፤ ናኣነ አ ዳዮ አካደ፥ እስራኤልያ ጋድያ ስማ። ናኣ ዎꬋናዉ ኮይያዋንቱ ሀይቂ ድጌድኖ” ያጌዳ። 21 ዮሴፎ ደንዲደ፥ ናኣነ አ ዳዮ አኪደ፥ እስራኤልያ ስሜዳ።

22 ሽን ዮሴፎ አርከላዎስ ባረ አዉዋ ሄሮድሳ ኦይድያን ይሁዳ ጋድያን ካዉቴዳዋ ስሴዳ ዎደ፥ ያ ባናዉ ያዬዳ፤ ጾሳይ አዉ አኩሙዋን ህንተና ኤርተ ጊና፥ ጋሊላ ጋድያ ቤዳ። 23 ናባቱ፥ “አሳይ አ፥ ‘ናዝሬትያ አሳ’‡ሀዋ ጌዳዌ ኦነንቶ ኤረተና። ጊደ ጼሳና” ያጌዳዌ ፖለታና ማላ፥ ናዝሬተ ጌተትያ ካታማ ቢደ ደኤዳ። ማር. 1:24፤ ሉቃሳ 2:39፤ ዮሃ. 1:45