12
ሳምባታባዉ ሺቄዳ ኦሻ
(ማር. 2:23-28፤ ሉቃሳ 6:1-5)
1 የሱስ ሄ ዎደ ሳምባታ ጋላስ፥ ትሻ ባንጋ ግዶና አꬍሽን አ ካልያዋንቱ ኮሻቲደ፥ ትሻ ባንጋ ዱꬂደ፥ ሙሳ ዶሜድኖ። ዛረ. 23:25 2 ሽን ፓርሳዋቱ ሄዋ በኢደ የሱሳ፥ “በአ፥ ኔና ካልያዋንቱ ሳምባታ ጋላስ ኦꬃናዉ ዎጋ ግደናባ ኦꬂኖ” ያጌድኖ።
3 ሽን የሱስ ኡንቱንቶ ሀዋዳን ያጌዳ፤ “ዳዊተነ አናና ደእያዋንቱ ኮሻቴዳ ዎደ፥ ዳዊተ ኦꬄዳዋ ናባብ በይክቴ?1 ሳሜላ 21:1-6 4 ዳዊተ ጾሳ ጎለ ገሊደ፥ ቄሳቱዋ ጻላላይ ማናፐ አትን፥ እነ አናና ደእያዋንቱ ማናዉ ዎጋ ግደና ጾሳዉ ያርሼዳ ቁማ ሜዳ። ዎጋ 24:9 5 ዎይ ሳምባታ ኡባን ጌሻ ጎልያን ደእያ ቄሳቱ ሳምባታ ዎጋ መንꬅያዋ፥ ቃይ ኡንቱንቶ ሄዌ ባይዞ ግደናዋ ሙሴ ህግያን ናባብ በይክቴ?ፓይ. 28:9-10 6 ሽን ታን ህንተዉ ኦዳይ፤ ጌሻ ጎልያፐ አꬍያዌ ሀዋን ደኤ። 7 ጾሳ ማጻፋይ፥ ‘ታን ማሮተꬃ ኮያይፐ አትን፥ ያርሹዋ ኮይከ’ ያግያዌ ዋግያዌንቶ ህንተንቱ ኤሪተንቶ፥ ባይዙ ባይና አሳ ቦላ ፕርድክታ። ማቶሳ 9:13፤ ሆሰ 6:6 8 አያዉ ጎፐ፥ ታን፥ አሳ ናአይ፥ ሳምባታ ጎዳ” ያጌዳ።
የሱስ ኩሺ ጉንዴዳ ብታንያ ፓꬄዳ
(ማር. 3:1-6፤ ሉቃሳ 6:6-11)
9 የሱስ ሄዋፐ ደንዲደ፥ አይሁዳ ዎሳ ጎለ ቤዳ። 10 ሄዋን ኩሺ ጉንዴዳ እት ብታኒ ደኤ፤ የሱሳ ሞታናዉ ጋሱዋ ኮይያ አሳቱ፥ “ሳምባታን፥ ሀርጋንቻ ፓꬅያዌ ዎጌ?” ያጊደ አ ኦቼድኖ።
11 የሱስ ኡንቱንታ፥ “ህንተንቱ ግዶን እት ዶርሳይ ደእያ ኡራይ፥ ሄ ዶርሳይ ሳምባታ ጋላስ ኦላን ኩንዶፐ፥ ኦይቂደ ከሰናዌ ኦኔ? 12 ያትና፥ አሳይ ዶርሳፐ ዎት ሎይꬂደ ዳረኔ! ሄዋ ድራዉ፥ ሳምባታ ጋላስ ሎኦባ ኦꬅያዌ ዎጋ” ያጌዳ። 13 ሄዋፐ ጉይያን ብታንያ፥ “ነ ኩሽያ ፕድ ኦꬃ” ያግና ብታኒ ፕድ ኦꬆዋፐ ጉይያን፥ አ ኩሺ የኮ ኩሽያዋዳንካ ፓጽ አጌዳ። 14 ሽን ፓርሳዋቱ ካረ ከሲደ፥ የሱሳ ዎት ዎꬋነንቶ ማቀቴድኖ።
ጾሳይ ዶሬዳ አይልያ
15 ሽን የሱስ ኡንቱንቱ ዞረታ ኤሪደ፥ ሄዋፐ አጊደ ብያ ዎደ፥ ዳሮ አሳይ አ ካሌዳ፤ ሀርጌዳ ኡባ ፓꬄዳ። 16-17 ጾሳይ ናብያ ኢስያሳ ባጋና ኦዴዳዌ ፖለታና ማላ፥ የሱስ አሳቶ፥ “ታባ ሀራ አሳዉ ኦዶፕተ” ያጌዳ። 18 ጾሳይ ኢስያሳ ባጋና ሀዋዳን ያጌዳ፤
“ታን ዶሬዳ ታ አይሊ፥
ታን ሲቅያ፥ ታና ናሸችያዌ ሀዌኩ።
ታን ታ አያና አ ቦላ ዎꬃና።
እ ሱረ ፕርዳ አሳዉ ኡባዉ ኦዳናዋ። ኢሳ. 42:1-4
19 እ ፓሉመተና፤ ዎይ ዋሰና።
ባረ ቃላካ ኦግያን ስሰና።
20 ሱረ ፕርዳይ ጾን ከሳና ጋካናዉ፥
ትንጨቴዳ ማቃ መንና፤*አ። ትንጨቴዳ ማቃ መንና፤ ሀዋ ጉሳይ፥ ማዱ ባይናዋንቶነ ዳቡራንቻቶ የሱስ ኬካነ ጋራ ጉሳ። ብ። ጩዋትያ ሙቃዳ ቁንጩትያካ እ ቶይሰና ጉሳይ፥ የሱስ ዳቡራንቻቶ ጉዙማ ግደናዳን ኬካ ጉሳ።
ቃይ ጩዋትያ ሙቃዳ ቁንጩትያካ እ ቶይሰና።
21 አይሁዳ ግደና አሳይ ኡባይ፥
አ ቦላ ባረንቱ ህዶታ ዎꬃና”
ያጌዳ።
የሱሳባነ ብኤል-ዘቡላባ
(ማር. 3:20-30፤ ሉቃሳ 11:14-23)
22 ሄዋፐ ጉይያን፥ አማሬዳ አሳቱ ኢታ አያናይ ኦይቂና ዱዴዳ እት ቆቃ ብታንያ የሱሳኮ አሄድኖ፤ የሱስ ሄ ዱደ ብታንያ ፓꬄዳ፤ ብታኒካ ሃሳያነ ጼላ ዶሜዳ። 23 አሳይ ኡባይ ማላለቲደ፥ “ላ ሀዌ ዳዊተ ናኣ ግዳንዴሻ?” ያጌድኖ።
24 ሽን ፓርሳዋቱ ሄዋ ስሲደ፥ “ሀ ብታኒ ኢታ አያናቱዋ ካፑ ‘ብኤል-ዘቡል’ ባረዉ ዎልቃ እምና፥ ጻላሀቱዋ ከሴ” ያጌድኖ።
25 ሽን የሱስ ኡንቱንቱ ቆፋ ኤሪደ፥ ኡንቱንታ ሀዋዳን ያጌዳ፤ “ባረ ግዶን ሻከትያ ካዉተꬃይ ኡባይ ꬋያና፤ ቃይ ባረ ግዶን ሻከትያ ካታማይ ዎይ ጎለን ደእያ አሳይካ ምነና። 26 ቃይ ሴጻናይ ሴጻና ከስያዋ ግዶፐ፥ ባረ ግዶን ሻከቴ፤ ያትና፥ አ ካዉተꬃይ ዋኒደ ምን ኤቃናዌ? 27 ታዉ ብኤል-ዘቡል ዎልቃ እምና፥ ታን ጻላሀቱዋ ከስያዋ ግዶፐ፥ ህንተንቱ አሳዉ ዎልቃ ኦን እምና ጻላሀቱዋ ከሳኔ? ሄዋ ድራዉ፥ ኡንቱንቱ ህንተ ቦላ ፕርዳና። 28 ሽን ጾሳ ጌሻ አያናይ ታዉ ዎልቃ እምና፥ ታን ጻላሀቱዋ ከስያዋ ግዶፐ፥ ስም ጾሳ ካዉተꬃይ ህንተ ቦላ ይ ድጌዳ።
29 “ዎይ አሳይ ካሰቲደ፥ ዎልቃማ አሳ ቃቼናን ደኢደ፥ አ ጎለ ገሊደ፥ አ ሚሻ ቦንቃናዉ ዋኒደ ዳንዳዪ? ቃቼዳዋፐ ጉይያን፥ አ ሚሻ ቦንቃናዉ ዳንዳዬ።
30 “ታ ባጋ ግደና ኡራይ ታዋ እጼ፤ ቃይ ታናና እትፐ ሺሸናዌ ላሌ። 31 ሄዋ ድራዉ፥ ታን ህንተዉ ኦዳይ፤ ጾሳይ አሳዉ አይ ናጋራ ግድናካ፥ ቃይ አይ ቦረ ግድናካ አቶ ጋና፤ ሽን ጌሻ አያና ቦርያዋ አቶ ጌና። 32 ታ ቦላ፥ አሳ ናኣ ቦላ፥ ኢታባ ሃሳይያ ኦ ናጋራነ ጾሳይ አቶ ጋና፤ ሽን ጌሻ አያና ቦላ ኢታባ ሃሳይያ ኦ ናጋራነ ሳኣን ግድና፥ ሳሉዋንካ ጾሳይ አቶ ጌና።
ሎኦ ምꬃይ ባረ አይፍያን ኤረቴ
(ሉቃሳ 6:43-45)
33 “ሎኦ አይፍያ ደማናዉ ሎኦ ምꬃ ድቻናዉ በሴ፤ ኢታ ምꬃ ህንተንቱ ድቾፐ፥ ኢታ አይፍያ ደማንታ፤ አያዉ ጎፐ፥ ምꬃይ ኤረትያዌ ባረ አይፍያ አይፍያዋና። 34 ሾሻቶ፥ ህንተንቱ ኢታ ግዲደ፥ ዎት ሎኦባ ሃሳያናዉ ዳንዳዪቴ? አያዉ ጎፐ፥ ዶናይ ዎዛና ግዶን ኩሜዳዋ ሃሳዬ። 35 ሎኦ አሳይ ባረ ሎኦ ምንጁዋፐ ሎኦባ ከሴ፤ ቃይ ኢታ አሳይ ባረ ኢታ ምንጁዋፐ ኢታባ ከሴ። 36 ታን ህንተንቶ ኦዳይ፤ አሳይ ባረ ሃሳዬዳ ማደና ሃሳያ ኡባዉ ፕርዳ ጋላስ ዛሩዋ እማናዋ። 37 አያዉ ጎፐ፥ ነ ሃሳያይ ኔና ጽልሳና፤ ዎይ ነ ሃሳያይ ነ ቦላ ፕርድሳና” ያጌዳ።
ማላታ በአናዉ ሺቄዳ ኦሻ
(ማር. 8:11-12፤ ሉቃሳ 11:29-32)
38 ሄዋፐ ጉይያን፥ ህግያ ታማርስያ እት እት አሳይነ ፓርሳዋቱ ዛሪደ የሱሳ፥ “ታማርስያዎ፥ ኔን ማላታ ኦꬅሽን፥ ኑን በአናዉ ኮዬቶ” ያጌድኖ።
39 ሽን እ ዛሪደ፥ ኡንቱንቶ ሀዋዳን ያጌዳ፤ “ሀ ዎድያ አሳይ ኢታነ ጾሳ አማነና ድራዉ፥ ማላታ ኮዬ፤ ናብያ ዮናሳ ማላታፐ አትን፥ ሀራ ማላታይ እመተና። 40 ዮናስ ዎጋ ሞልያ ኡሉዋን ሄዙ ጋላሳነ ሄዙ ቃማ ደኤዳዋዳን፥ አሳ ናአይካ፥ ቢታ ግዶን ሄዙ ጋላሳነ ሄዙ ቃማ ደአናዋ። 41 ነነዌ አሳይ ዮናስ ኦዴዳዋን ባረንቱ ናጋራፐ ስሜዳ ድራዉ፥ ፕርዳ ጋላስ ደንዲደ፥ ህንተንታ ሞታናዋንታ፤ በይተ፥ ዮናሳፐ አꬍያዌ ሀዋን ደኤ። 42 ዱገ ባጋ ጋድያ ካታታ ሶሎሞነዉ ደእያ አꬎ ኤራተꬃ ስሳናዉ ሳኣ ጋጻፐ ዬዳ ድራዉ፥ ፕርዳ ጋላስ ደንዳደ፥ ህንተንታ ሞታናዉኑ፤ በይተ፥ ሶሎሞነፐካ አꬍያዌ ሀዋን ደኤ። 1 ካታ. 10:1-10፤ 2 ኦዱዋ 9:1-12
ኢታ አያናይ አሳ ጋርሳ ስሚደ ገልያዋ
(ሉቃሳ 11:24-26)
43 “ኢታ አያናይ አሳፐ ከሴዳ ዎደ፥ ባረዉ ሸምፕያ ሳ ኮዪደ፥ ሃꬃይ ባይና መላሳና ዩዬ፤ ሽን ደመና። 44 ሄ ዎደ፥ ‘ታን አጋደ ዬዳ ታ ጎለ ስማና’ ያጌ፤ ስሚደ ይያ ዎደ፥ ጎሊ መላ ደእያዋነ ፕተት ጌዪደ፥ ጊግ ኡቴዳዋ ደሜ። 45 ሄዋፐ ጉይያን፥ ቢደ ባረፐ ኢትያ ላፑ ሀራ አያናቱዋ አኪደ ዬ፤ ሄ አያናቱ ገሊደ፥ ሄዋን ደኢኖ። ሄ ብታንያ ደኡ ካሰዋፐ ዳሪ ኢቴ። ሀ ዎድያ ኢታ አሳዉካ ቃይ ሄዋዳን ሀናና” ያጌዳ።
የሱሳ ዳዮነ አ እሻቱዋ
(ማር. 3:31-35፤ ሉቃሳ 8:19-21)
46 የሱስ ዳሮ አሳዉ ሃሳይሽን፥ አ ዳያነ አ እሻቱ አናና ሃሳያናዉ ኮዪደ፥ ካረን ኤቄድኖ። 47 ሄዋን ደእያ አሳፐ እቱ አ፥ “ነ ዳያነ ነ እሻቱ ኔናና ሃሳያናዉ ኮዪደ፥ ካረን ኤቄድኖ” ያጌዳ። †እት እት ጌሻ ማጻፋ ብለꬃን ሀ ፓይዱ ባዋ።
48 ሽን የሱስ ዛሪደ፥ “ታ ዳያ ኦኔ? ታ እሻቱ ኦኔ?” ያጌዳ። 49 ባረ ኩሽያን ባረና ካልያዋንቱኮ ጾርሲደ፥ “በይተ፥ ታ ዳያነ ታ እሻቱ ሀዋንቱሽ። 50 አያዉ ጎፐ፥ ሳሉዋን ደእያ ታ አቡ ሸንያ ኦꬅያ ኡባይ፥ ታ እሻ፥ ታ ምቻቶነ ታ ዳዮ” ያጌዳ።