1 የሱስ ሄዋፐ ከሲደ፥ ባረ ጋድያ ናዝሬተ ካታማ ቤዳ፤ አ ካልያዋንቱካ አ ካሊደ ቤድኖ። 2 ሳምባታ ጋላስ አይሁዳ ዎሳ ጎልያን ታማርሱዋ ዶሜዳ፤ እ ታማርስያዋ ስሴዳ ጮራ አሳይ ማላለቲደ፥ “ሀዌ ሀ ኡባባ ሀቃፐ ደሜዴ? ሀ አዉ እመቴዳ አꬎ ኤራተꬃይ አዬ? ጾሳይ ኦꬅያ ማላታ እ ዎት ኦꬂ? 3 ሀዌ አናጽያ *አናጽያ፦ ግሪከ ብለꬃን ሹቻ ዎይ ኡርቃ መልሲደ መꬍያ አሳ ጊደ ጎኤቴ። ግደኔ? ማይራም ናኣ፥ ያቆባ እሻ፥ ዮሳ እሻ፥ ይሁዳ እሻ፥ ስሞና እሻ ግደኔ? አ ምቻቱ ኑናና ሀዋን ደእያዋንታ ግድክኖ?” ያጊደ፥ እ ግያዋ አከናን እጼድኖ።

4 የሱስ ሄ አሳዉ፥ “ናቢ ባረ ጋድያን፥ ባረ ዳባቱዋንነ ባረንቱ ሶይ አሳን ቦንቼተናዋፐ አትን፥ ኡባ ሳን ቦንቼቴ” ያጌዳ። 5 እ ሄዋን ባረ ኩሽያ አማሬዳ አሳቱዋ ቦላ ዎꬂደ፥ ኡንቱንታ ፓꬄዳዋፐ አትን፥ ጮራ ማላታ ኦꬃናዉ አይነ ዳንዳይቤና። 6 አሳይ አማንቤና ድራዉ ማላለቴዳ።

ሄዋፐ ጉይያን፥ የሱስ ሄዋ ሄራን ደእያ ቄር ካታማቱዋን ዩይ ዩዪደ፥ አሳ ታማርሴዳ። 7 የሱስ ታማነ ላኡ ባረና ካልያዋንታ ባረኮ ጼሲደ፥ ላኡዋ ላኡዋ ኪቴዳ፤ ቃይ ኡንቱንቶ ኢታ አያናቱዋ ከስያ ማታ እሜዳ። 8 ኡንቱንታ፥ “ኦግያ ጻምኣፐ አትን፥ ቁማ፥ ቃርጪትያ፥ ህንተዉ ሚሻ አያኔካ ኦይቆፕተ። 9 ህንተንቱ ገድያን ጫማካ ዎꬅተ፤ ሽን ላኡ ማዩዋ ማዮፕተ” ያጌዳ። 10 ቃይካ ኡንቱንታ፥ “ህንተንታ አሳይ ሀቃን ሞኮፐነ፥ ሄዋፐ ከሳና ጋካናዉ፥ ሄ ጎልያን ኡት አግተ። 11 ህንተንታ አሳይ ሞከናሳ ዎይ ህንተ ኦድያባ ስሰናሳ ሀቃ ግዶፐካ፥ ሄ ጋድያን ደእያ አሳዉ ሄዌ ማርካ ግዳና ማላ፥ ሄዋፐ ከሲደ፥ ህንተ ገድያፐ ባና ሾጭተ”†ህንተ ገድያፐ ባና ሾጭተ፦ ሀዌ አሳይ እጼዳዋ በስያዋ። ያጌዳ።

12 ታማነ ላኡ አ ካልያዋንቱ ቢደ፥ አሳይ ባረንቱ ናጋራፐ ስማናዳን፥ ቃላ ኦዴድኖ። 13 ኡንቱንቱ አሳፐ ዳሮ ኢታ አያናቱዋ ከሲደ፥ ሀርግያ አሳ ጮራ ዛይትያ ኦኪደ ፓꬄድኖ።ያቆባ 5:14

14 አሳይ የሱሳ ሱንꬃ ደንꬅያ ድራዉ፥ ካትያ ሄሮድሰ ሄዋ ኡባ ስሴዳ፤ እት እት አሳይ፥ “ጻማቅያ ዮሃንስ ሀይቁዋፐ ደንዴዳ፤ ሄዎ አዉ ዎልቃማ ማላታ ኦꬅያ ዎልቃይ ደኤ” ያጌዳ።

15 ሽን ሀራንቱ አ፥ “ሀዌ ኤላሳ” ያጌድኖ።

ሀራንቱ ቃይ፥ “ሀዌ በን ዎደ ናባቱዋ ማላትያ ናብያ” ያጌድኖ።

16 ሽን ሄሮድሰ ሄዋ ስሴዳ ዎደ፥ “ሄዌ ታን ቆꬍያ ሙጭሴዳ ጻማቅያ ዮሃንሳ። እ ሀይቁዋፐ ፓጼዳ” ያጌዳ።

17 አያዉ ጎፐ፥ ሄሮድሰ ባረ እሻ ፕልጶሳ ማቻቶ ሄሮድያዶ አክ ዎꬄዳ፤ ሄሮድሰ እዝ ድራዉ፥ ባረ ሁጰዉ አሳ ኪቲደ፥ ዮሃንሳ ኦይꬂደ፥ ቃሽስ ዎꬄዳ። 18 አያዉ ጎፐ፥ ዮሃንስ ሄሮድሳ፥ “ኔን ነ እሻ ማቻቶ አካናዉ በሰና” ያግ ዎꬄዳ።

19 ሄሮድያዳ ዮሃንሳዉ ኡሉዋን ሞርክያ ኦይቃደ አ ዎꬍሳናዉ ኮያዱ፤ ሽን ዳንዳያበይኩ። 20 ዮሃንስ ጽሎ አሳነ ጌሻ አሳ ግዴዳዋ ሄሮድሰ ኤሬዳ ድራዉ፥ አዉ ያዪደ፥ ሎይꬅ ናግ ዎꬄዳ፤ ዮሃንስ ግያዋ ስሲደ፥ ባረ ዎዛናን ዳርስ መቶቲደካ አባ ናሸቻን ስሴዳ።

21 ሄሮድሰ ባረ የለቴዳ ጋላስ፥ ጋድያ አይስያዋንቶ፥ ሻላቃቶነ ጋሊላን ደእያ ዎልቃማ አሳዉ ሾብያ ጊግሴዳ ዎደ፥ ዉርሰꬃን ሄሮድያዳ እንጀ ጋላሳ ደማዱ። 22 ሄሮድያድ ናታ እማꬃ ሞክያሳ ገላ ዱራደ፥ ሄሮድሳነ አ እማꬃቱዋ ናሸቻዱ፤ ሄዋፐ ጉየ ካቲ ናትዉ፥ “ኔና ሎኤዳዋ አያ ግዶፐነ ታና ኦቻ፤ ታን ነዉ እማና” ያጌዳ። 23 ቃይ እዝዉ ዳሪ ጫቂደ፥ “ኔን ኦቼዳዋ አያ ግዶፐካ፥ ታን ነዉ እማና፤ ሀራይ አቶ፥ ታ ካዉተꬃፐ ባጋ ግዶፐካ፥ ታን ነዉ እማና” ያጌዳ።

24 ናታ ካረ ከሳደ ባረ ዳዮ፥ “አያ እማ ጎ?” ያጋደ ኦቻዱ።

እ ዳያ፥ “ጻማቅያ ዮሃንሳ ሁጲያ እማ ጋ” ያጋዱ።

25 ናታ ኤለካ ካትያኮ ባደ አ፥ “ጻማቅያ ዮሃንሳ ሁጲያ ዎጪትያን ዎꬃደ፥ ኔን ሀእ ታዉ እማናዳን ኮያይ” ያጋዱ።

26 ሄዋፐ ጉየ ካቲ ዳሪ ቃረቴዳ፤ ሽን ባረ ጫቁዋ ድራዉነ ባረ እማꬃቱዋ ድራዉ እዝዉ ጫቄዳ ጫቁዋ ኮላናዉ ኮይቤና። 27 ሄዋ ድራዉ፥ ኤለካ ናግያዋ ኪቲደ፥ ዮሃንሳ ሁጲያ አሀና ማላ አዛዜዳ፤ ናግያዌ ቃሾ ጎለ ቢደ፥ ዮሃንሳ ቆꬍያ ሙጬዳ። 28 ሄ ሙጬዳዋ ዎጪትያን ዎꬅ አሂደ፥ ናትዉ እሜዳ፤ ናታ ቃይ ባረ አትዉ እማዱ። 29 ዮሃንሳ ካልያዋንቱ ሄዋ ስሴዳ ዎደ ዪደ፥ አ አሃ አፊደ ሞጌድኖ።

30 የሱስ ኪቴዳዋንቱ ስሚደ፥ የሱሳና ጋከቲደ፥ ባረንቱ ኦꬄዳባነ ባረንቱ ታማርሴዳባ ኡባ የሱሳዉ ኦዴድኖ። 31 ብያ አሳይነ ይያ አሳይ ዳርና፥ ሀራይ አቶ ቁማ ማናዉካ ኡንቱንታ ጋናን እጼዳ ድራዉ፥ የሱስ ኡንቱንታ፥ “ኑረካ ጉꬃ ሸምፕ አካናዉ አሳይ ባይናሳ ቦይተ”‡አሳይ ባይናሳ፦ ሀዌ ጋሊላ ጌተትያ ዎምባፐ ፑደሃ ዶላ ባጋና ደኤ። 6:45 ጼልተ። ያጌዳ። 32 የሱስነ ኡንቱንቱ ባረንቱ ጻላላ ዎንግርያን ኡቲደ፥ አሳይ ባይናሳ ቤድኖ።

33 ኡንቱንቱ ቢሽን፥ ጮራ አሳይ ኡንቱንታ በኢደ ኤሬዳ፤ ካታማ ኡባፐ ገድያን ዎጺደ፥ ኡንቱንቱ ብያሳ ኡንቱንቱፐ ካሰቲደ ጋኬድኖ። 34 የሱስ ዎንግርያፐ ከሲደ፥ ጮራ አሳ በኤዳ፤ አሳይ ሄምያ አሳይ ባይና ዶርሳ ማላ ግዴዳ ድራዉ፥ ቃረቲደ አሳ ዳሮባ ታማርሱዋ ዶሜዳ። ፓይ. 27:17፤ 1 ካታ. 22:17፤ 2 ኦዱዋ 18:16፤ ህዝ. 34:5፤ ማቶሳ 9:36

35 ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ “ሀዌ ሳአይ አሳይ ባይና ሳኣ፤ ሀእ ሳአይካ ቃም ድጌዳ፤ 36 አሳይ ሄራነ ቄር ካታማቱዋ ግዶ ቢደ፥ ባረንቶ ምያባ ሻማና ማላ፥ አሳ ሞይዛ” ያጌድኖ።

37 ሽን የሱስ ዛሪደ ኡንቱንታ፥ “አሳዉ ምያባ ህንተ እምተ” ያጌዳ።

ሄዋፐ ጉየ ኡንቱንቱ፥ “ኑን ቢደ፥ ላኡ ጼቱ ብራ ሳንትምያ §ብራ ሳንትምያ፦ በን ዎድያን አሳ ጋድያን እት ጋላሳ ኡንያ ኦꬅ ፔሼዳ አሳዉ እት ብራ ሳንትሚ እመቴ። ማት። 20:2 ጼልተ። ቁማ ሻሚደ፥ አሳይ ማናዉ እማኔ?” ያጊደ አ ኦቼድኖ።

38 የሱስ ኡንቱንታ፥ “ህንተንቶ አፑን ዳቡ ደኢ? ቢደ በእተ” ያጌዳ።

ኡንቱንቱ በኢደ፥ “እቼሹ ዳቡዋነ ላኡ ሞልያ” ያጌድኖ።

39 የሱስ ባረና ካልያዋንታ አሳ ኡባ ጭታን ጭታን ሻክ ሻኪደ፥ ማታን ኡትሳና ማላ አዛዜዳ። 40 አሳይ ጼቱ ጼቱነ እሻታሙ እሻታሙ ጭታን ጭታን ኡቴድኖ። 41 የሱስ እቼሹ ዳቡዋነ ላኡ ሞልያ ኦይቂደ፥ ፑደ ሳሉዋ ጼሊደ፥ ጾሳ ጋላቴዳ፤ ዳቦቱዋ መንꬂደ አሳዉ ግሻና ማላ፥ ባረና ካልያዋንቶ እሜዳ፤ ቃይ ላኡ ሞልያካ ኡንቱንቱ ኡባዉ ሻኬዳ። 42 አሳይ ኡባይ ሚደ ካሌድኖ። 43 ሄዋፐ ጉየ አቴዳ ዳቦቱዋ ዶካይነ ሞልያ ዶካይ ታማነ ላኡ ዛምቤልያ ኩሜዳዋ የሱሳ ካልያዋንቱ ደንꬄድኖ። 44 ዳቡዋ ሜዳ አቱማ አሳይ እቼሹ ሻአ።

45 ኤለካ የሱስ ሄ ጮራ አሳ ሞይዚደ፥ ባረና ካልያዋንቱ ዎንግርያን ገሊደ፥ አባፐ ሄፍንꬃን ደእያ ቤተሳይዳ ግያ ካታማ ባረፐ ስንꬃቲደ ባናዳን አዛዜዳ። 46 ኡንቱንታ ሞይዜዳዋፐ ጉይያን፥ ጾሳ ዎሳናዉ ዞዝያ ከሴዳ።

47 ሳአይ ቃምያ ዎደ ዎንግሪ ዎምባ ግዱዋን ደእሽን፥ የሱስ ዎምባፐ ጋጻን ባረካ ደኤ። 48 ጫርኩ አ ካልያዋንቱኮ ጫርክያ ድራዉ፥ ባረና ካልያዋንታ ዎምባ ቤታይ መቶꬅያዋ የሱስ በኢደ፥ ኩቱ ዋሳና ሀንያ ዎደ ዎምባ ቦላን ሀመቲደ፥ ኡንቱንቱኮ ዬዳ፤ ኡንቱንታ የግ አꬋናዉ ኮዬዳ። 49 ሽን ዎምባ ቦላን እ ሀመትሽን፥ ኡንቱንቱ አ በኢደ፥ ባረንቶ ሞይትልያ ማላትና ዋሴድኖ። 50 አያዉ ጎፐ፥ ኡንቱንቱ ኡባይ አ በኢደ፥ ያሻ ኮኮሬድኖ፤ ሽን ኤለካ የሱስ ኡንቱንታ፥ “አይነ ባዋ፤ ታናተኔ ያዮፕተ” ያጌዳ። 51 የሱስ ኡንቱንቱና እትፐ ዎንግርያን ገልና፥ ጫርኩ ዎፑ ጌዳ፤ ኡንቱንቱ ዳሮ ማላለቴድኖ። 52 አያዉ ጎፐ፥ ኡንቱንቱ ዎዛናይ ጆሌዳ ድራዉ፥ ኡንቱንቱ ኡክꬃባ አኬክበይክኖ።

53 ኡንቱንቱ አባ ፕኒደ፥ ገንሳሬጻ ግያ ቢታ ጋኬድኖ፤ ያን ዎንግርያ ጋጻ ሺሽ ቃቼድኖ። 54 ኡንቱንቱ ዎንግርያፐ ዎꬍያዋን፥ አሳይ ኤለካ የሱሳ ኤርነ 55 ሄዋ ሄራን ደእያ ጋድያ ኡባን ዎጸረቲደ፥ ሀርጋንቻቱዋ ሻንቻማን ቶኪደ፥ “የሱስ ደኤ” ጊና ስሴዳሳ አሁዋ ዶሜዳ። 56 የሱስ ቤዳ ሳ ኡባን ቄር ካታማን ግድና፥ ዎልቃማ ካታማን ግድና፥ ሄራ ግዶን ግድናካ፥ ገያ ደንባን አሳይ ሀርጋንቻቱዋ አኮ አፌ። የሱስ ባረ ማዩዋ ማጫራ ግዶፐነ ሀርጋንቻቱዋ ቦሽሳና ማላ፥ አሳይ አ ዎሴዳ፤ ቦቼዳ ኡባይ ፓጼዳ።