1 የሱስ ኡንቱንቶ ኦዱዋ ሌምሱዋን ያጊደ ዶሜዳ፤ “እት ብታኒ ዎይንያ ግያ ቱራ ቶኪደ፥ ድርሳ ዩሽ አꬂደ ድሬዳ፤ ቃይ ሄ ዎይንያ ጉምእያ ኦላካ ቦኬዳ፤ ሄዋ ናግያ አሳዉ ናግያሳ ኬጼዳ፤ ሄዋፐ ጉይያን፥ ኮꬃ ኦꬅያ አሳዉ እሚደ፥ ሀራ ጋደ ቤዳ። ኢሳ. 5:1-2 2 ዎይንያ አይፍያ ማጽያ ዎዲ ጋክና፥ ባረና ጋክያዋ አኪደ ያና ማላ፥ እት ቆማ ባረ ኮꬃዋቱዋኮ ኪቴዳ። 3 ኮꬃ ኦꬅያዋንቱ አ ቆማ ኦይቂ ዋꬊደ፥ ኩሸ መላ የዴድኖ። 4 ላኤንꬁዋ ሀራ ቆማ ኡንቱንቱኮ ኪቴዳ፤ ኡንቱንቱ ሄ ቆማ ሁጲያ ጳልቂደ ፖክስ የዴድኖ። 5 ዎይንያ ቱራ ጎዳይ ቃይካ ሀራ ቆማ ኪቴዳ፤ ሄ ቆማ ዎꬌድኖ፤ ቃይ ሀራ ጮራቱዋካ ሄዋዳን ኦꬄድኖ፤ እቱዋ እቱዋ ዋꬊደ፥ ሀራቱዋ ዎꬌድኖ።

6 “ዎይንያ ቱራ ጎዳዉ ኪታናዉ ኡባፐ ዉርሰꬃን እ ዳሪ ሲቅያ አ ናኣ ጻላላይ አቴዳ፤ እ፥ ‘ኡንቱንቱ ታ ናኣ ቦንቼናን አግክኖ’ ጊደ፥ ባረ ናኣ ኡንቱንቱኮ ኪቴዳ።

7 “ሽን ኮꬃ ኦꬅያዋንቱ ባረንቱ ግዶን፥ ‘ላታናዌ ሀዋ፤ ቢደ አ ዎꬎይተ፤ አዉ ደእያዌ ኑዋ ግዳና!’ ያጌድኖ። 8 ናኣ ኦይቂ ዎꬊደ፥ አ አሃ ዎይንያ ቱራ ግዶፐ ጋጻ ከስ ኦሌድኖ።

9 “ስም ዎይንያ ቱራ ጎዳይ ዎታኔ? ዪደ ሄ ኮꬃዋቱዋ ዎꬍ ዉርሲደ፥ ዎይንያ ቱራ ኮꬃ ኦꬅያ ሀራ አሳዉ እማናዋ።

12 ቄሳቱዋ ካፓቱ፥ ህግያ ታማርስያዋንቱነ ጭማቱ የሱስ ሄ ሌምሱዋ ባረንቱን ሌምሴዳዋ ኤሬዳ ድራዉ፥ አ ኦይቃናዉ ኮዬድኖ፤ ሽን አሳዉ ያዪደ፥ ባሽ ቤድኖ።

13 ቃይ አ ሃሳያፐ ባላ ደማና ማላ፥ ፓርሳዋቱዋፐነ ሄሮድሳ ባጋቱዋፐ *ሄሮድሳ ባጋቱዋ፦ ሀዋንታ ጉሳይ ሄ ዎደ ደእያ ካዉተꬃ ፖሎትካ ባጋና ካሰ ዎጋ ሄሮድሳነ አ ናኣ ሄሮድ አንትጳሳ ባጋቱዋነ ኡንቱንታ ካልያ አሳቱዋ። አማሬዳዋንቱ አኮ ኪትና ዪደ፥ 14 “ታማርስያዎ፥ ኔን ቱሙዋ ሃሳይያዋነ አሳፐ አሳ ሻከናዋ ኑን ኤሬቶ፤ አያዉ ጎፐ፥ ኔን አሳ ዱማያካ፤ ቃይ ጾሳ ኦግያ ቱማተꬃን ታማርሳ። ኑን ሮማ ካትያ ቄሳረዉ ጊራ ጊርያዌ ዎጌየ ዎጋ ግደኔ? ጊራ ጊራኔዬ ድጋኔ?” ያጌድኖ።

15 ሽን ኡንቱንቱ ሎአ ማላትያ ኢታ አሳ ግዴዳዋ የሱስ ኤሪደ፥ “ታና አያዉ ፓጪቴ? እት ሳንትምያ ሃ ታኮ አህተ፤ ታን አነ በአና” ያጌዳ። 16 ኡንቱንቱ አዉ አሄድኖ፤ “ሀ ማላይነ ሱንꬃይ ኦዌ?” ያጊደ ኡንቱንታ ኦቼዳ።

ኡንቱንቱ፥ “ቄሳረዋ” ያጌድኖ።

17 የሱስ ዛሪደ ኡንቱንታ፥ “ያቶፐ፥ ቄሳረዋ ቄሳረዉ፥ ጾሳዋ ጾሳዉ እምተ” ያግና ኡንቱንቱ አባ ማላለቴድኖ።

18 ሀይቄዳ አሳይ ደንደና ግያ ሳዱቃዋናቱዋፐ እት እት አሳቱ የሱሳኮ ዪደ፥ ሀዋዳን ያጊደ፥ አ ኦቼድኖ፤ 19 “ታማርስያዎ፥ ሙሴ ኑዉ ህግያ ጻፊደ፥ ‘ማቻቶ አኬዳ አሳይ ናኣ የለናን ሀይቆፐ፥ ሄ ሀይቄዳዋ እሻይ አ ማቻቶ ላቲደ፥ ባረ እሻዉ ናኣ የላናዉ በሴ’ ያግያዋ ጻፌዳ። ዛረ. 25:5 20 እት ዎደ ላፑ እሻቱ ደእያዋንቱፐ ባይራይ ማቻቶ አኪደ፥ ናኣ የለናን ሀይቄዳ። 21 ላኤንꬅያ እሻይ እዞ አኬዳ፤ እካ ናኣ የለናን ሀይቄዳ፤ ሄዘንꬅያዌካ ሄዋዳን ሀኔዳ። 22 ላፑናቱካ እዞ አኪደ፥ ናኣ የለናን ሀይቄድኖ፤ ኡባፐ ጉይያን፥ ቃይ ሄ ምሽራታ ሀይቃዱ። 23 ያትና፥ ሀይቄዳ አሳይ ሀይቁዋፐ ደንድያ ዎደ፥ እዛ ኡንቱንቱፐ ሀቃዎ ማቼ ግዳኔ? አያዉ ጎፐ፥ ላፑናቱካ እዞ አኬድኖ”።

24 የሱስ ዛሪደ ኡንቱንታ፥ “ህንተንቱ ባለትያዌ፥ ጾሳ ማጻፋቱዋነ አ ዎልቃ ኤረና ድራሳ! 25 አያዉ ጎፐ፥ ሀይቄዳ አሳይ ሀይቁዋፐ ደንድያ ዎደ፥ ሳሉዋን ደእያ ኪታንቻቱዋ ማላ ግዳናፐ አትን፥ አቱማ አሳይነ አከና፤ ማጫ አሳይነ ገለና። 26 ሽን ሀይቄዳዋንቱ ደንዱዋባ ግዶፐ፥ ሙሴ ማጻፋን ጻፈቴዳ ጻራጋይ ምያ ቡራባ ኦድያ ሳኣን፥ ጾሳይ ሙሳ፥ ‘ታን አብራሃመ ጾሳ፥ ይሳቃ ጾሳ፥ ያቆባ ጾሳ’ ግድያዋ ኡባካ ናባብ በይክቴ?ከሳ 3:6 27 እ ፓጻ ደእያዋንቱ ጾሳ ግድያዋፐ አትን፥ ሀይቄዳዋንቱ ጾሳ ግደና፤ ህንተ ዳርስ ባሌድታ” ያጌዳ።

28 ህግያ ታማርስያዋንቱፐ እቱ ኡንቱንቱ ፓሉመትያዋ ሺቂደ ስሴዳ፤ ቃይ የሱስ ኡንቱንቶ ሎኦ ዛሬዳዋ ስሲደ፥ “አዛዙዋ ኡባፐ አꬍያ አዛዙ ሀቃዌ?” ያጊደ የሱሳ ኦቼዳ።

29 የሱስ ዛሪደ፥ አ “አዛዙዋ ኡባፐ አꬍያ አዛዙዋ፥ ‘እስራኤልያ አሳይ ስስተ፥ ጎዳይ ኑ ጾሳይ እት ጎዳ። ዛረ. 6:4-5 30 ህንተንቱ ጎዳ ህንተ ጾሳ ህንተ ኩመንꬃ ዎዛናፐ፥ ህንተ ኩመንꬃ ሸምፑዋፐ፥ ህንተ ኩመንꬃ ቆፋፐ፥ ህንተ ኩመንꬃ ዎልቃፐ ሲቅተ’ ያጌ። 31 ቃይ አዛዙዋ ኡባፐ አꬍያ ላኤንꬆ አዛዙ ሀዋ፤ ‘ኔን ነ ሾሩዋ ነ ሁጲያዳን ሲቃ’ ግያዋ፤ ሀዋንቱፐ አꬍያ ሀራ አዛዙ ባዋ” ያጌዳ። ዎጋ 19:18

32 ህግያ ታማርስያዌ የሱሳ ያጌዳ፤ “ታማርስያዎ፥ ቱሙዋ ጋዳ፤ ኔን ‘ጾሳይ እት ጾሳ ጻላላ። አፐ አትን፥ ሀራይ ባዋ’ ጌዳዌ ቱማ። ዛረ. 4:35 33 ጾሳ ኩመንꬃ ዎዛናፐ፥ ኩመንꬃ ቆፋፐነ ኩመንꬃ ዎልቃፐ ዶስያዌነ ቃይ ባረ ሾሩዋካ ባረ ሁጲያዳን ሲቅያዌ፥ ጉድያ ያርሹዋፐነ ሀራ ያርሹዋ ኡባፐ አꬌ” ያጌዳ። ሆሰ 6:6

34 የሱስ ህግያ ታማርስያዋ ዛሩ አꬎ ኤራንቻ አሳ ዛሩዋ ግዴዳዋ በኢደ፥ “ኔን ጾሳ ካዉተꬃፐ ሃካበይካ” ያጌዳ፤ ሄዋፐ ጉይያን፥ የሱሳ ሀራባ ኦቻናዉ ኦንነ ጻልቤና።

35 የሱስ ጌሻ ጎልያን ታማርሲደ፥ “ህግያ ታማርስያዋንቱ ክርስቶሳ ዎት ዳዊተ ናኣ ጊኖ? 36 ዳዊተ ባረና ጌሻ አያናይ ሃሳይስና፥

ጮራ አሳይ የሱስ ግያዋ ናሸቻን ስሴዳ።

38 የሱስ ታማርሲደ፥ “ህግያ ታማርስያዋንቱፐ ናገትተ፤ ኡንቱንቱ አዱሳ ማዩዋ ማዪደ ዩይያዋነ ገያ ሄራንካ አሳይ ኡንቱንታ ቦንቺደ ሳሮትያዋ ዶሲኖ። 39 ኡንቱንቱ አይሁዳ ዎሳ ጎለቱዋን ዳሪ ሎእያ ኦይድያ ዶሲኖ፤ ቃይ አሳይ ባረንታ እማꬃተꬃን ሞክያሳንካ ቦንቾ ሳኣ ዶሲኖ። 40 ኡንቱንቱ አምኤቱ ጎልያ ቦንቂደ፥ ባረንቶ ሎአ ማላታናዉ ጾሳ ዎሳ አዱሲኖ፤ ኡንቱንቱ ኡባፐ አꬍያ ሙራ አካናዋንታ” ያጌዳ።

41 የሱስ ጌሻ ጎልያን እሞታ የግያ ሳጽንያ ማታን ኡቲደ፥ አሳይ ባረ ሚሻ ሄ ሳጽንያን የግያዋ በኤዳ፤ ጮራ ዱረ አሳይ ዳሮ ሚሻ ሄ ሳጽንያን የጌድኖ። 42 እት ህዬሳ አምአታ ያደ፥ እት ሳንትምያን ላመትያ ላኡ ሰምበራቱዋ ሄ ሳጽንያን የጋዱ። 43 የሱስ ባረና ካልያዋንታ ጼሲደ፥ “ታን ህንተንቶ ቱሙዋ ጋይ፤ እሞታ ሳጽንያን የጌዳ አሳ ኡባፐ ሀ ህዬሳ አምአታ ዳርሳደ የጋዱ። 44 አያዉ ጎፐ፥ ሀራቱ ኡባይ ባረንቶ ፓላሄዳ ሚሻፐ የጌድኖ፤ ሽን እዛ ባረ ፓጫፐ፥ ባረዉ ደእያ ደኡዋ ሙለካ እማ አጋዱ” ያጌዳ።