7
1 ግምቢያ ኪታይ ዉርና፥ ፐንገቱዋንካ ሳንቃይ ገሌዳ። ቃይ ፐንግያ ናግያዋንቱ፥ ማዝሙርያ የጽያዋንቱነ ሌዋቱ ባረንቱ ኪታን ኪታን ገሌድኖ። 2 ሄዋፐ ጉይያን፥ የሩሳላመ ካታማ አይስያ ማታ ታ እሻ ሀናናዉነ ጌሱዋ ጋዳዋ ሀናንያዉ እማድ። ሀናኒ ሀራ ኡባፐ አꬌዳ ቱማንቻነ ጾሳዉ ያይያ አሳ። 3 ታን ኡንቱንታ ሀዋዳን ያጋደ አዛዛድ፤ “ዎንታ አዋይ ከሲደ ሆአና ጋካናዉ፥ የሩሳላመ ግምቢያ ፐንገቱዋ ዶዮፕተ። ቃይ ኦማርስ ናግያዋንቱ ባረንቱ ኦሱዋ ዉርሲደ ባናፐ ካሰቲደ፥ ፐንገቱዋ ሎይꬅ ጎርዳናዳን ኦꬅተ። ሄዋ ቦላካ የሩሳላመን ደእያ አሳፐ ዶሪደ፥ እቱ እቱ ካላን ካላን ናጋናዳንነ ቃይ ሀራቱ ባረንቱ ሄራን ደኢደ፥ ባረንቱ ጎልያ ኬሻ ኬሻ ናጋናዳን ኦꬅተ” ያጋድ።
ኦሞዱዋፐ ስሜዳ አሳ ሱንꬃ
(እዝራ 2:1-70)
4 ሄ ዎደ የሩሳላመ ካታማይ ሎይꬅ አኮነ ዎልቃማ፤ ሽን አ ግዶን ደእያ አሳ ፓይዱ ሎይꬅ ጉꬃ። ቃይ ዳሮ ጎሊካ ብሮ ኬጸትቤና። 5 ሄዋፐ ጉይያን፥ አሳ ካለꬅያዋንታ፥ ካፓቱዋነ አሳ ኡባ ሺሻደ ኡንቱንቱ የለታ ማራን ማራን ማዝጋባና ማላ፥ ጾሳይ ታና ቆፍሴዳ። ኦሞዱዋፐ ካሰቲደ ስሜዳ አሳ የለታ ማራ ማጻፋካ ደማድ፤ ሄ ማጻፋን ጻፈቴዳዌ ሀዋ።
6 ባብሎነ ካቲ ናቡካዳናጾረ ኦሞዲደ፥ ባረ ጋድያ አፌዳ አሳፐ ጉየ ባረንቱ ካታማ ካታማ የሩሳላመነ ይሁዳ ስሜዳ አሳቱ ሀዋፐ ካልያዋንታ። 7 ኡንቱንቱ ካፓቱ ዛሩባቤላ፥ ኢያሳ፥ ናህምያ፥ አዛርያ፥ ራኣምያ፥ ናሀማና፥ ማርድክዮሳ፥ ብልሻና፥ ምስፐሬታ፥ ብግዋያ፥ ናሁማነ ባኣና።
ኦሞዱዋፐ ስሜዳ እስራኤልያ አሳ ፓይዱ ሀዋ።
8 ፓርኦሻ ያራቱ 2,172.
9 ሻፋጽያ ያራቱ 372.
10 አራሀ ያራቱ 652. 11 ኢያሱነ እዮኣባ ናና ግዴዳ ፓሀት-ሞኣባ ያራቱ 2,818.
12 ኤላማ ያራቱ 1,254.
13 ዛቱ ያራቱ 845.
14 ዛካያ ያራቱ 760.
15 ቢኑያ ያራቱ 648.
16 በባያ ያራቱ 628.
17 አዝጋዳ ያራቱ 2,322.
18 አዶንቃማ ያራቱ 667.
19 ብግዋያ ያራቱ 2,067.
20 አዲና ያራቱ 655.
21 ህዝቂያሳ ያራ ግዴዳ አጼራ ያራቱ 98.
22 ሀሹማ ያራቱ 328.
23 በጻያ ያራቱ 324.
24 ሀሪፋ ያራቱ 112.
25 ጋባኦና ያራቱ 95.
26 ቤተሌመነ ናጾፋ ካታማቱዋ አሳይ 188.
27 አናቶታ ካታማ አሳይ 128.
28 ቤት-አዝማዌቱዋ ካታማ አሳይ ኦይታማነ ላኡዋ።
29 ቅርያት-ይኣሪማ፥ ካፊራነ ባኤሮታ ካታማቱዋ አሳይ 743.
30 ራማነ ገባአ ካታማቱዋ አሳይ 621.
31 ምክማሳ ካታማ አሳይ 122.
32 ቤቴለነ አታ ካታማቱዋ አሳይ 123.
33 ላኤንꬆ ናቦ ጌተትያ ካታማ አሳይ 52.
34 ላኤንꬆ ኤላማ ያራቱ 1,254.
35 ሀሪማ ካታማ አሳይ 320.
36 ያርኮ ካታማ አሳይ 345.
37 ሎዳ፥ ሀዲዳነ ኦኖ ካታማቱዋ አሳይ 721.
38 ሳናአ ካታማ አሳይ 3,930.
39 ሀዋፐ ካልያዋንቱ ኦሞዱዋፐ ስሜዳ ቄሳቱ ዋ:
ኢያሱ ያራ ግዴዳ ያዳያ ያራቱ 973፤
40 እሜራ ያራቱ 1,052፤
41 ፓሽሁራ ያራቱ 1,247፤
42 ሀሪማ ያራቱ 1,017.
43 ሀዋፐ ካልያዋንቱ ኦሞዱዋፐ ስሜዳ ሌዋቱዋ:
ሆዳዊያ ያራ ግዴዳ ኢያሱነ ቃድምኤላ ያራቱ 74፤ 44 አሳፋ ያራ ግዴዳ ማዝሙርያ የጽያዋንቱ 148፤ 45 ጌሻ ጎልያ ፐንግያ ናግያ
ሻሉማ፥ አጼራ፥ ጻልሞና፥ አቁባ፥ ሀጺጻነ ሾባያ ያራቱ 138.
46 ሀዋንቱ ኦሞዱዋፐ ስሚደ፥
ጌሻ ጎልያን ኦꬅያ ቆማቱዋ ያራቱዋ:
ጺሀ ያራቱዋ፥ ሀሱፋ ያራቱዋ፥ ጻባኦታ ያራቱዋ፥ 47 ቄሮሳ ያራቱዋ፥ ሲአ ያራቱዋ፥ ፓዶና ያራቱዋ፥ 48 ላባና ያራቱዋ፥ ሀጋባ ያራቱዋ፥ ሻልማያ ያራቱዋ፥ 49 ሀናና ያራቱዋ፥ ግዴላ ያራቱዋ፥ ጋሃራ ያራቱዋ፥ 50 ራኣያ ያራቱዋ፥ ራጺና ያራቱዋ፥ ናቆዳ ያራቱዋ፥ 51 ጋዛማ ያራቱዋ፥ ኡዛ ያራቱዋ፥ ፓሴሀ ያራቱዋ፥ 52 በሳያ ያራቱዋ፥ መኡኒማ ያራቱዋ፥ ናፉሸሲማ ያራቱዋ፥ 53 ባቅቡቃ ያራቱዋ፥ ሀቁፋ ያራቱዋ፥ ሀርሁራ ያራቱዋ፥ 54 ባጽሊታ ያራቱዋ፥ ማሂዳ ያራቱዋ፥ ሀርሻ ያራቱዋ፥ 55 ባርቆሳ ያራቱዋ፥ ስሳራ ያራቱዋ፥ ተማሀ ያራቱዋ፥ 56 ናጺሀ ያራቱዋነ ሀጺፋ ያራቱዋ።
57 ሀዋፐ ካልያዋንቱ ኦሞዱዋፐ ስሜዳ ሶሎሞነ ቆማቱዋ ያራቱዋ:
ሶጻያ ያራቱዋ፥ ሶፈሬታ ያራቱዋ፥ ፓሪዳ ያራቱዋ፥ 58 ያእላ ያራቱዋ፥ ዳርቆና ያራቱዋ፥ ግዴላ ያራቱዋ፥ 59 ሻፋጽያ ያራቱዋ፥ ሀጺላ ያራቱዋ፥ ፖከረት-ሀጻባይማ ያራቱዋነ አሞና ያራቱዋ።
60 ኦሞዱዋፐ ስሚደ፥ ጌሻ ጎልያን ኦꬅያ ቆማቱዋ ያራቱነ ሶሎሞነ ቆማቱዋ ያራቱ ፓይዱ ኡባና 392.
61 ሀራቱካ ቃይ፥ ተልመላሀ፥ ተልሀርሻ፥ ካሩባ፥ አዶናነ እሜራ ጌተትያ ካታማቱዋፐ የሩሳላመ ስሜድኖ። ሽን ኡንቱንቱ ዎይ ኡንቱንቱ አዎቱ እስራኤልያ ሼሻ ግድያዋ ኤርሳናዉ ዳንዳይበይክኖ። 62 ሄዋንቱ ዳላያ፥ ጾቢያነ ናቆዳ ያራቱዋ፤ ኡንቱንቱ ፓይዱካ ኡባና 642.
63 ቄሳቱ ዋፐ ቃይ ሆባያ ያራቱ፥ ሀቆጻ ያራቱነ ባርዝላያ ያራቱ የሩሳላመ ስሜድኖ። ሀዌ ባርዝላያ ግያዌ ጋላኣደ ቢታ አሳ ግዴዳ ባርዝላያ ናቶ አኪደ፥ ባረ ቦሉዋ ሱንꬃ አኬዳ። 64 ሀዋንቱ ባረንቱ የለታ ጻጱዋ ኤራናዉ የለታ ማጻፋን ኮዬድኖ፥ ሽን ደምቤይክኖ። ሄዋ ድራዉ፥ ኡንቱንቱ ቱናዳን ፓይደቲደ፥ ቄሰተꬃን ኦናዳን ድገቴድኖ። 65 ቃይ ጌሻ ሳማቱዋን ሻክ ፕርድያ ቄሲ ደንዳና ጋካናዉ፥ ኡንቱንቱ ጌሻ ቁማፐ ማናዉ ዳንዳየናዋ አይሁዳቱዋ ሞድያዌ ኡንቱንቶ ኦዴዳ። ከሳ 28:30፤ ዛረ. 33:8
66 ኦሞዱዋፐ ይሁዳ ቢታ ስሜዳ አሳ ፓይዱ ኡባና 42,360. 67 ሄዋ ቦላካ ቃይ 7,337 አቱማ ቆማቱነ ማጫ ቆማቱ ማዝሙርያ የጽያ 245 አቱማዋነ ማጫ አሳቱ ስሜድኖ። 68 ኦሞዱዋፐ ኡባና ስሜዳ አሳ ፓራቱዋ ፓይዱ 736፤ ባቁሎቱ 245፤ 69 ጋሎቱ 435፤ ሀረቱ ቃይ 6,720.
70 ያራቱዋ ካፓቱዋፐ አማሬዳዋንቱ ኦሶ እሞታ እሜድኖ። ቢታ ሞድያዌ ሆስፑን ኪሎ ግራመ ዎርቃ፥ 50 ድስተቱዋነ 530 ቄሳቱዋ ማዮቱዋ እሜዳ። 71 ያራቱዋ ካፓቱ 168 ኪሎ ግራመ ዎርቃነ 1,250 ኪሎ ግራመ ብራ እሜድኖ። 72 አቴዳ አሳይ ኡባና 168 ኪሎ ግራመ ዎርቃ፥ 1,100 ኪሎ ግራመ ብራነ 67 ቄሳቱዋ ማዮቱዋ እሜድኖ።
73 ሄዋፐ ጉይያን ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ አሳፐ ዳሮቱነ ጌሻ ጎልያ ቆማቱ፥ ኡባና እስራኤልያ ኡባይ ባረንቱ ካታማን ካታማን ኡቴድኖ። 1 ኦዱዋ 9:2፤ ናህ. 11:3