1 መꬍና ጎዳይ ሙሳ ሀዋዳን ያጌዳ፥ 2 “ኔን እስራኤልያ አሳዉ ሀዋዳን ያጋደ ኦዳ፤ ‘አቱማ አሳይ ዎይ ማጫ አሳይ ናዝራዌ ግዲደ፥ ባረና መꬍና ጎዳዉ ዱማያናዉ ገፖፐ፥ 3 ዎይንያ ኤሳነ ሀራ ማꬆይያ ኡሻ ኡሾፖ፤ ዎይንያ አይፍያፐ አገትያ ጫላባነ ማꬆይያባ ኡሾፖ፤ ዎይንያ ቴራ ጉምኤዳዋ ኡሾፖ። ዎይ ዎይንያ ቴራ ሹጉዋ ግድና፥ መላ ግድናካ ሞፖ፤ ሉቃሳ 1:15 4 እ ባረና ዱማዬዳ ዎድያን ኡባን፥ ዎይንያ ቱራፐ ቤትያዋ ኡባ፥ ዎይንያ ዘረꬃ ግድና፥ ዎይ ዎይንያ ፖቁዋ ግድናካ ሞፖ።

5 “ ‘እ ባረና መꬍና ጎዳዉ ዱማያናዉ ገፔዳ ዎድያን ኡባን፥ አ ሁጲ ሜደቶፖ ዎይ ቃንጸቶፖ። እ ባረ ሁጲያ ብናናካ አዱሲደ ድቾ። እ ባረና መꬍና ጎዳዉ ዱማዬዳ ዎዲ ፖለታና ጋካናዉ፥ ጌሻ ግዳናዉ ኮሼ።

6 “ ‘እ ባረና መꬍና ጎዳዉ ዱማዬዳ ዎድያን ኡባን አሃኮ ሺቆፖ። 7 ሀራይ አትና አ አዉ፥ ዎይ አ ዳያ፥ ዎይ አ እሻይ፥ ዎይ አ ምቻታ ሀይቆፐካ፥ እ ባረና ቱንሶፖ። አያዉ ጎፐ፥ እ ባረና ጾሳዉ ዱማዬዳዋ ኤርስያዌ ባረ ሁጲያና። 8 እ ባረና ጾሳዉ ዱማዬዳ ዎድያን ኡባን እ መꬍና ጎዳዉ ጌሻ።

9 “ ‘አሳይ አ ማታን አኬከናን ሀይቂና፥ ጾሳዉ ዱማዬዳ አ ሁጲ ቱኖፐ፥ ላፑን ጋላሳ ጋምኢደ፥ ባረ ጌይያ ሄ ላፑንꬃ ጋላስ ባረ ሁጲያ ሜደቶ። 10 ሆስፑንꬃ ጋላሳን ላኡ ሀራጰቱዋ ዎይ ላኡ ማራ ሀራጰቱዋ ጾሳ ዱንካንያ ፐንገ ቄስያዉ አሆ። 11 ቄሲ ሀራጰቱዋፐ እቱዋ ናጋራ ያርሾ፥ እቱዋ ቃይ ጹግያ ያርሾ ያርሾ። አያዉ ጎፐ፥ አሃይ አ ማታ ሺቄዳ ባይዙዋ ድራዉ፥ አዉ አቶ ጊሳናሳ። ሄ ጋላስ እ ባረ ሁጲያ ዎጋዳን ጌሾ፤ 12 እ ባረና ካሰ ገፔዳ ዎድያ ኬና ባረና ጾሳዉ ዱማያናዉ ኮሼ። ያቲደ የለቶደፐ እት ላይꬃ ግድያ አቱማ ዶርሳ ናቆ እምያ ያርሹዋ ኦꬂደ ያርሾ። ሽን ሄዋፐ ካሰ እ ባረና ጾሳዉ ዱማዬዳ ጋላሳቱ ፓይደትክኖ፤ አያዉ ጎፐ፥ እ ባረና ዱማዬዳ ሄ ዎደቱዋ ግዶን ባረና ቱንስ ድጌዳ።

13 “ ‘ባረ ገፋ ዎድያ ዉርሴዳ ዎደ ባረና ጾሳዉ ዱማዬዳ ናዝራዊያ ዎጋይ ሀዋ: ጾሳ ዱንካንያ ፐንገ እ ሺቆ፤ ኪታ 21:23-24 14 መꬍና ጎዳዉ ትላ ቦላና ደእያ እት ላይꬃ አቱማ ዶርሳ ጹግያ ያርሾ፥ ትላ ቦላና ደእያ እት ላይꬃ ዶርሳቶ ናጋራ ያርሾነ ትላ ቦላና ደእያ ዶርሳ ኦርግያ እትፐተꬃ ያርሾ ሄ ሳኣ አሆ። 15 ቃይ ካꬃ ያርሹዋነ ኡሻ ያርሹዋ ኡንቱንቱና እትፐ ያርሻናዉ አሆ፤ ሄ ካꬃ ያርሹ እርሹ ገልቤናዋ ግዶ፤ ቃይ ዛይትያን ሙናቄዳ ሊቆ ꬊልያ ኮምፖቱዋነ ዛይትያ ኦከቴዳ ሌኦ ኡክꬃቱዋ ማሶፍያን አሆ።

16 “ ‘ቄሲ ሄዋ ኡባ ሺሺደ፥ ናጋራ ያርሹዋነ ጹግያ ያርሾ ኦꬂደ፥ መꬍና ጎዳዉ አ ድራዉ ያርሾ። 17 ቄሲ ዶርሳ ኦርግያ፥ እርሹ ገልቤና ኮምፖቱዋነ ኡክꬃቱዋ እትፐተꬃ ያርሹዋ ኦꬂደ፥ መꬍና ጎዳዉ ያርሾ። ቃይ ሄዋና እትፐ ካꬃ ያርሹዋነ ኡሻ ያርሹዋ ያርሾ። 18 ሄዋፐ ጉይያን፥ ናዝራዊ ጾሳዉ ዱማዬዳ ባረ ሁጲያ ጾሳ ዱንካንያ ፐንግያን ሜደቶ፤ ሜደቴዳ ብናና አፊደ፥ እትፐተꬃ ያርሹዋፐ ጋርሳ ባጋና ደእያ ታማን የጎ።

19 “ ‘ባረና ጾሳዉ ዱማዬዳ ናዝራዊ ባረ ሁጲያ ሜደቴዳዋፐ ጉይያን፥ ቄሲ ዶይሰቴዳ ዶርሳ ኦርግያ ምሳ፥ እርሹ ገልቤና እት ኮምፑዋነ እት ሌኦ ኡክꬃ አኪደ፥ ሀ ናዝራውያ ኩሽያን ዎꬆ። 20 ቄሲ ኡንቱንታ ቃꬅያ ያርሹዋ ኦꬂደ፥ መꬍና ጎዳ ስንꬃን ቃꬆ። ያቶፐ ሄዋንቱ ዉጻኬዳ አንጎሱዋናነ ያርሼዳ ገድያና ጌሻነ ቄስያሳ። ሄዋፐ ጉይያን፥ መꬍና ጎዳዉ ባረና ዱማዬዳ ናዝራዊ ዎይንያ ኤሳ ኡሻና ጎፐ ኡሾ።

21 “ ‘ስም ጾሳዉ ባረና ዱማያናዉ ገፔዳ ናዝራውያዉ ዎꬆ ዎጋይ ሀዋ: ባረና መꬍና ጎዳዉ ያርሻናዉ ኮሽያ ያርሾቱዋፐ አꬍያዋ እማናዉ ገፔዳዋ ግዶፐ፥ እ ባረ ገፔዳ ገፋ ኬና ጋꬃናዉ ኮሼ’ ያጋ” ያጌዳ።

22 መꬍና ጎዳይ ሙሳ ሀዋዳን ያጌዳ፤ 23 “አሮናዉነ አ አቱማ ናናቶ ሀዋ ኦዳ፤ ‘እስራኤልያ አሳ ህንተ ሀዋዳን ያጊደ አንጅተ፦

27 “ሀዋዳን ኡንቱንቱ እስራኤልያ አሳ ቦላ ታ ሱንꬃ ዎꬃና፥ ታን ኡንቱንታ አንጃና” ያጌዳ።