7
ካፖቱ አሄዳ እሞታ
1 ሙሴ ጾሳ ዱንካንያ ቶሊደ ማኬዳ ዎደ፥ ሄ ዱንካንያነ አ ሚሻ ኡባ ኦኪደ ጌሼዳ፤ ቃይ ያርሽያ ሳነ አ ሚሻ ኡባካ ኦኪደ ጌሼዳ። 2 ሄዋፐ ጉይያን፥ እስራኤልያ አሳ ካለꬄዳዋንቱ፥ ሄዋንቱነ ዛራቱዋ ፓይዴዳ ሶ አሳ ካፖቱ እሞታ አሄድኖ። 3 መꬍና ጎዳዉ እሞታ ሺሼድኖ፤ ሄዋንቱካ ካመቴዳ ኡሱፑን ጋረቱዋ፥ ታማነ ላኡ ቦራቱዋ፥ ካፑዋን ካፑዋን እት እት ቦራነ ላኡ ላኡ ካፖቱ እት እት ጋርያ ጾሳ ዱንካንያ አሄድኖ።
4 መꬍና ጎዳይ ሙሳ ሀዋዳን ያጌዳ፤ 5 “ጾሳ ዱንካንያ ኦሶ ጎአና ማላ፥ ኔን ሄዋንታ ኡንቱንቱፐ አካደ፥ ሌዋቶ ኡንቱንቱ ኦሶ ኦሶ ኮሽያዋዳን ሻካደ እማ” ያጌዳ። 6 ሙሴ ጋረቱዋነ ቦራቱዋ አኪደ፥ ሌዋቶ እሜዳ። 7 ገርሾና ያራቶ ኡንቱንቱ ኦሶ ኮሽያዋዳን ሻኪደ፥ ላኡ ጋረቱዋነ ኦይዱ ቦራቱዋ እሜዳ። 8 ቃይ ማራራ ያራቶ ኡንቱንቱ ኦሶ ኮሽያዋዳን ሻኪደ፥ ኦይዱ ጋረቱዋነ ሆስፑን ቦራቱዋ እሜዳ። ኡንቱንቱ ኡባይካ ቄስያ አሮና ናኣ እታማራ አዎተꬃ ጋርሳና። 9 ሽን ሙሴ ቃሃታ ያራቶ ሄዋፐ አያነ እምቤና፤ አያዉ ጎፐ፥ ኡንቱንቱ አዎተꬃን ደእያ ጌሻ ሚሻቱ ባረንቱ ሀሽያን ቶካናዉ ኮሽያዋንታ ግድያ ድራሳ።
10 ያርሽያ ሳ ሙሴ ኦኪደ ጌሼዳ ጋላሳን፥ ካፖቱ ያርሽያ ሳኣ አንጅሳናዉ ባረንቱ እሙዋ አኪደ፥ ሄ ያርሹዋ ሳኣ ስንꬃ አሄድኖ። 11 መꬍና ጎዳይ ሙሳ ካሰ፥ “እት እት ጋላስ እት ካፑ ያርሽያ ሳኣ አንጃናዉ ባረ እሙዋ ጾሳዉ እሞ” ያግ ዎꬄዳ።
12 ኮይሮ ጋላስ ባረ እሙዋ አሄዳዌ ይሁዳ ዛርያፐ አምናዳባ ናኣ ናአሶና።
13 ናአሶን አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤ 14 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤ 15 ጹግያ ያርሾ፥ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 16 ናጋራ ያርሾ እት ዴሻ ኦርግያ፤ 17 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። አምናዳባ ናአይ ናአሶን አሄዳ እሙ ሀዋ።
18 ላኤንꬃ ጋላስ ይሳኮራ ዛራቱ ካፑ፥ ጹኣራ ናአይ ናታንኤል ባረ እሙዋ አሄዳ።
19 ናታንኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤ 20 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤ 21 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 22 ናጋራ ያርሾ እት ዴሻ ኦርግያ፤ 23 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ጹኣራ ናአይ ናታንኤል አሄዳ እሙ ሀዋ።
24 ሄዘንꬃ ጋላስ ዛብሎና ዛራቱ ካፑ፥ ሄሎና ናአይ ኤልኣብ ባረ እሙዋ አሄዳ።
25 ኤልኣብ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቀቴዳዌ ኩሜዳዋንታ፤ 26 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤ 27 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 28 ናጋራ ያርሾ እት ዴሻ ኦርግያ፥ 29 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ሄሎና ናአይ ኤልኣብ አሄዳ እሙ ሀዋ።
30 ኦይደንꬆ ጋላስ ሮቤላ ዛራቱ ካፑ ሻደኡራ ናአይ ኤሊጹር ባረ እሙዋ አሄዳ።
31 ኤሊጹር አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤ 32 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤ 33 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 34 ናጋራ ያርሾ እት ዴሻ ኦርግያ፤ 35 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ሻደኡራ ናአይ ኤሊጹር አሄዳ እሙ ሀዋ።
36 እቼሻንꬃ ጋላስ ስሞና ዛራቱ ካፑ፥ ጹሪሻዳያ ናአይ ሻሉምኤል ባረ እሙዋ አሄዳ።
37 ሻሉምኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤ 38 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤ 39 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤ 40 ናጋራ ያርሾ እት ዴሻ ኦርግያ፤ 41 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ጹሪሻዳያ ናአይ ሻሉምኤል አሄዳ እሙ ሀዋ።
42 ኡሱፑንꬃ ጋላስ ጋዳ ዛራቱ ካፑ፥ ረኡኤላ ናአይ ኤልያሳፍ ባረ እሙዋ አሄዳ።
43 ኤልያሳፍ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤ 44 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤ 45 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 46 ናጋራ ያርሾ እት ዴሻ ኦርግያ፤ 47 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ረኡኤላ ናአይ ኤልያሳፍ አሄዳ እሙ ሀዋ።
48 ላፑንꬃ ጋላስ ኤፍሬማ ዛራቱዋ ካፑ አምሁዳ ናአይ ኤልሻማእ ባረ እሙዋ አሄዳ።
49 ኤልሻማእ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤ 50 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤ 51 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤ 52 ናጋራ ያርሾ እት ዴሻ ኦርግያ፤ 53 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። አምሁዳ ናኣ ኤልሻማአ እሙ ሀዋ።
54 ሆስፑንꬃ ጋላስ ምናሰ ዛራቱ ካፑ ፓዳጹራ ናአይ ጋማልኤል ባረ እሙዋ አሄዳ።
55 ጋማልኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ልቆ ꬊሊ ዛይትያን ሙናቄዳዌ ኩሜዳዋንታ 56 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤ 57 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤ 58 ናጋራ ያርሾ እት ዴሻ ኦርግያ፥ 59 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ፓዳጹራ ናአይ ጋማልኤል አሄዳ እሙ ሀዋ።
60 ኡዱፑንꬃ ጋላስ ቢንያማ ዛራቱ ካፑ ጊድኦና ናአይ አብዳን ባረ እሙዋ አሄዳ።
61 አብዳን አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፤ 62 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤ 63 ጹግያ ያርሾ እት ኮሩማ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤ 64 ናጋራ ያርሾ እት ዴሻ ኦርግያ፤ 65 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ፥ እት ላይꬃይ ኩሜዳ እቼሹ አቱማ ዶርሳቱዋ። ጊድኦና ናአይ አብዳን አሄዳ እሙ ሀዋ።
66 ታማንꬃ ጋላስ ዳና ዛራቱ ካፑ አምሻዳያ ናአይ አህኤዘር ባረ እሙዋ አሄዳ።
67 አህኤዘር አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፤ 68 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ። 69 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤ 70 ናጋራ ያርሾ እት ዴሻ ኦርግያ፤ 71 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። አምሻዳያ ናአይ አህኤዘር አሄዳ እሙ ሀዋ።
72 ታማነ እተንꬃ ጋላስ አሴራ ዛራቱ ካፑ ኦክራና ናአይ ፓግኤል ባረ ያርሹዋ አሄዳ።
73 ፓግኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሾ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፤ 74 ቃይ እት ጼታነ ታሙ ግራመ ዴጽያ ዎርቃፐ መꬌዳ ሻታ፥ እጻናይ ኩሜዳዋ፤ 75 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 76 ናጋራ ያርሾ እት ዴሻ ኦርግያ፤ 77 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ኦክራና ናአይ ፓግኤል አሄዳ እሙ ሀዋ።
78 ታማነ ላኤንꬆ ጋላስ ንፍታሌማ ዛራቱ ካፑ ኤናና ናአይ አህራእ ባረ እሙዋ አሄዳ።
79 አህራእ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፥ 80 ቃይ እት ጼታነ ታሙ ግራመ ዴጽያ ዎርቃፐ መꬌዳ እት ሻታ፥ እጻናይ ኩሜዳዋ፤ 81 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤ 82 ናጋራ ያርሾ እት ዴሻ ኦርግያ፥ 83 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ኤናና ናአይ አህራእ አሄዳ እሙ ሀዋ።
84 ያርሽያ ሳአይ ኦከቴዳ ዎደ፥ እስራኤላቱዋ ካፓቱ ያርሽያ ሳኣ አንጃናዉ አሄዳ እሞታይ ኡባና ሀዋንታ: ብራፐ መꬌዳ ታማነ ላኡ ከረቱዋ፥ ብራፐ መꬌዳ ታማነ ላኡ ኩይጻሮቱዋነ ዎርቃፐ መꬌዳ ታማነ ላኡ ሻተቱዋ፤ 85 ብራፐ መꬌዳ እት እት ከሪ እት ኪሎ ግራመነ ባጋ ዴጼ፤ ብራፐ መꬌዳ እት እት ኩይጻሩ ሆስፑን ጼቱ ግራመ ዴጼ፤ ብራፐ መቴዳ ከርያነ ኩይጻሩ ኤረቴዳ ሚዛናን ዎꬅና፥ ኡባና ላታማነ ሆስፑን ኪሎ ግራመ ኬና ዴጺኖ። 86 ታማነ ላኡ ዎርቃ ሻታቱ ኤረቴዳ ሚዛናን ዎꬅና እቱ እቱ እት ጼታነ ታሙ ግራመ፥ ኡባና እት ክሎነ ሄዙ ጼቱ ግራመ ዴጺኖ። ኡንቱንቱን እጻናይ ኩም ኡቴዳ። 87 ካꬃ ያርሹዋና እትፐ ጹግያ ያርሾ አሄዳ መሂ ኡባና ታማነ ላኡ ኮሩማቱዋ፥ ታማነ ላኡ ዶርሳ ኦርገቱዋነ እት ላይꬃይ ኩሜዳ ታማነ ላኡ አቱማ ዶርሳቱዋ። ኡንቱንቱ ናጋራ ያርሾ አሄዳ ዴሻ ኦርገቱ ኡባና ታማነ ላአ። 88 ኡንቱንቱ እትፐተꬃ ያርሾ አሄዳ መሂ ኡባና ላታማነ ኦይዱ ኮሩማቱዋ፥ ኡሱፑን ታሙ ዶርሳ ኦርገቱዋ፥ ኡሱፑን ታሙ ጋኬዳ ዴሻ ኦርገቱዋነ እት ላይꬃይ ኩሜዳ ኡሱፑን ታሙ አቱማ ዶርሳቱዋ። ያርሽያ ሳአይ ኦከቴዳዋፐ ጉይያን፥ አንጆ አሄዳ እሞታይ ሀዋንታ።
89 ሙሴ መꬍና ጎዳና ሃሳያናዉ ጾሳ ዱንካንያ ገልያ ዎደ፥ ማርካተꬃ ታቦታ ቦላን ደእያ አቶ ግያ ሳኣ ቁምኡዋ ቦላን፥ ላኡ ክሩበቱዋፐ ግዱዋና መꬍና ጎዳይ ሃሳይያ ኮሻ ስሴዳ፤ እካ አናና ሃሳዬዳ።