1 ኔጌባ መላ ቢታ፥ ካናነ ጋድያን ደእያ አራዳ ካቲ እስራኤልያ አሳይ አታርማ አፍያ ኦግያ ባጋና ይያዋ ስሴዳ ዎደ፥ እ እስራኤላቱዋና ኦላ ጋከቲደ፥ ኡንቱንቱፐ አማሬዳዋንታ ኦሞዴዳ። ፓይ. 33:40 2 ሄ ዎደ እስራኤልያ አሳይ፥ “ኔን ሀ አሳ ኑ ኩሽያን አꬃደ እሞፐ፥ ኑን ኡንቱንቱ ካታማቱዋ ኡባና ꬋይሳና” ያጊደ መꬍና ጎዳው ሺቄድኖ። 3 መꬍና ጎዳይ እስራኤልያ ቃላ ስሲደ፥ ሄ ካናነቱዋ ኡንቱንቶ አꬅ እሜዳ፤ ኡንቱንቱ ሄ ካናነቱዋነ ኡንቱንቱ ካታማቱዋ ኡባና ꬋይሴድኖ። ሄዋ ድራዉ፥ ሄ ሳአይ ሆርማ *ሆርማ፦ ሀ ሱንꬃ ብለꬃይ እብራዌꬁዋን፥ “ባሻ” ግያዋ። ጌተት ሱንቴዳ።

4 እስራኤልያ አሳይ ሆራ ደርያፐ ደንዲደ፥ ኤዶማ ቢታ ዩሹዋ ባናዉ ዞኦ አባ አፍያ ኦግያና ቤድኖ፤ ሽን ኦግያ ቦላን አሳዉ ዳንዳያይ ዉሬዳ። ዛረ. 2:1 5 አሳይ፥ “ኑን መላ ቢታን ሀይቃናዉ ግብጼፐ ፑደ ኑና አያዉ አሄድቴ? ቁም ባዋ፤ ሃꬃይ ባዋ፤ ሀ ኢታ ቁማይ ኑና ሸነዬዳ” ያጊደ ጾሳ ቦላነ ሙሴ ቦላ ዙዙሜድኖ። 1 ቆሮ. 10:9

6 መꬍና ጎዳይ አሳ ግዱዋን ማርዝያና ደእያ ሾሻቱዋ የዴዳ፤ ኡንቱንቱ ዱክና፥ ዳሮ እስራኤላቱ ሀይቄድኖ። 7 ኡንቱንቱ ሙሴኮ ዪደ አ፥ “ኑን መꬍና ጎዳ ቦላነ ነ ቦላ ዙዙሚደ፥ ናጋራ ኦꬄዶ። ኑፐ ሀ ሾሻ ሃሳና ማላ፥ ኔን መꬍና ጎዳ ዎሳ” ያጌድኖ። ሙሴ አሳ ድራዉ ዎሴዳ።

8 ሄዋፐ ጉይያን መꬍና ጎዳይ ሙሳ፥ “ኔን ሾሻ መꬋደ፥ ኡንቱንቱ ስንꬃን ምꬃ ቦላን ካቃ፤ ዱከቴዳ ኦንነ አ ጼሎፐ ፓጻና” ያጌዳ። 9 ሙሴ ናሃሰ ብራታፐ ሾሻ መꬊደ፥ ምꬃ ቦላን ካቄዳ። ሄዋፐ ጉይያን፥ ሾሻይ ዱኬዳ አሳይ ኡባይ ናሃስያ ሾሻ ጼሊደ ፓጼድኖ። 2 ካታ. 18:4፤ ዮሃ. 3:14

10 እስራኤልያ አሳይ ደንዲደ፥ ኦቦታ ግያ ሳን ዱንካኔድኖ። 11 ኦቦታፐ ደንዲደ፥ ሞኣባፐ ስንꬃና ደእያ ባዙዋን፥ አዋይ ዶልያ ባጋና፥ ላለቴዳ እየ አባርማ ካታማን ዱንካኔድኖ። 12 ሄዋፐ ደንዲደ፥ ዘሬዳ ዛንጋራን ዱንካኔድኖ። 13 ሄዋፐ ደንዲደ፥ አሞረቱ ቢታ ጋጻ ጋካናዉ ብያ መላ ቢታ ግዶን አርኖና ሻፋፐ ሄፍንꬃን ዱንካኔድኖ። አርኖና ሻፋይ ሞኣባ ቢታፐነ አሞረቱ ጋድያፐ ግዱዋን ደእያ ዛዋ። 14 ሄዋ ድራዉ፥ ጾሳ ኦላ ማጻፋን፥ “ሱፋ ሄራን ደእያ ዋሄባ ካታማነ አርኖና ሻፋ ዛንጋራ፥ 15 ኤራ ካታማ ጋካናዉነ ሞኣባ ዛዋ ጋካናዉ ደእያ ዛንጋራ ዱገꬃ” ያገት ጻፈቴዳ።

16 ኡንቱንቱ ሄዋፐ ደንዲደ፥ ቤራ ግያሳ ቤድኖ፤ ሄዌ ጾሳይ ሙሳ፥ “አሳ ሺሻ፤ ታን ኡንቱንቶ ሃꬃ እማና” ያጊደ ኦዴዳ ሃꬃ ኦላ።

17 ሄዋን እስራኤልያ አሳይ ሀ ማዝሙርያ የጼዳ።

ኡንቱንቱ ሄ ባዙዋፐ ማታና ግያሳ ቤድኖ፤ 19 ማታናፐ ናህልኤላ፥ ናህልኤላፐ ባሞታ ግያሳ፥ 20 ባሞታፐ ደንዲደ፥ ሞኣበን ደእያ ዛንጋራ ቤድኖ፤ ሀ ዛንጋራይ ፕስጋ ደርያፐ ጋርሳን ባዙዋ ማታን ደኤ።

21 ሄዋፐ ጉይያን፥ እስራኤልያ አሳይ አሞረ ቢታ ካትያ ስሆናኮ ኪተትያዋንታ ሀዋዳን ያጊደ ኪቴዳ፤ 22 “ኑና ነ ቢታና አꬃርኪ! ኑን ነ ጋድያ ግዱዋ ዎይ ዎይንያ ቱራ ግዱዋ ገሎኮ፤ ቃይ ሃꬃ ኦላ ሀቃዋፐነ ኡሾኮ። ኑን ነ ቢታና አꬋና ጋካናዉ፥ ካትያ ኦግያና ባና” ያጌዳ።

23 ሽን ስሆን ባረ ቢታና እስራኤልያ አሳ አናን ድጌዳ፤ እ ባረ ኦላንቻቱዋ ኡባ ሺሺደ፥ እስራኤልያ አሳ ኦላናዉ መላ ቢታ ቤዳ፤ ያሃጻ ግያሳ ብ ጋኪደ፥ እስራኤልያ አሳና ኦለቴዳ። 24 ሽን እስራኤልያ አሳይ ኦላን አሞረቱዋፐ ዳሩዋ ዎꬊደ፥ ኡንቱንታ ቢታ አርኖና ሻፋፐ ዶሚደ፥ አሞናቱዋ ዛዋን ደእያ ያቦቃ ሻፋ ጋካናዉ ኦይቄዳ። አሞና አሳቱ ቢታ ዛዋይ ግምበት ኡቴዳ ድራዉ፥ ኡንቱንቱ ያ ገልበይክኖ። 25 ያትና እስራኤላቱ አሞረቱ ካታማቱዋ ኡባ ጾኒደ አኬድኖ። ቃይ ሀሰቦናነ አ ዩሹዋን ደእያ ቄር ካታማቱዋካ ኡባ ኦይቂደ፥ ያን ኡቴድኖ። 26 ሀሰቦና ካታማይ አሞረቱ ካትያ ስሆና ካታማ። ስሆን ሞኣባ ቢታ ካትያ ካሰዋ ኦሊደ፥ አርኖና ሻፋ ጋካናዉ አ ቢታ ኡባ አፐ አኬዳዋ።

27 ሄዋ ድራዉ፥ ሌምሱዋን ሀዋዳን ያጌድኖ፤

31 ሄዋዳን ሀኒደ፥ እስራኤላቱ አሞረቱ ጋድያን ኡቴድኖ። 32 ቃይ ሙሴ ዎችያዋንታ ያእዜራ ግያ ካታማ የድና፥ እስራኤላቱ ሄ ካታማነ አ ሄራን ደእያ ቄር ካታማቱዋ ኦይቂደ፥ ሄዋን ደእያ አሞረቱዋ ከሲደ የደርሴድኖ።

33 ሄዋፐ ጉይያን፥ እስራኤላቱ ስሚደ፥ ባሳነ አፍያ ኦግያና ከሴድኖ። ባሳነ ካቲ ኦግ ባረ ኦላንቻቱዋ ኡባና ኤድራአ ግያ ካታማ ኡንቱንቱና ኦለታናዉ ከሴዳ። 34 ሽን መꬍና ጎዳይ ሙሳ፥ “አዉ ያዮፓ! አያዉ ጎፐ፥ ታን ካትያ ኦጋ አ አሳ ኡባናነ አ ቢታና ነ ኩሽያን አꬃደ እማድ። ሀሰቦናን ኡቲደ ሞዴዳ አሞረቱ ካትያ ስሆና ቦላ ኦꬄዳዋዳን፥ ኔን አ ቦላካ ኦꬃና” ያጌዳ። 35 እስራኤላቱ ኦጋ፥ አ አቱማ ናናቱዋነ አ አሳ ኡባ እቱዋነ ፓጻ አሸናን ዎꬌድኖ። ኡንቱንቱ አ ቢታ ላቴድኖ።