33
ግብጼፐ ሞኣበ ጋካናዉ ደእያ ሀመꬃይ ቃንꬃን
(33:1-49)
1 እስራኤላቱ ሙሴነ አሮን ካለꬅና፥ ባረንቱ ጩጉዋን ጩጉዋን ግብጼፐ ከሴዳ ዎደ፥ ያቲደ ሀመቴድኖ። 2 መꬍና ጎዳይ አዛዝና፥ ኡንቱንቱ ባና ቡሳ ዶሜዳ ሳኣ ሙሴ ጻፌዳ፤ ኡንቱንቱ ቡሳ ማራይ ሀዋ።
3 ኮይሮ አግናዉ ታማነ እቼሸንꬆ ጋላስ፥ ፓስጋ ቦንችያ ጋላሳፐ ካልያ ጋላስ ደንዲደ፥ ግብጼ አሳይ ኡባይ ጼልሽን፥ ያየናን ራምሳፐ ከሴድኖ። 4 ሄ ዎደ ግብጼ አሳይ መꬍና ጎዳይ ዎꬌዳ ባረንቱ ባይራ ናናቱዋ ሞጊኖ። ሀዋዳን ኦꬂደ፥ መꬍና ጎዳይ ኡንቱንቱ ጾሳቱዋ ቦላ ፕርዳ አሄዳ።
5 እስራኤላቱ ራምሳፐ ደንዲደ፥ ሱኮታ ግያ ሳኣን ዱንካኔድኖ።
6 ሱኮታፐ ደንዲደ፥ መላ ቢታ ጼራን ደእያ ኤታማን ዱንካኔድኖ።
7 ኤታማፐ ደንዲደ፥ ባኣል-ጻፎናፐ አዋይ ዶልያ ባጋና ደእያ ፕሃህሮታ ስሚደ፥ ምግዶላ ማታን ዱንካኔድኖ።
8 ፕሃህሮታፐ ደንዲደ፥ ዞኦ አባ ፕኒደ፥ መላ ቢታ ቤድኖ። ኤታማ መላ ቢታን ሄዙ ጋላሳ ኦግያ ሀመቲደ፥ ማራን ዱንካኔድኖ።
9 ማራፐ ደንዲደ፥ ታማነ ላኡ ፑልቶቱነ ላፑን ታሙ ዛምባቱ ደእያ ኤሊማ ቢደ፥ ያን ዱንካኔድኖ።
10 ኤሊማፐ ደንዲደ፥ ዞኦ አባ ማታን ዱንካኔድኖ።
11 ዞኦ አባ ላንቂያፐ ደንዲደ፥ ሲና መላ ቢታን ዱንካኔድኖ።
12 ሲና መላ ቢታፐ ደንዲደ፥ ዶፍቃን ዱንካኔድኖ።
13 ዶፍቃፐ ደንዲደ፥ አሉሻን ዱንካኔድኖ።
14 አሉሻፐ ደንዲደ፥ ራፊድማን ዱንካኔድኖ። ያን አሳዉ ኡሻናዉ ሃꬃይ ባዋ።
15 ራፊድማፐ ደንዲደ፥ ሲና መላ ቢታን ዱንካኔድኖ።
16 ሲና መላ ቢታፐ ደንዲደ፥ ክብሮት-ሀታባር (አሙዋ ዱፉዋ ግያ ሳን ዱንካኔድኖ)።
17 ክብሮት-ሀታባር (አሙዋ ዱፉዋ) ግያ ሳፐ ደንዲደ፥ ሀጸሮታን ዱንካኔድኖ።
18 ሀጸሮታፐ ደንዲደ፥ ሪትማን ዱንካኔድኖ።
19 ሪትማፐ ደንዲደ፥ ርሞን-ፐሬዛን ዱንካኔድኖ።
20 ርሞን-ፐሬዛፐ ደንዲደ፥ ሊብናን ዱንካኔድኖ።
21 ሊብናፐ ደንዲደ፥ ሪሳን ዱንካኔድኖ።
22 ሪሳፐ ደንዲደ፥ ቃሄላታን ዱንካኔድኖ።
23 ቃሄላታፐ ደንዲደ፥ ሸፋራ ደርያን ዱንካኔድኖ።
24 ሸፋራ ደርያፐ ደንዲደ፥ ሀራዳን ዱንካኔድኖ።
25 ሀራዳፐ ደንዲደ፥ ማቅሄሎታን ዱንካኔድኖ።
26 ማቅሄሎታፐ ደንዲደ፥ ታሃታን ዱንካኔድኖ።
27 ታሃታፐ ደንዲደ፥ ታራን ዱንካኔድኖ።
28 ታራፐ ደንዲደ፥ ሚትቃን ዱንካኔድኖ።
29 ሚትቃፐ ደንዲደ፥ ሀሽሞናን ዱንካኔድኖ።
30 ሀሽሞናፐ ደንዲደ፥ ሞሰሮታን ዱንካኔድኖ።
31 ሞሰሮታፐ ደንዲደ፥ በነ-ያእቃናን ዱንካኔድኖ።
32 በነ-ያእቃናፐ ደንዲደ፥ ሆር-ሀግድጋዳን ዱንካኔድኖ።
33 ሆር-ሀግድጋዳፐ ደንዲደ፥ ዮጽባታን ዱንካኔድኖ።
34 ዮጽባታፐ ደንዲደ፥ አብሮናን ዱንካኔድኖ።
35 አብሮናፐ ደንዲደ፥ ኤጽዮን-ጋብራን ዱንካኔድኖ።
36 ኤጽዮን-ጋብራፐ ደንዲደ፥ ጺና መላ ቢታን ደእያ ቃዴሳን ዱንካኔድኖ።
37 ቃዴሳፐ ደንዲደ፥ ኤዶማ ቢታ ዛዋን ደእያ ሆራ ደርያን ዱንካኔድኖ። 38 ቄሲ አሮን መꬍና ጎዳይ አዛዝና፥ ሆራ ደርያ ሁጲያ ከሴዳ፤ እስራኤላቱ ግብጼ ጋድያፐ ከሴዳ ኦይታሙንꬃ ላይꬃን፥ እቼሸንꬆ አግናን፥ አግናዉ ኮይሮ ጋላሳን ያን ሀይቄዳ። ፓይ. 20:22-28፤ ዛረ. 10:6፤ 32:50 39 አሮን ሆራ ደርያ ሁጲያን ሀይቂያ ዎደ፥ አ ላይꬃይ ጼታነ ላታማነ ሄዛ።
40 ኔጌባ መላ ቢታን፥ ካናነን ደእያ አራዳ ግያሳ ካቲ እስራኤልያ አሳ ዩሳ ስሴዳ። ፓይ. 21:1
41 እስራኤላቱ ሆራ ደርያፐ ደንዲደ፥ ጻልሞናን ዱንካኔድኖ።
42 ጻልሞናፐ ደንዲደ፥ ፑኖናን ዱንካኔድኖ።
43 ፑኖናፐ ደንዲደ፥ ኦቦታን ዱንካኔድኖ።
44 ኦቦታፐ ደንዲደ፥ ሞኣባ ቢታ ዛዋን ደእያ እየ አባርማን ዱንካኔድኖ።
45 እየ አባርማፐ ደንዲደ፥ ድቦና-ጋዳን ዱንካኔድኖ።
46 ድቦና-ጋዳፐ ደንዲደ፥ አልሞና-ድብላታይማን ዱንካኔድኖ።
47 አልሞና-ድብላታይማፐ ደንዲደ፥ ናቦ ደርያ ማታን አባርማ ደረቱዋን ዱንካኔድኖ።
48 አባርማ ደረቱዋፐ ደንዲደ፥ ያርኮፐ ሄፍንꬃና፥ ዮርዳኖሳ ሻፋ ማታን ደእያ ሞኣባ ደምባን ዱንካኔድኖ። 49 ዮርዳኖሳ ሻፋ ማታን ደእያ ሞኣባ ደምባን፥ ቤት-ያሽሞታፐነ አቤል-ሺጽማ ግዱዋን ዱንካኔድኖ።
ዮርዳኖሳ ፕናናፐ ካሰቲደ እመቴዳ አዛዙዋ
(33:50—36:13)
50 እያርኮ ሄፍንꬃና፥ ዮርዳኖሳ ሻፋ ማታን ደእያ ሞኣባ ደምባን መꬍና ጎዳይ ሙሳ ሀዋዳን ያጌዳ፤ 51 “እስራኤላቱዋ ኔን ያጋ፤ ‘ዮርዳኖሳ ሻፋ ፕኒደ፥ ካናነ ቢታ ህንተ ገልያ ዎደ፥ 52 ሄ ጋድያን ደእያ አሳ ኡባ ህንተ ስንꬃፐ የደርስተ፤ ሹቻፐ ማሰቴዳ ኡንቱንቱ ምስለቱዋ ኡባነ ሲልሲደ መꬌዳ ኤቃቱዋ ኡባ ꬋይስተ። ኡንቱንቱ ጎይንያ ꬎቃ ሳኣ ኡባካ ላልተ። 53 ታን ህንተንቶ ሄ ቢታ ላታዉ እሜዳ ድራዉ፥ ሄ ቢታ ላቲደ፥ አን ደእተ። 54 ህንተ ዛርያን ዛርያን ሳማ ከሲደ፥ ቢታ ሻክተ። ፓይዱዋን ጮራትያ ዛረቶ ዳሮ ላታ እምተ፤ ፓይዱዋን ጉጽያ ዛረቶ ጉꬃ ላታ እምተ። ሳማን ኡንቱንታ ጋኬዳ ሀቃዌነ ኡንቱንቱዋ ግዳናዋ። ቢታ ህንተ ማይዛ አዎቱዋ ዛርያን ዛርያን ግሽ አኪታ። ፓይ. 26:54-56
55 “ ‘ሽን ሄ ጋድያን ደእያ አሳ ህንተ የደርሰናን አጎፐ፥ ህንተ አሼዳዋንቱ ህንተንቶ ህንተ አይፍያዉ ፕንጮ፥ ህንተ ምይያዉ አጉንꬃ ግዳና፤ ህንተ ደአና ጋድያን ኡንቱንቱ ህንተና ዋይሳና። 56 ህንተ ኡንቱንታ የደርሰናን አጎፐ፥ ኡንቱንቱ ቦላ ታን ኦꬃናዉ ቆፔዳዋ ህንተ ቦላ ኦꬃና’ ያጋደ ኦዳ” ያጌዳ።