1 ክርስቶሳን ህንተንቱ ደእያ ደኡ ህንተና ዎዛንꬂ? አ ሲቁ ህንተና መንꬂ? ጌሻ አያናና ህንተንቶ እትፐተꬃይ ደኢ? ህንተ እቱ እቶ ኬኪቴኔ ቃረቲቴ? 2 ያቶፐ፥ ህንተንቱ ቆፋን፥ ሲቁዋን፥ ዎዛናንነ ቆፋ ፖሉዋን እቱዋ ግዲደ፥ ታና ፖሎ ናሸችተ። 3 ህንተና ሲቅያዋን ዎይ ጬቀታናዉ ኮይያ መላ አሙዋን እትባነ ኦꬆፕተ፤ ሽን እቱ እቱዋፐ ꬎቃይ ያጊደ ቆፐናን፥ እቱ እቶ ህንተንቱ ሁጲያ ካዉሽተ። 4 ቃይ እቱ እቱዋ ጎእያዋ ኮያናፐ አትን፥ ህንተንቱ ሁጰ ጻላላ ጎእያዋ ኮዮፕተ።

5 ክርስቶሳ የሱሳን ደእያ ሀ አሽከተꬃ ቆፋይ ቃይ ህንተናንካ ደአናዉ በሴ።

12 ሄዋ ድራዉ፥ ታ ዳባቶ፥ ታን ህንተናና ደእያ ዎደ ኡባን ህንተንቱ ታዉ አዛዘቴዳዋዳን፥ ሀእ ታን ህንተንቱ ማታን ደኤና ዎደካ፥ ህንተንቱ ካሰዋፐ አꬂደ ታዉ አዛዘታናዉ በሴ፤ ያሻተꬃንነ ኮኮርሳን ህንተንቱ አቶተꬃ ፖላናዉ ኦꬅተ። 13 አያዉ ጎፐ፥ ጾሳይ ህንተና ባረዉ ኤኖ ጊሳናዳንነ ቃይ እ ቆፔዳዋ ህንተንቱ ኦꬃናዳን ህንተንቱ ግዶን ኡባ ዎደ ኦꬄ።

14-15 ጌላነ ናጋራንቻ አሳ ግዶን ፖኩ ባይናዋንታ፥ ጌሻቱዋ፥ ጾሳ ናናቱዋዳንካ ፖኩ ባይናዋንታ ግድተ፤ ቃይ ዙዙመናን ዎይ ኢታባ ቆፐናን ኡባባ ኦꬅተ። ሄ አሳ ግዶንካ ሳሉዋን ፖእያ ጾልንትያዳን ፖኢደ፥ ዛረ. 32:5 16 ደኡዋ ምሽራቹዋ ቃላ ኡንቱንቶ ኦድተ፤ ሄ ዎደ ታ ዳቡራይነ ታ ኦሱ መላ ꬋይቤናዌ ኤረትያ ድራዉ፥ ክርስቶስ ስምያ ጋላስ ታን ህንተናን ጬቀታና።

17 ሀራይ አቶ ህንተንቱ አማኑ ጾሳዉ ያርሽያ ያርሹዋ ቦላ ታ ሱꬃይ ኡሻ ያርሹዋዳን ጉኮፐካ፥ ታን ናሸታይ፤ ህንተናና ኡባና እትፐ ናሸታይ። 18 ሄዋዳን ህንተካ ቃይ ናሸታናዉ በሴ፤ ታናና እትፐ ናሸትተ።

19 ሽን ታን ህንተንቱ ደኡዋባ ስሳደ ናሸታናዳን፥ ጽሞቶሳ ህንተኮ ኤለካ የዳናዋ ጎዳ የሱሳን አማነታይ። 20 አያዉ ጎፐ፥ ህንተንቱ ደኡዋባዉ ዎዛናፐ ህርግያ አ ማላ አሳይ ሀራይ ኦንነ ታዉ ባዋ። 21 አያዉ ጎፐ፥ ሀራቱ ኡባቱ ባረንቱ ሁጰ ጎኣ ኮዪኖ፤ የሱስ ክርስቶሳዋ ኮይክኖ። 22 ሽን ናአይ ባረ አቡ ኦꬅያዋዳን፥ ጽሞቶስ ታናና እትፐ ግዲደ፥ ዎንጋላ ኦሱዋ ኦꬄዳዋን፥ አማነትያ አሳ ግድያዋ ኤርሴዳዋ ህንተንቱ ኤሪታ። 23 ሄዋ ድራዉ፥ ታን የዉ ሀንያዋ በኣደ፥ ኤለካ አ ህንተኮ የዳና ጋደ ቆፓይ። 24 ታን ታ ሁጰዉ ማታ ዎድያን ህንተኮ ባናዋ ጎዳን አማነታይ።

25 ሽን ታን ታ እሻ ኤፓፍሮድቶሳ፥ ታናና እትፐ ታ ባጋ ግዲደ ኦꬄዳዋ፥ ኦለቴዳዋነ፥ ቃይ ታና ማድያዋን ህንተንቶ ኪተቲደ ኦꬄዳዋ ህንተኮ ኪታናዉ ኮሽያዋ ቆፓድ። 26 አያዉ ጎፐ፥ እ ህንተና ኡባ በአናዉ ላሞቴ፤ ቃይ እ ሳከቴዳዋ ህንተንቱ ስሴዳ ድራዉ፥ ባረ ዎዛናን ዳሮ መቶቴ። 27 እ ቱሙ ሳከቲደ፥ ሀይቂ አቴዳ፤ ሽን ጾሳይ አዉ ቃረቴዳ፤ አ ጻላላዉ ግደናን ካዩ ካዩዋ ቦላ ጉጀተናዳን፥ ታዉካ ቃረቴዳ።

28 ስም ህንተንቱ ላኤንꬁዋ አ በኢደ ናሸታናዳን፥ ታዉካ ታ ዎዛና ካዩ እርጻናዳን፥ ታን ኤለካ አ ህንተኮ የዳና። 29 ሄዋ ድራዉ፥ ጎዳን ደእያ እሻዳን፥ ኩመንꬃ ናሸቻን አ ሞክተ፤ ቃይ አ ማላትያ አሳ ኡባካ ቦንችተ። 30 አያዉ ጎፐ፥ ህንተንቱ ህንተንቱ ሁጰዉ ታና ማዳና ዳንዳየና ማዱዋ ማዳናዉ፥ ክርስቶሳ ኦሱዋ ድራዉ፥ ባረ ሸምፑዋ ሸነኮ ጊደ፥ ሀይቂ አቴዳ።