1 ታ ናአዉ፥ ኔን ሚሻ ታልኤዳ ነ ሾሮ ዋሰ ገሌዳዋ ግዶፐ፥ ኔን ኤረና ኡራዉ ነ ኩሽያ ባቃደ ገፔዳዋ ግዶፐ፥ 2 ኔን ገፔዳ ገፋ ግትያን ገሌዳዋ ግዶፐ፥ ነ ዶናፐ ከሴዳ ቃላን ኦይቀቴዳዋ ግዶፐ፥ 3 ስም ኔን ነ ሾሩዋ ኩሽያን ገላዳ። ሄዋ ድራዉ፥ ታ ናአዉ፥ ሄዋፐ ከሳናዉ ኮዮፐ፥ ኤለ ነ ሾሩዋ ጎለ ባ፤ ዋሰተꬃ እ ነ ቦላፐ ዎꬃና ማላ፥ አዉዳሻደ አ ዎሳ። 4 ሀዋ ኦናን ደኣደ ገምእሾፓ፤ ሸምፑዋካ ሸምፖፓ። 5 ሻንካንቻቱዋፐ ገንአታ ከሳ አክያዋዳን፥ ዳባፐ ካፋታ አትያዋዳን፥ ነ ሁጲያ አሻ።

6 ኔኖ አዛላዉ፥ ቃጮቱዋኮ ባ፤ ኡንቱንቱፐ ታማራ። ያቲደ አꬌዳ ኤራንቻ ግዳ። 7 ቃጮቱዋ ኦስሳናዉ፥ ካፑ ዎይ ኡንቱንታ ሞድያዌ ባዋ፤ 8 ሽን ባረንቶ ማናባ ቦንያን ምንጂኖ፤ ካꬃ ጫክያ ዎደካ ባረንቶ ኮሽያ ቁማ ሺሺኖ። 9 ኔኖ አዛላዉ፥ ኔን አዉደ ጋካናዉ ገምእሻይ? ነ ገምእሹዋፐካ አዉደ ደንዳይ? 10 ኔን ቃይካ ጉꬃ ግሳሳ፤ ጉꬃ ገምእሻሳ፤ ኩሽያ ሺሻ አካደ፥ ጉꬃ ሸምፓሳ። ሌም. 24:33-34 11 ያትያ ዎደ ህዬሳተꬃይ ፓንጋዳን፥ ፓጫይ ኦላ ሚሻ ኦይቄዳ አሳዳን፥ ነ ቦላ ያና።

12 ኢታ አሳይነ ባላ አሳይ፥ ዩይ ዩዪደ ዎርዱዋ ኦዴ፤ 13 እ ባረ አይፍያን ስምኤ፤ ባረ ገድያን በሴ፤ ባረ ብራꬍያን ጾርሴ። 14 አ ዎዛናን ጌላተꬃይ ደኤ፤ እ ኢታባ ቆፔ፤ ኡባ ገደካ እ ዋላሳ መꬌ። 15 ሄዋ ጋሱዋን ባሻይ አኬከናን አ ቦላ ያና፤ እ ሀሳየናን መአና፤ መኢደካ ፓጸና።

16 መꬍና ጎዳይ እጽያ ኡሱፑን የዎቱ ደኢኖ፤ እ ላፑንꬅያዋ ኢስ እጼ:

20 ታ ናአዉ፥ ነ አቡ አዛዙዋ ፖላ፤ ነ አታ ኔና ታማርሴዳዋካ አጎፓ፤ 21 ኡንቱንታ ኡባ ገደ ነ ዎዛናን ኦይቃ፤ ነ ቆꬍያንካ ቃቻ። 22 ኔን ሀመትያ ዎደ፥ ኡንቱንቱ ኔና ካለꬃና፤ ኔን ግስያ ዎደ፥ ኡንቱንቱ ኔና ናጋና፤ ኔን ቤጎትያ ዎደካ፥ ኡንቱንቱ ኔና ዞራና። 23 አያዉ ጎፐ፥ ሀ አዛዞቱ ጾምፕያ፤ ትምርተቱካ ፖኡዋ፤ ቃይ ሴራይካ ደኡዋኮ አፍያ ኦግያ። 24 ሀ አዛዞቱነ ሀ ትምርተቱ ኢታ ማጫንፐነ ሀራ ምሽራት ሸሌሽያ እንጻርሳፐ ኔና ናጋና። 25 እ ማላ ነ ዎዛናን አሞቶፓ፤ እ አይፍያ ሎኦተꬃን ኦሞደቶፓ። 26 እት አቱማ አሳይ ጫራቶ እት ኡክꬃ ጋትያን ደማናዉ ዳንዳዬ፤ ሽን አስናይ ደእያ ምሽራትና ዎሹሙሳይ ሸምፑዋ ዎꬍሴ። 27 እት አሳይ ታማ እድምና፥ አ ማዩ ሜተተናን አታናዉ ዳንዳዪ? 28 እት አሳይ ታማ ቦንቁዋ የꬍ ሀመትና፥ አ ገዲ ጹገተናን አታኔ? 29 አሳ ማቻትኮ ገልያ ኡራይ ሄዋካ ማላ፤ እዞ ቦችያ ኡባይ ሙረተናን አተና። 30 ካይሱ ኮሻቲደ፥ ባረዉ ማናዉ ዉኦፐ፥ አሳይ አ ካና። 31 ሽን እ ኦይቀቴዳዋ ግዶፐ፥ ላፑን ዳኩዋ ጭጋና፤ ባረ ሶ ሚሻ ኡባካ እማና። 32 ሽን ዎሹምያ አሳይ ዎዛና ፓጫ፤ ሄ ኡራይ ባረ ሸምፑዋ ባይዜ። 33 ማዱጻናነ ቶሸታና። ኡባ ዎደካ እ ቦረቲደ ደአና። 34 አያዉ ጎፐ፥ ማጫ ምሽራት አስናይ ምሸቲደ፥ ሀንቁዋ ሱላና፤ ባረ ሀሉዋ ከስያ ዎደ፥ አዉ ቃረተና። 35 እ አያ አጫካ አከና፤ አይ ኬሻ እሙካ አ ሀንቁዋ ዶሽሰና።