1 ሀዋፐ ካሊደ ጻፈቴዳዌ ያቃ ናአይ አጉር ሃሳዬዳ ሃሳያ። ሄ ብታኒ እቴላስነ ኡካላዉ ሀዋ ሃሳዬዳ። 2 ቱሙ ታን አይ አሳፐካ ቦዛ ዳራይ፤ አሳዉ ደእያ አኬካይ ታዉ ባዋ። 3 ታን አꬌዳ ኤራ ታማራበይከ፤ ጌሻ ጾሳባካ አያነ ኤርከ። 4 ሳሉዋ ፑደ ከሲደ፥ ዱገ ዎꬌዳዌ ኦኔ? ጫርኩዋ ባረ ኩሽያን ኦይቄዳዌ፥ ሃꬃ ባረ አፍላን ዪጬዳዌ፥ ሳኣ ጋጻ አ ሳኣን ሳኣን ዎꬄዳዌ ኦኔ? አነ ኤሮፐ አ ሱንꬃ ታዉ ኦዳ። አ ናኣ ኦና ጋይ?

5 ጾሳይ ኦድያ ቃላይ ኡባይ ቱማ፤ ባረኮ ባቃቲደ ብያ ኡባዉ እ ጎንዳለ። 6 አ ቃላ ቦላ አያነ ጉጆፓ፤ ጉጆፐ እ ኔና ሴራና፤ ኔን ዎርዳንቻ ግድያዋካ እ ቆንጭሳና።

7 አቤት መꬍና ጎዳዉ፥ ታን ኔና ላኡባቱዋ ኦቻይ፤ ታን ሀይቃና ጋካናዉ፥ ኡንቱንታ ታና ድጎፓ። 8 ኮይሩዋን፥ ታን አሳ ጭመናዳንነ ዎርዱዋ ሃሳየናዳን ታና ናጋ፤ ላኤንꬁዋን፥ ታዉ ኮሽያ ኬሻ ቁማ እማፐ አትና፥ ታና ዱረ ዎይ ማንቆ ከሶፓ። 9 ሄዌ ꬋዮፐ፥ ዱረ ግዳደ፥ “መꬍና ጎዳይ ኦኔ?” ጋደ ኔና ካዳና፤ ዎይ ማንቆ ግዳደ፥ ዉአና፤ ያታደ ታ ጾሳ ሱንꬃ ቦርሳና።

10 ኔና ሸቀና ማላነ እ ሸቂና ነዉ ጎመተና ማላ፥ ቆማ አ ጎዳን ሞቶፓ።

11 ባረንቱ አዎቱዋ ሸቂያነ ባረንቱ አየቱዋ አንጀና አሳቱ ደኢኖ። 12 ዳሮ ቱና ቱን ኡቲደ፥ ባረንታ ጌሻዳን ፓይድያ አሳቱ ደኢኖ። 13 ኦቶሩዋ ኩሜዳ አሳቱነ አሳ ካꬊደ ጼልያ አሳቱ ደኢኖ። 14 ኡንቱንቱ አቻይ ማሻ ማላ ግድና፥ ኡንቱንቱ ጎጎጩካ ጎሎዱዋ ማላ ግድና፥ ህዬሳቱዋነ መቶታንቻቱዋ ናቂደ፥ ኡንቱንቱዋ ቦንቂያ አሳቱ ደኢኖ።

15 ኡላꬃትዉ ላኡ ማጫ ናናቱ ደኢኖ። ኡንቱንቱ፥ “ሀማ! ሀማ!” ያጊደ ዋሲኖ። ኡባካ ካል ኤረና ሄዙባቱ ደኢኖ፤ ኦይደንꬁ ቃይ ኡባ፥ “ግዳና” ግ ኤረና።

17 ባረ አዉዋ ቅሊጭያ ናኣ አይፍያ፥ ባረ አታ ጭምና ካꬍያ ናኣ አይፍያ፥ ዛንጋራን ደእያ ቁሮቱ ዎጫና፤ አ አሹዋ አንኮቱ ማና።

18 ታና ሄዙባቱ ማላልሲኖ፤ ኦይደንꬁ ኡባ ታዉ ገለና።

20 ዎሹምያ ምሽራታ ሀንያ ሀኑካ ሄዋ ማላ። አ ሙሳ ማዉ፤ ሽን ሜዳዋፐ ጉይያን፥ ባረ ዶና ቁጫ ድጋደ፥ “ታን አይነ ባይዛበይከ” ያጋዉ።

21 ሄዙ የዎቱዋን ቢታይ ቃጼ፤ ኦይደንꬁዋ ኡባ ቶካናዉካ ዳንዳይቤና።

24 ሳኣ ቦላ ኦይዱ ጉꬃ መታቱ ደኢኖ፤ ሽን ኡንቱንቱ ሎይꬅ አꬌዳ ኤራንቻ።

29 ባረንቱ ማታ በሲደ ሀመትያ ሄዙ መታቱ ደኢኖ፤ ኦይደንꬁካ ሎኦ ሄመታ ሀመቴ።

32 ኔን ቦዛደ ኦቶረቴዳዋ ግዶፐነ፥ ኢታባ ኦꬃናዉ ሀልቼዳዋ ግዶፐ፥ አነ ታክ ጋደ ቆፓ።

33 ማꬃ ቡክያዌ ኦይሳ ከስያዋዳን፥ ሲꬍያ ይምፕያዌካ ሱꬃ አህያዋዳን፥ ሄዋዳን ሀንቁዋ ደንꬅያዌ ዋላሳ አዬ።