1 ኤፈሶነን ደእያ ዎሳ ጎለ ኪታንቻዉ ሀዋዳን ያጋደ ጻፋ:

“ባረ ኡሸቻ ኩሽያን ላፑ ጾልንትያ ኦይቄዳዌ፥ ጾምፓቱዋ ዎꬅያ ላፑ ዎርቃ ባላቱዋ ግዱዋና ሀመትያዌ ሀዋዳን ያጌ። 2 ታን ነ ኪታ፥ ነ ዳቡራነ ነ ገንጩዋ ኤራይ። ቃይ ኔን ኢታ አሳቱዋ ገንጫናዉ ዳንዳያቤናዋካ ታን ኤራይ፤ የሱስ ኪቴዳዋንታ ግደናን ደኢደ ባረንታ፥ ‘ኑን የሱስ ኪቴዳዋንታ’ ግያዋንታ ኔን ጾሞሳደ፥ ኡንቱንቱ ዎርዶ ግድያዋ ደሜዳዋካ ኤራይ። 3 ኔን ገንጫዳ፤ ቃይ ታ ሱንꬃ ድራዉካ መቱዋ ዳንዳያዳ፤ ዳቡራበይካ። 4 ሽን ታን ኔና ካꬍያባይ ደኤ፤ አያዉ ጎፐ፥ ኔን ካሰ ነ ሲቁዋ አጋዳ። 5 ስም ኔን ሀቃፐ ኩንዳድንቶ አኬካ። ነ ናጋራፐ ስማ፤ ኔን ካሰ ኦꬅያ ኦሱዋ ኦꬃ። ሄዌ ꬋዮፐ፥ ታን ኔኮ ያና፤ ያደ ኔን ነ ናጋራፐ ስማና ꬋዮፐ፥ ኔን ጾምፕያ ዎꬅያ ነ ባላ አ ሳኣፐ አካ ድጋና። 6 ሽን እትባ ሎይꬃዳ፤ ኒቆላዋቱዋ ኦሱዋ፥ ታን እጽያዋ ኔንካ እጻዳ።

7 “ስሳናዉ ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ፤ ታን ጾንያ ኡራዉ ጾሳ ገነትያን ሞክያ ደኡዋ ምꬃ አይፍያ ማናዉ እማና ያጌ”

8 ሳምርኔሳን ደእያ ዎሳ ጎለ ኪታንቻዉ ሀዋዳን ያጋደ ጻፋ:

“ሀይቄዳዌ፥ ሀይቁዋፐካ ደንዴዳዌ፥ ኮይሩነ ዉርሰꬃይ ሀዋዳን ያጌ። ኢሳ. 44:6፤ 48:12፤ ሳፃ 1:17፤ 22:13 9 ታን ነ ዋይያነ ነ ህዬሳተꬃ ኤራይ፤ ሽን ኔን ዱረ። አይሁዳ ግደናን ደኢደ ባረንታ፥ ኑን አይሁዳ ግያዋንቱ ቦርያዋ ታን ኤራይ፤ ሽን ኡንቱንቱ ሴጻና ማባራን ደኢኖ። 10 ኔን ዋየታና ዋየዉ ያዮፓ። በአ፥ ጻላህያ ካፑ ህንተፐ አማሬዳዋንታ ጾሞሳናዉ ቃሾ ጎለን የጋና፤ ታሙ ጋላሳ ጋካናዉ ህንተንቱ ዋየታና። ሀይቃና ጋካናስካ አማነቴዳዋ ግዳ፤ ታን ነዉ ደኡዋ ካላቻ *ደኡዋ ካላቻ፦ ቦንቼቴዳ ደኡዋ። እማና።

11 “ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ!

“ጾንያ ኡራይ ላኤንꬁዋ ሀይቁዋን †ላኤንꬁዋ ሀይቁዋ፦ ኮይሮ ሀይቁ አሹ ሸምፑዋፐ ሻከትያዋ ግዶደ፥ ላኤንꬆ ሀይቁ ሸምፑ መꬍናዉ መቶቲደ ደእያ ሀይቁዋ። ቆሄተና ያጌ”

12 ጰርጋሞናን ደእያ ዎሳ ጎለ ኪታንቻዉ ሀዋዳን ያጋደ ጻፋ:

“ላኡ ባጋና ሌፈቴዳ ማሻይ ደእያዌ ሀዋዳን ያጌ። 13 ‘ታን ኔን ደእያ ሳኣ ኤራይ። ኔን ሴጻና ካዉተꬃ ኦይዲ ደእያ ሳኣን ‡ሴጻና ካዉተꬃ ኦይዲ፦ ሀዋ ብለꬃይ ሎይꬂደ ቆንጨ ግደና፥ ሽን ሀዌ በስያዌ ጾሳ ኤረናን እጼዳዋንቱ ጎይንያ ጎይና ሳኣ ጋና ዳንዳየቴ። ደኣሳ፤ ታ ሱንꬃ ምንሳ ናጋሳ። ሀራይ አቶ፥ ሴጻናይ ደእያ ሳኣን ህንተንቱ ማታን አሳይ ዎꬌዳ ታን አማንያ ማርካይ አንትጳስ ደእያ ዎደካ ታና አማንያዋ አጋ በይካ። 14 ሽን ታን ኔና ቦርያ ጉꬃባይ ደኤ፤ እስራኤልያ አሳይ ኤቃዉ ያርሼዳ ቁማ ማናዳንነ ዎሹማናዳን ኡንቱንታ ናጋራ ኦስሴዳ ባላቃ ታማርሴዳ ባላማ ትምርትያ ታማርያ አማሬዳ አሳቱ ኔናና ደኢኖ። ፓይ. 25:5፣ 7፤ 31:16፤ ዛረ. 23:4፤ ፓይ. 25:1-3 15 ሄዋዳንካ፥ ቃይ ኒቆላዋቱዋ ትምርትያ ታማርያ አሳቱ ኔናና ደኢኖ። 16 ሄዋ ድራዉ፥ ኔን ነ ናጋራፐ ስማ፤ ሄዌ ꬋዮፐ፥ ታን ኔኮ ኤለካ ያና፤ ሄ አሳቱዋና ታ ዶናፐ ከስያ ማሻን ኦለታና።

17 “ ‘ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ። ጾንያ ኡራዉ ታን ጌማን ደእያ ማናፐ አማሬዳዋ እማና። ቃይ ታን ቦꬃ ሹቻካ አዉ እማና፤ አክያ ኡራፐ አትን፥ ኦንነ ኤረና ኦራꬃ ሱንꬃይ ሄ ሹቻ ቦላ ጻፈት ኡቴዳ’ ያጌ”

18 ትያጽሮነን ደእያ ዎሳ ጎልያ ኪታንቻዉ ሀዋዳን ያጋደ ጻፋ:

“ጾሳ ናአይ፥ ታማ ላጩዋ ማላትያ አይፊ ደእያዌ፥ ቃይ ጮጭያ ታማን ቴሪደ ጶልያ ናሃስያ ጌተትያ ብራታ ማላትያ ገዲ ደእያዌ፥ ሀዋዳን ያጌ። 19 ታን ነ ኦሱዋ፥ ነ ሲቁዋ፥ ነ አማኑዋ፥ ነ ማዱዋነ ነ ገንጩዋ ኤራይ፤ ኔን ኮይሮ ኦꬅያዋፐ ሀእ ዳርሳደ ኦꬅያዋ ታን ኤራይ። 20 ሽን ታን ኔና ካꬍያባይ ደኤ፤ ባረና፥ ታን ናባቶ ያግያ ምሽራቶ ኤልዛቤሎ ሸነኮ ጋዳ፤ ሄ ምሽራታ ታ ኦሳንቻቱ ዎሹማናዳንነ ኤቃዉ ያርሼዳ ቁማ ማናዳን፥ ታማርሳዉነ ባለꬃዉ።1 ካታ. 16:31፤ 2 ካታ. 9:22፣ 30 21 እዛ ባረ ናጋራፐ ስማና ማላ፥ ታን እዝዉ ዎድያ እማድ፤ ሽን ዎሹማናዉ ካጄልያዋፐ እዛ ስማናዉ ኮያበይኩ። 22 በእተ፥ ታን እዞ ግሱዋን ኩንድስና፤ ሳኩዋን እዛ ዋየታና። እዝና ዎሹምያዋንቱ ሄ እዝና ኦꬅያ ናጋራፐ ስማና ꬋዮፐ፥ ኡንቱንታካ ዎልቃማ ዋይያን የጋና። 23 ታን እዝ ናናካ ዎꬋና፤ ቃይ ዎሳ ጎልያ ኡባይካ ታን አሳ ቆፋነ አሙዋ ኤርያዋ ግድያዋ ኤራና፤ ታን ህንተንቶ ህንተንቱ ኪታ ማላ እማና። ማዝ. 7:9፤ ኤር. 17:10፤ ማዝ. 62:12

24 “ትያጽሮነን ደእያ ሀራቶ፥ ሀ ኢታ ትምርትያ ታማርቤናዋንቶ፥ ሀራቱ፥ ሴጻና ጪሞ የዉዋ ግያዋ ህንተንቱ ታማርቤይክታ፤ ታን ህንተንታ ሀራ ዴጹዋ ቶስከ ጋይ። 25 ሽን ታን ያና ጋካናዉ ህንተንቶ ደእያዋ ሎይꬅ ናግተ።

26 “ጾኔዳዎነ ዉርሰꬃይ ጋካናዉ፥ ታ ኪታ ናጌዳዎ፥ አሳ ዛርያ ኡባ ሞዳና ማላ፥ ታን ታ አዉዋፐ አኬዳ ማታ ማላ አዉ እማና፤