‹ፆሳ ኣያና ላፑናቱኔ ላፑ ፆሊንታቱ ዴዒያዌ ሃዋዳን ያጌ።

‹ታኒ ኔ ኪታ ኤራይ፤ ኣሳይ ኔና ሼምፑዋና ዴዓሳ ጊንቶካ፥ ኔኒ ሃይቃዳ። 2 ቤጎታ! ኣቴዳዋኔ ሃይቃናው ማቴዳዋ ሜንꬄꬃ። ኣዪሲ ጎፔ፥ ኔ ኪታይ ታ ፆሳ ሲንꬃን ፖሎ ጊዴናዋ ታኒ ዴማዲ። 3 ሲሚ ኔኒ ኣኬዳዋኔ ሲሴዳዋ ኣኬካ፤ ናጋ፤ ኔ ናጋራፔካ ሲማ። ኔኒ ቤጎቴናዋ ጊዶፔ፥ ታኒ ኔኮ ካዪሱዋዳን ያና፤ ታኒ ዎይሳዴ ያኔንቶ ኔኒ ኤራካ። 4 ሺን ባሬንቱ ማዩዋ ቂቲሲቤና ኣማሬዳ ኣሳቱ ሳርዴሳን ኔናና ዴዒኖ። ኡንቱንቱ ቦꬃ ማዩዋ ማዪዴ ታናና ሃሜታና፤ ኣዪሲ ጎፔ፥ ኡንቱንቱ ቦꬃ ማዩዋ ማያናው ቤሲያዋንታ። 5 ፆኒያዌ ሄዋዳንካ ቦꬃ ማዩዋ ማያና። ታኒ ኣ ሱንꬃ ዴዑዋ ማፃፋፔ *ዴዑዋ ማፃፋ፡ ፆሳ ኣሳቱዋ ሱንꬃይ ፃፌቲያ ማፃፋ። ቁጪኬ፤ ታኒ ታ ኣቡ ሲንꬃኒኔ ኣ ኪታንቻቱዋ ሲንꬃን ኢ ታዋ ጊዲያዋ ማርካታና። ኬስ 32፡32-33፤ ማዝ 69፡28፤ ሳፅ 20፡12፤ ማት 10፡32፤ ሉቅ 12፡8

6 ‹ሲሳናው ሃይꬃይ ዴዒያ ኡራይ ጌሻ ኣያናይ ዎሳ ጎሌቶ ጊያዋ ሲሶ› ያጌ»

‹ዳዊቴ ቁልፒያ †ዳዊቴ ቁልፒያ፡ ሃዋ ጉሳይ ዳዊቴ ካዉቴꬃ ኣዪሱዋ ማታ ኦዲያዋ። ኦይቄዳዌ፥ ኦኒኔ ጎርዳናው ዳንዳዬናዳን ዶዪያዌ፥ ቃሲ ኦኒኔ ዶያናው ዳንዳዬናዳን ጎርዲያዌ ጌሻይኔ፥ ቱማንቻይ ሃዋዳን ያጌ። ኢሳ 22፡22፤ ዮብ 12፡14

8 ‹ታኒ ኔ ኪታ ኤራይ። ቤዓ፥ ታኒ ኔ ሲንꬃን ኦኒኔ ጎርዳናው ዳንዳዬና ፔንጊያ ዎꬃዲ፤ ኣዪሲ ጎፔ፥ ኔ ዎልቃይ ጉꬃ ጊዶፔኔ፥ ታ ቃላ ናጋዳኔ ታ ሱንꬃካ ኤሪኬ ጋቤይካ። 9 ቤዓ፥ ኣዪሁዳ ጊዲኪኖ ሺን ባሬና፥ ‹ኑኒ ኣዪሁዳ› ጊዴ ዎርዶቲያ ሴፃና ኣዪሁዳ ዎሳ ጎሊያ ታኒ ኣሃዴ፥ ኔ ሲንꬃን ጎይኒሳናኔ ኔና ሲቂያዋካ ኡንቱንታ ኤሪሳና። ኢሳ 49፡23፤ 60፡14፤ 43፡4 10 ኔኒ ጌንጩዋን ታ ኣዛዙዋ ናጌዳ ዲራው፥ ሳዓን ዴዒያ ኣሳ ፓጫናው ኩሜንꬃ ሳዓ ቦላ ዪያ ዋዪያ ዎዲያፔ ታኒካ ኔና ናጋና። 11 ታኒ ኤሌካ ያና፤ ኦኒኔ ኔ ኣኪሊሊያ ኣኬና ማላ፥ ኔው ዴዒያዋ ሚኒሳ ኦይቃ። 12 ታኒ ፆኒያ ኡራ ታ ኣዉዋ ጌሻ ጎሊያን ቱሳ ኦꬃና፤ ኢ ሄዋፔ ኡባካ ኬሴና። ታኒ ታ ፆሳ ሱንꬃ፥ ታ ፆሳ ካታማ ሱንꬃኔ ታ ፆሳ ማታፔ ዎꬋና ኦራꬃ ዬሩሳላሜ ሱንꬃ ኣ ቦላ ፃፋና። ቃሲ ታኒ ታ ኦራꬃ ሱንꬃካ ኣ ቦላ ፃፋና።

13 ‹ሲሳናው ሃይꬃይ ዴዒያ ኡራይ ጌሻ ኣያናይ ዎሳ ጎሌቶ ጊያዋ ሲሶ› ያጌ»

‹ኣማኔቴዳ ቱማንቻ ማርካይ፥ ፆሳይ ሜꬌዳዋ ኮይሩ፥ «ኣሜንዒ» ጊያዌ› ሃዋዳን ያጌ።

15 ‹ታኒ ኔ ኪታ ኤራይ። ኔኒ ኢርፃ ጊዳካ፤ ዎይ ሴሊያዋ ጊዳካ፤ ኢርፃ ዎይ ሴሊያዋ ጊዳሪኪ። 16 ኔኒ ኢርፃ ዎይ ሴሊያዋ ጊዴናን፥ ዶምቦሎላ ጊዲያ ዲራው፥ ታኒ ኔና ታ ዶናፔ ጩቻና ሃናይ። 17 ኣዪሲ ጎፔ ኔኒ፥ «ታኒ ዱሬ፤ ሚሻና ዴዓይ፤ ታና ኣይኔ ኮሼና» ያጋሳ። ሺን ኔኒ ሜቶቲያ ኣሳ፥ ቃሬꬂያ ኣሳ፥ ሂዬሳ፥ ቆቃኔ ካሎቴዳ ኣሳ ጊዲያዋ ኤራካ። 18 ሄዋ ዲራው፥ ኔኒ ዱሬታና ማላ፥ ታማን ጌዬዳ ዎርቃ፥ ኔና ዬላዪያ ኔ ካሉዋ ካማናው ቦꬃ ማዩዋኔ ቃሲ ሎይꬃ ፄላናው ኔ ኣይፊያ ኦኪያ ꬋሊያ ታፔ ሻማናዳን፥ ታኒ ኔና ዞራይ። 19 ታኒ ሲቂያ ኡባ ሴራይኔ ሙራይ፤ ሲሚ ሎይꬃ ሴሌታ፤ ኔ ናጋራፔካ ሲማ። ሌም 3፡12፤ ኢብር 12፡6

20 ‹ቤዓ፥ ታኒ ካሬን ኤቃዴ ፄሳይ። ኦኒኔ ታኒ ፄሲያዋ ሲሲዴ፥ ካሪያ ዶዮፔ፥ ታኒ ኣኮ ጌላዴ ኣናና ኢቲፔ ካዉዋ ማና፤ ኢካ ታናና ኢቲፔ ማና። 21 ቃሲ ታኒ ፆናዴ ታ ኣዉዋና ኣ ካዉቴꬃ ኦይዲያን ኡቴዳዋዳን፥ ፆኒያ ኡራው ታናና ታ ካዉቴꬃ ኦይዲያን ኡቲያ ማታ ኢማና።

22 ‹ሲሲያ ሃይꬃይ ዴዒያ ኡራይ ጌሻ ኣያናይ ዎሳ ጎሌቶ ጊያዋ ሲሶ ያጌ› ያጋዴ ፃፋ»