1 ሄዋፐ ጉይያን፥ ታን ሳሉዋን ዶያ ፐንግያ በኣድ፤ ቃይ ታዉ ማላካታዳን ኦድሽን፥ ታን ስሴዳ ኮይሮ ኮሻይ ታና፤ “ሀዋፐ ጉይያን፥ ሀናናዉ በስያዋ ታን ኔና በሳና፤ ሃ ከሳ” ያጌዳ። 2 ኤለካ ታን ጌሻ አያና ሞዱዋ ግዶ ገላ አጋድ። በእተ፥ ሳሉዋን ካዉተꬃ ኦይዲ ደኤ፤ ሄ ኦይድያን እቱ ኡቴዳ። ህዝ. 1:26-28፤ 10:1 3 ሄ ኡቴዳዋ ማላይ አልኦ እያስጲድያ ሹቻዳንነ አልኦ ሰርድኖነ ሹቻዳን ጶሌ። ካዉታ ኦይዲ ዙሉዋን ዩይ አꬊደ ኡባ ባጋና አልኦ ማርግድያ ሹቻዳን ጶሌ። 4 ሄ ካዉተꬃ ኦይድያ ዩይ አꬊደ፥ ሀራ ላታማነ ኦይዱ ካዉተꬃ ኦይደቱ ደኢኖ፤ ኡንቱንቱን ቦꬃ ማዩዋ ማዪደ፥ ሁጲያን ዎርቃ ካላቻ ዎꬄዳ ላታማነ ኦይዱ ጭማቱ ኡቴድኖ። 5 ካዉተꬃ ኦይድያፐ ዋልቃንꬃይ፥ ኮሹንቻይነ ጉጉንꬃ ጉንꬃይ ከሴዳ፤ ቃይ ካዉተꬃ ኦይድያ ስንꬃን ላፑ ጾምፓቱ ፖኢኖ። ሄዋንቱ ጾሳ ላፑ አያናቱዋ። ከሳ 19:16፤ ሳፃ 8:5፤ 11:19፤ 16:18፤ ህዝ. 1:13፤ ሳፃ 1:4፤ ዛካ. 4:2 6 ካዉተꬃ ኦይድያ ስንꬃን ብርልያ ማላትያ ቡርጩኩዋ አባይ ደኤ። ህዝ. 1:5-10፤ 10:14

ሄ ካዉተꬃ ኦይድያፐ ስንꬃናነ ጉየና አ ማታን ዩይ አꬊደ፥ አይፊ ኩሜዳ ኦይዱ ደኡዋን ደእያ መታቱ ደኢኖ። 7 ኮይሮ ደኡዋን ደእያ መታይ ጋሙዋ ማላቴ፤ ላኤንꬁ ሚዛ ማራ ማላቴ፤ ሄዘንꬁዋ ሶምእ አሳ ዴሙዋ ማላቴ፤ ቃይ ኦይደንꬁ ፓልያ አርጋንꬃ ማላቴ። 8 ኦይዱ ደኡዋን ደእያ መታቶ ሁጲያን ሁጲያን ኡሱፑን ቀፊ ደኤ፤ ኡንቱንቶ ቦላን ጋርሳንካ ኡባ ሳን አይፊ ኩሜዳ። ኡንቱንቱ ቃማነ ጋላስ፥