1 ኢቲ ፃፄቶ ማፃፋይ *ፃፄቶ ማፃፋ፡ ሃዋ ጉሳይ ዋራቃታን ዎይ ጋልባን ፃፌቴዳ ፃፄቲያ ማፃፋ ጊዲዴ፥ ዳሮ ካሬ ባጋና ኢቲ ዎይ ላዑ ቦላ ባጋ ጋልባን ማታፋይ ኣታሜቴ። ካዉቴꬃ ኦይዲያን ኡቴዳዋ ኡሼቻ ኩሺያን ዴዒያዋ ቤዓዲ፤ ሄ ፃፄቶ ማፃፋይ ላዑ ባጋናካ ፃፌቲ ኡቴዳ፤ ቃሲ ላፑ ማታፋይ ኣ ቦላ ኣታሜቴዳ። ሂዝ 2፡9-10፤ ኢሳ 29፡11 2 ታኒ ኢቲ ዎልቃማ ኪታንቻይ ባሬ ቃላ ꬎቁ ኡዲዴ፥ «ማታፋ ዶዪዴ፥ ፃፄቶ ማፃፋ ቢላናው ቤሲያ ኡራይ ኦኔ?» ያጊዴ፥ ኣዋጂያዋ ቤዓዲ። 3 ሳሉዋን ጊዲና ዎይ ሳዓን ጊዲና፥ ዎይ ሳዓፔ ጋርሳን †ሳዓፔ ጋርሳን፡ ሃይቄዳዋንታ ጉሳ። ጊዲና፥ ሄ ፃፄቶ ማፃፋ ቢላናው ዎይ ኣ ጊዱዋ ፄላናው ኦኒኔ ቤሲያዌ ባዋ።

4 ፃꬃ ማፃፋ ቢላናው ዎይ ኣ ጊዱዋ ፄላናው ቤሲያ ኡራይ ባይና ዲራው፥ ታኒ ዳሮ ዬካዲ። 5 ጪማቱዋፔ ኢቱ ታና፥ «ዬኮፓ፤ ቤዓ፥ ዪሁዳ ዛሪያ ጊዴዳ ጋሙ፥ ዳዊቴ ዛሪ ፆኔዳ። ኢ ማታፋ ዶያናዉኔ ፃፄቶ ማፃፋ ቢላናው ቤሴ» ያጌዳ። ዶም 49፡9፤ ኢሳ 11፡1፣ 10

6 ታኒ ካዉቴꬃ ኦይዲያፔ፥ ዴዑዋን ዴዒያ ኦይዱ ሜꬌታቱዋፔኔ ቃሲ ጪማቱዋፔ ጊዱዋን፥ ሹኬቴዳ ዶርሳ ማላቲዴ ኤቄዳዋ ቤዓዲ፤ ኣው ላፑ ካጬቱኔ ላፑ ኣይፌቱ ዴዒኖ። ሄዋንቱ ኣላሚያ ኡባ ኪቴቴዳ ፆሳ ላፑ ኣያናቱዋ። ኢሳ 53፡7፤ ዛክ 4፡10 7 ሄ ዶርሳይ ቢዴ፥ ካዉቴꬃ ኦይዲያ ቦላ ኡቴዳዋ ኡሼቻ ኩሺያፔ ፃፄቶ ማፃፋ ኣኬዳ። 8 ኢ ሄ ፃፄቶ ማፃፋ ኣኬዳ ዎዴ፥ ዴዑዋን ዴዒያ ኦይዱ ሜꬌታቱኔ ላታማኔ ኦይዱ ጪማቱ ኣ ሲንꬃን ኩንዴዲኖ። ኡንቱንቱ ሁጲያን ሁጲያን ዲꬃኔ ኢፃናይ ኩሜዳ ዎርቃ ሚሻ ኦይቄዲኖ። ሄ ኢፃናይ ጌሻቱ ፆሳ ዎሲያዋ። ማዝ 141፡2 9 ኡንቱንቱ፥

11 ሄዋፔ ጉዪያን፥ ታኒ ፄላዴ፥ ካዉቴꬃ ኦይዲያ፥ ዴዑዋን ዴዒያ ኦይዱ ሜꬌታቱዋኔ ጪማቱዋ ዩዪ ኣꬊዴ ኤቄዳ ዳሮ ኪታንቻቱዋ ኮሻ ሲሳዲ፤ ኡንቱንቱ ሻዓኒኔ ሚሎኒያን ፓይዴቴዲኖ። ዳን 7፡10 12 ሄ ኪታንቻቱ ባሬንቱ ቃላ ꬎቁ ኡዲዴ፥

13 ሄዋፔ ጉዪያን፥ ሳዓን፥ ሳሉዋን፥ ሳዓፔ ጋርሳኒኔ ኣባ ጊዱዋን ዴዒያ ሜꬌታ ኡባይኔ ቃሲ ሄዋንቱን ዴዒያ ሜꬌታ ኡባይ፥

14 ዴዑዋን ዴዒያ ኦይዱ ሜꬌታቱ፥ «ኣሜንዒ» ያጊና፥ ጪማቱ ጉፋኒዴ ጎዪኔዲኖ።