1 ሄዋፐ ጉየ፥ ማቃ ማላትያ ልክያ ጻምአይ ታዉ እመቴዳ፤ ታና ጌዳዌ ሀዋ፤ “ባደ ጾሳ ጌሻ ጎልያነ ያርሽያ ሳ ልካ። ሄዋን ጎይንያዋንታካ ፓይዳ። ህዝ. 40:3፤ ዛካ. 2:1-2 2 ሽን ጌሻ ጎለዉ ካረ ባጋ አጋ ባሻ፤ ሄዋ ልኮፓ። አያዉ ጎፐ፥ ሄ ሳአይ አይሁዳ ግደና አሳዉ እመቴዳ። አይሁዳ ግደና አሳይ ጌሻ ካታማ ኦይታማነ ላኡ አገናዉ የꬋና።ሉቃሳ 21:24 3 ታን ጋብያ ማዬዳ ታ ላኡ ማርካቱዋ ኪታና፤ ኡንቱንቱ እት ሻአነ ላኡ ጼታነ ኡሱፑን ታሙ ጋላሳን ጾሳ ኪታ ኦዳና” ያጌዳ።

4 ሄ ላኡ ማርካቱ ሀ ሳኣ ጎዳ ስንꬃን ኤቂያ ጾምፕያ ዎꬅያ ላኡ ባላቱዋ። ዛካ. 4:3፣ 11-14 5 ኦንነ ኡንቱንታ ቆሀናዉ ኮዮፐ፥ ኡንቱንቱ ዶናፐ ታማይ ከሲደ ኡንቱንቱ ሞርከቱዋካ ꬋይሴ። ቃይ ኦንነ ኡንቱንታ ቆሀናዉ ኮዮፐ፥ ሄዋዳንካ ሀይቃና። 6 ኡንቱንቱ ጾሳ ኪታ ኦድያ ዎድያን እራይ ቡከናዳን፥ ሳሉዋ ጎርዳናዉ ኡንቱንቶ ማታይ ደኤ። ኡንቱንቶ ሃꬃ ሱꬃ ከስያ ማታይካ ደኤ፤ ቃይ ኡንቱንቱ ባረና ኮሽያ ዎደ፥ ሳኣ ዱማ ዱማ ቦሻን ሾጫናዉ ኡንቱንቶ ማታይ ደኤ። 1 ካታ. 17:1፤ ከሳ 7:17-19፤ 1 ሳሜላ 4:8

7 ኡንቱንቱ ባረንቱ ማርካተꬃ ዉርሴዳዋፐ ጉይያን፥ ጪሞ ኦላፐ ፑደ ከስያ ዶአይ ኡንቱንቱና ኦለታና። ሄ ዶአይ ኡንቱንታ ጾኒደ ዎꬋና።ዳኔላ 7:7፣ 21፤ ሳፃ 13:5-7፤ 17:8 8 ኡንቱንቱ ጎዳይ ማስቃልያ ቦላን ምስማርያን ꬍሸቲደ ሱለቴዳ ካታማ ዎጋ ኦግያን ኡንቱንቱ አሃይ ግሳናዋ። ሄ ካታማይ ሌምሱዋን ሶዶማ ዎይ ግብጼ ጌተቲደ ጼሰቴ። ኢሳ. 1:9-10 9 ቃይ ያራ ኡባፐ፥ ቆሙዋ ኡባፐ፥ ዱማ ዱማ ቢታ ቃላፐነ ዛርያ ኡባፐ ዬዳ አሳይ ኡንቱንቱ አሃ ሄዙ ጋላሳነ ባጋ በአና። አሃይ ሞገተና ማላ፥ ሄ አሳይ ድጋና። 10 ሳኣን ደእያ አሳይ ሀ ትምቢትያ ኦድያ ላኡ አሳቱዋ ሀይቁዋን ናሸታና። አሳይ ኡንቱንቱ ሀይቁዋ እቱ እቱዋና እሞታ ላመቲደ ቦንቻናዋ፤ አያዉ ጎፐ፥ ሳኣን ደእያ አሳ ኡንቱንቱ ዳርስ መቶꬄድኖ።

11 ሄዙ ጋላሳነ ባጋፐ ጉይያን፥ ደኡዋ ሸምፑዋ ጾሳይ ኡንቱንቱን ሸምፕና፥ ኡንቱንቱ ደንድ ኤቄድኖ። ኡንቱንታ በኤዳ ኡባይ ኢታ ያሻ ያዬዳ። ህዝ. 37:10 12 ሄዋፐ ጉይያን፥ ሄ ትምቢትያ ኦድያ ላኡ አሳቱ ሳሉዋፐ፥ “ሃ ፑደ ከስተ” ግያ ዎልቃማ ኮሻ ስሴድኖ። ባረንቱ ሞርከቱ ባረንታ ጼልሽን፥ ኡንቱንቱ ሻርያን ገሊደ፥ ፑደ ሳሉዋ ቤድኖ። 2 ካታ. 2:11

13 ሄ ሳትያን ቢታይ ሎይꬅ ቃጽና ካታማፐ ታሙንꬃ ኩሺ ꬋዬዳ። ቃይ ቢታ ቃꬃን ላፑ ሻአ አሳይ ሀይቄዳ። አቴዳ አሳይ ሎይꬅ ኮኮር ያዪደ፥ ሳሉዋ ጾሳ ግታተꬃ ሳቤዳ።

14 ላኤንꬆ አዬሮ ግያዌ አꬌዳ። ሽን አኬክተ፤ ሄዘንꬆ አዬሮ ግያዌ ኤለካ ያናዋ።

15 ሄዋፐ ጉይያን፥ ላፑንꬃ ኪታንቻይካ ባረ ማላካታ ፑኔዳ። ሳሉዋን፥

16 ባረንቱ ኦይድያን ኡቴዳ ላታማነ ኦይዱ ጭማቱ ጾሳ ስንꬃን ዱገ ጉፋኒደ፥ ጾሳዉ ጎይኒደ ሀዋዳን ያጌድኖ፤

19 ሳሉዋን ደእያ ጾሳ ጌሻ ጎሊ ዶየቴዳ፤ አ ጌሻ ጎልያን ጾሳ ቃላ ጫቁዋ ታቦታይ ቤቴዳ። ቃይ ዋልቃንꬃይ ዎልቃሜዳ፤ ጉንꬃይ ስሰቴዳ፤ ጉጉንꬃይ ጉሜዳ፤ ቢታይ ቃጼዳ፤ ዎልቃማ ሻቻይካ ሻጬዳ።