1 ስም ታናዳን አማንያዋንቶ፥ ህንተ ህንተ ኦናተꬃ ጾሳ ናሸችያ ደኦነ ጌሻ ያርሹዋ ኦꬂደ፥ ጾሳዉ ሺሻናዳን፥ ታን ህንተንታ ጾሳ ማሮተꬃን ዎሳይ፤ ጾሳዉ ህንተ ጎይናናዉ በስያ ቱሙ ኦጊ ሄዋ። 2 ጾሳይ ህንተ ቆፋ ኡባና ዱማዪደ፥ ህንተንታ ላሞፐ አትን፥ ሀ አላምያ አሳ ማላቶፕተ። ሄ ዎደ ህንተ፥ ጾሳ ሸኒ፥ ሎኦባይ፥ አ ናሸችያባይነ ቃይ ፖሎ ግዴዳባይ አየንቶ ኤራንታ።

3 ጾሳይ ታዉ እሜዳ አꬎ ኬካተꬃን ታን ህንተንቶ ኦዳይ። ህንተንቱ ቆፓናዉ በስያዋፐ አꬂደ፥ ኦቶሩዋን ቆፖፕተ፤ ሄዋ አጊደ፥ ዎዛናማ አሳዳን ቆፕተ፤ ጾሳይ ህንተንቶ ሁጲያን ሁጲያን እሜዳ አማኑዋ ኬናን ህንተ ቦላ ፕርድተ። 4 ኑ እት ቦላ ግዶን፥ ጮራ ቦላ ቆሞቱ ደኢኖ፤ ሄ ቆሞቱዋ ኡባዉካ ዱማ ዱማ ኦሱ ደኤ። 5 ሀዋዳን፥ ኑን ጮራ አሳ ግዶፐካ፥ ክርስቶሳ ባጋና እት አሳ። ቃይ ኑን እት አሳተꬃ ቆሞቱዋዳን፥ እቱ እቱዋና ኦይቀት ኡቴዶ። 6 ጾሳይ ኑዉ እሜዳ አꬎ ኬካተꬃን ዱማ ዱማ እሞታይ ደኤ። ኑ እሞታይ ናበተꬃ ግዶፐ፥ ኑዉ ደእያ አማኑዋ ኬና ኦዳናዉ በሴ። 7 ሀራቱዋ ማዱሳ ግዶፐ፥ ሄ ኦሱዋን ምናናዉ በሴ፤ ታማርሱሳ ግዶፐ፥ ሄ ታማርሱዋን ምናናዉ በሴ። 8 ሀራ አሳቱዋ ምንሱሳ ግዶፐ፥ ሄ ኦሱዋን ምናናዉ በሴ። ባረ ሁጰዉ ደእያባፐ ሀራቶ እምያ ኦንነ ዎዛናፐ እሞ። ማታይ ደእያ ኡራይ ምንስ ኦꬃናዉ በሴ፤ ሀራቶ ኬክያ ኡራይ ናሸቻን ኬካናዉ በሴ።

9 ህንተንቱ ሲቁ አሳ በሳናዉ ሲቀትያዋ ግዳናዉ በሰና። ኢታባ እጽተ፤ ሎኦባ ምንሲደ ኦይቂተ። 10 እቱ እቱዋና እሻቱዋዳን ሲቀትተ፤ እቱ እቱዋ ቦንችያዋን ናሸትተ። 11 ምኒደ ኦꬅተ፤ አዛሎፕተ፤ ህንተ ኩመንꬃ ዎዛናፐ ጎዳዉ ኦꬅተ።*ኩመንꬃ ዎዛናፐ ጎዳዉ ኦꬅተ፦ ጌሻ አያናን ካለሰቲደ ኪተትያዋንታ ግድተ። 12 ጾሳይ ህንተንቶ እማና ጌዳዋን ናሸትተ፤ ዋይያን ገንጭተ። ኡባ ዎደ ጾሳ ዎስተ፤ 13 ጾሳ አሳቱዋ ኮሽያባን ማድተ፤ እማꬃ ሞክተ።

14 ህንተንታ የደርስያዋንታ አንጅተ፤ ኡንቱንታ አንጅተፐ አትን፥ ሸቆፕተ። 15 ናሸትያዋንቱና ናሸትተ፤ ዬክያዋንቱናካ ዬክተ። 16 አሳ ኡባዉ እት ማላ ቆፋ ቆፕተ፤ ኦꬅያባን ኡባን ህንተንታ ቶቺደ ደእተፐ †ህንተንታ ቶቺደ ደእተ፦ አሽከ ግድተ ጉሳ። አትን፥ ኦቶረቶፕተ፤ ህንተንታ ህንተረካ አꬎ ኤራንቻ ጊደ ቆፖፕተ። ሌም. 3:7

17 ኦንነ ህንተንቶ ኢታባ ኦꬆፐ፥ ሄ ኡራዉ ኢታባ ኦꬅ ዛሮፕተ፤ አሳ ኡባዉ ሎኦባ ኦꬃናዉ ቆፕተ። 18 አሳ ኡባና ሳሮተꬃን ደአናዉ፥ ህንተ ባጋና፥ ህንተንቶ ዳንዳየቴዳባ ኡባ ኦꬅተ። 19 ታናዳን አማንያዋንቶ፥ ህንተ ህንተ ሁጰዉ አሳዉ ሀሉዋ ከሶፕተ። ጾሳይ ሀሉዋ ከሳናዳን፥ አ ቦላ ኦልተ። አያዉ ጎፐ፥ ጾሳ ማጻፋይ፥

20 ሽን ጾሳ ማጻፋይ፥

21 ኢታባ ሎኦባን ጾናፐ አትን፥ ኢታባይ ኔና ጾኖፖ።