1 አማኑዋን አዛልያ ኡራ ሺሽ አክተ። ሽን እ ባረ ሁጰዉ ቆፕያባን አናና ፓሉመቶፕተ። 2 እት ኡራ አማኑ እ አያ ሚናነ ድገና። ሽን አማኑዋን አዛልያ ኡራይ ጋደን ሞኬዳባ ጻላላ ሜ። 3 ኡባባ ምያ ኡራይ ኡባባ ሜና ኡራ ካꬎፖ፤ ኡባባ ሜና ኡራይካ ኡባባ ምያ ኡራ ቦላ ፕርዶፖ። አያዉ ጎፐ፥ ጾሳይ አ ሺሽ አኬዳ። 4 ሀራ አሳ ቆማ ቦላ ፕርድያዌ ኔን ኦኔ? እ ኩንድና ዎይ ደንድና ባረ ጎዳሳ፤ ሽን ጎዳይ አ ደንꬃናዉ ዳንዳይያ ድራዉ፥ እ ኤቃና።

5 እት ኡራይ፥ “ህቃ ጋላሳይ ሀራ ጋላሳቱዋፐ አꬌ” ያጊደ ቆፕያ ዎደ፥ ሀራይ፥ “ኡባ ጋላሳቱካ እት ማላ” ጊደ ቆፔ። አሳይ ኡባይ ሁጲያን ሁጲያን ሄዋዳን አያዉ ቆፕንቶ አኬኮ። 6 እት ጋላሳ ሀራ ጋላሳቱዋፐ አꬂደ ቦንችያ ኡራይ ጎዳ ቦንቾ ቦንቼ፤ ቁማ ምያ ኡራይካ ጎዳ ቦንቾ ሜ። አያዉ ጎፐ፥ እ ሄ ቁማ ድራዉ፥ ጾሳ ጋላቴ። ቁማ ሜናዌካ ጎዳ ቦንቾ ሜናን አጌዳ፤ ቃይ ጾሳ ጋላቴ። 7 አያዉ ጎፐ፥ ኑፐ ኦንነ ባረ ሁጰ ጻላላዉ ደኤና፤ ቃይ ኦንነ ባረ ሁጰ ጻላላዉ ሀይቀና። 8 ኑን ፓጻ ደኦፐ፥ ጎዳዉ ደኤቶ፤ ቃይ ሀይቆፐካ፥ ጎዳዉ ሀይቄቶ። ስም ኑን ፓጻ ደኦፐ ዎይ ሀይቆፐካ ጎዳሳ።

9 ሄዋ ድራዉ፥ ክርስቶስ ፓጻ ደእያዋንቶነ ሀይቄዳዋንቶ ጎዳ ግዳናዉ ሀይቂደ፥ ሀይቁዋፐ ደንዴዳ። 10 ያትና፥ ኔን ነ እሻ ቦላ አያዉ ፕርዳይ? ዎይ ኔን ነ እሻ አያዉ ካꬋይ? ኑን ኡባይካ ጾሳ ፕርዳ ኦይድያ ስንꬃን ኤቃና። 11 አያዉ ጎፐ፥ ጾሳ ማጻፋይ፥

13 ሄዋ ድራዉ፥ ኑን እቱ እቱዋ ቦላ ፕርድያዋ ሀዋፐ ስንꬃዉ አነ አጎይተ። ሽን ኡባፐ አꬂደ፥ ህንተ እሻ ꬉቢያባ ዎይ ናጋራን ኦልያባ ኦናዳን ቆፋ ቃችተ። 14 ታን ጎዳ የሱስ ክርስቶሳና ደእያዋን፥ ባረ ሁጰዉ ቱና ግድያባይ ባይናዋ ኤራይነ አኬካይ። ሽን እት ኡራይ እትባ ቱና ጊደ ቆፖፐ፥ ሄዌ አዉ ቱና ግዴ። 15 ኔን ምያባ ድራዉ፥ ነ እሻ ቆሆፐ፥ ስም ኔን ሲቁዋን ደአካ። ክርስቶስ አ ድራዉ ሀይቄዳ አሳ ነ ምያ ቁማን ባይዞፓ። 16 ስም ኔን ሎኦባ ግያዋ አሳይ ካꬎፖ። 17 አያዉ ጎፐ፥ ጾሳ ካዉተꬃይ ጌሻ አያናይ እምያ ጽሎተꬃ፥ ሳሮተꬃነ ናሸቻ ግድያዋፐ አትን፥ ሙሳነ ኡሻ ግደና። 18 አያዉ ጎፐ፥ ክርስቶሳዉ ሀዋዳን ኦꬅያ ኡራይ ኦንነ ጾሳ ናሸቼ፤ አሳይካ አ ጋላቴ።

19 ያቶፐ፥ አነ ኑን ሳሮተꬃ አህያባነ ኑና እቱዋ እቱዋና ምንስያባ ኡባ ኮዬቶ። 20 ጾሳ ኦሱዋ ቁማ ድራዉ ባይዞፓ። ቁማይ ኡባይ ጌሻ፤ ሽን ሀራ ኡራ ናጋራን የግያዋ ሙሳይ ኢታ። 21 ሄዎ አሹዋ ሜናን ዎይ ኡሻ ኡሸናን አግያዌ ዎይ ነ እሻ ꬉቢያባ አያነ ኦናን አግያዌ ሎአ።

22 ሀ የዉዋን ነ አማኑዋ ኔፐነ ጾሳፐ ግዱዋን ናጋ። እት ኡራይ ሎአ ጊደ እ አማነቴዳዋ ኦꬅያ ዎደ፥ “ታን ሎኡዋ ኦꬃድ” ጊደ ባረ ዎዛናን አማነቶፐ፥ ሄ ኡራይ ቱሙ አንጀቴዳዋ። 23 ሽን እ ሄ ምያባን ስꬎኦፐ፥ አ ሙሳይ አማኑዋና ግደና ድራዉ፥ ጾሳይ አ ቦላ ፕርዴ፤ ቃይ አማኑ ባይናን ኦꬄዳዌ አያይኔካ ናጋራ።