1 ኑን አማኑዋን ምኔዳዋንቱ ዳቡራንቻቱዋ ቶኩዋ ቶካናዉ በሴ፤ ኑን ኑ ጻላላ ናሸቻናዉ በሰና። 2 ኑን ሁጲያን ሁጲያን ኑ እሻ ማዳናዉ፥ አማኑዋን አ ምንሳናዉነ ናሸቻናዉ በሴ። 3 አያዉ ጎፐ፥ ሀራይ አቶ ክርስቶስካ ባረና ናሸችቤና። ሽን ጾሳ ማጻፋይ፥ “ኔና ቦሬዳዋንቱ ቦሬዳ ቦሪ ታ ቦላ ዎꬌዳ” ጌዳዋዳን ሀኔዳ። ማዝ. 69:9 4 ጾሳ ማጻፋይ ኑዉ እምያ ገንጫንነ ምኖታን ኑን ደማና ጊደ ናሸቻን ናግ ኡቴዳዌ ደአና ማላ፥ ጾሳ ማጻፋን ጻፈቴዳ ኡባባይ ኑና ታማርሳናዉ ጻፈቴዳ።

5-6 ህንተንቱ ኡባይ እት ዎዛና ግዲደ፥ እት ቃላን ጾሳ፥ ኑ ጎዳ የሱስ ክርስቶሳ አዉዋ፥ ቦንቻና ማላ፥ ገንጩዋነ ምኖተꬃ እምያ ጾሳይ፥ ህንተንቶ ክርስቶስ የሱስ ኦꬄዳዋዳን፥ እቱ እቱዋና እትፐ ደእያ እት ቆፋ እሞ።

7 ሄዋ ድራዉ፥ ክርስቶስ ህንተንታ ሞኬዳዋዳን፥ ጾሳ ቦንቾ እቱ እቱዋ ሞክተ። 8-9 አያዉ ጎፐ፥ ጾሳይ አማነቴዳዋ ግድያዋ ኤርሳናዉ፥ ጾሳይ አዋቶ እማና ጌዳዋ ቱማያናዉነ አይሁዳ ግደና አሳይ ጾሳ አ ማሮተꬃ ድራዉ ቦንቻናዉ ክርስቶስ አይሁዳቶ ቆማ ግዴዳዋ ህንተንቶ ኦዳይ። ሄዋ ጾሳ ማጻፋይ፥

13 ህንተንቱ አካና ጊደ ናሸቻን ናግያዌ ጌሻ አያና ዎልቃን ድጫናዳን፥ ህንተንቶ እማና ጌዳ ጾሳይ፥ ህንተ አ አማንያ ድራዉ፥ ህንተንቶ ናሸቻነ ሳሮተꬃ ኩንꬂደ እሞ።

14 ታናዳን አማንያዋንቶ፥ ህንተንቱን ሎኦተꬃይነ ኤራተꬃይ ኡባይ ኩሜዳዋነ ቃይ እቱ እቱዋ ዞራናዉ ዳንዳይያዋ ታን ታ ሁጰዉ ኤራድ። 15-16 ሽን ታን ህንተንታ እትባ እትባ ጉጃ ቆፍሳናዉ፥ ሀ ዳብዳቢያ ግዶን አይነ ያየናን ህንተንቶ ጻፋድ። ታን ክርስቶሳ የሱሳ ቆማ ግዳደ፥ አይሁዳ ግደና አሳዉ ኦꬃናዳን፥ ጾሳይ ታዉ አꬎ ኬካተꬃ እሜዳ ድራዉ፥ ታን አይነ ያያበይከ፤ አይሁዳ ግደና አሳይ ጌሻ አያና ባጋና ጾሳዉ ጌሻ ግዲደ፥ አ ናሸችያ ያርሹዋ ግዳናዳን፥ ጾሳ ዎንጋላ ምሽራቹዋ ኦድያዋን ጌሻተꬃን ኦꬃይ።

17 ሄዋ ድራዉ፥ ታን ክርስቶሳ የሱሳን ግዳደ ጾሳዉ ኦꬅያባን ጬቀታናዉ ዳንዳያይ። 18-19 አይሁዳ ግደና አሳይ ጾሳዉ አዛዘታናዳን፥ ክርስቶስ ታ ባጋና ቃላን፥ ኦሱዋን፥ ማላን፥ ማላታ ዎልቃንነ ጌሻ አያና ዎልቃን ኦꬄዳዋ ጻላላ ታን ኦዳናፐ አትን፥ ሀራባ ኦዳናዉ ጻልከ። ሄዋ ድራዉ፥ የሩሳላመፐ ዶማደ፥ እልዋርቆና ጌተትያ ጋድያ ጋካናዉ ዩያደ፥ ክርስቶሳ ዎንጋላ ምሽራቹዋ ዉርሳ ኦዳድ። 20 ሀዋዳንካ፥ ታን ሀራ አሳይ ዶሜዳዋ ቦላን ዶመናዳን፥ ክርስቶሳ ሱንꬃይ ጼሰትቤናሳን ዎንጋላ ምሽራቹዋ ኦዳናዉ አሞታድ። 21 ሽን ጾሳ ማጻፋይ፥

22 ሄዋ ድራዉ፥ ታን ጮራ ዎደ ህንተንቱኮ ያናዉ ኮያይ፤ ሽን ያናዉ ዳንዳያበይከ። 23 ሽን ታን ሀእ ሀ ሄራን ታ ኦሱዋ ዉርሴዳ ድራዉነ ጮራ ላይꬃፐ ዶማደ ህንተንታ ባደ በአናዉ ላሞቴዳ ድራዉ 24 ሀእካ ህንተንቱኮ ባና ጋደ ቆፓይ፤ ታን እስፔነ ጌተትያ ጋድያ ባደ ህንተንታ በአናዉ ኮያይ፤ ቃይ አማሬዳ ዎድያ ህንተንታ በኣደ ናሸቶዋፐ ጉይያን፥ እስፔነ ቢሽን፥ ህንተ ታና ማዳና ማላ ኮያይ።

25 ሽን ሀእ ታን ጾሳ አሳቱዋ ማዳናዉ፥ የሩሳላመባይ። 26 አያዉ ጎፐ፥ ማቅዶንያነ አካይያ ጌተትያ ጋድያን ደእያ ዎሳ ጎለ አሳቱ የሩሳላመን ደእያ ህዬሳቶ ሚሻ እማናዉ ኮዬድኖ። 27 ኡንቱንቱ ባረንቱ ሁጰዉ ሀዋ ኦꬃናዉ ቆፋ ቃቼድኖ። ኡንቱንቱ ሄ ህዬሳቱዋ ማዳናዌ ኡንቱንቶ አጩ ደኤ፤ አያዉ ጎፐ፥ አይሁዳቱ ባረንቱ አያና አንጁዋ አይሁዳ ግደና አሳቱዋና ሻኬዳዋ ግዶፐ፥ አይሁዳ ግደና አሳቱካ ቃይ ባረንቶ ደኤዳባን አይሁዳቱዋ ማዳናዉ በሴ። 28 ሄዋ ድራዉ፥ ታን ሀ ኦሱዋ ዉርሴዳዋፐ ጉይያንነ ኡንቱንቶ ሺቄዳ ሚሻ ኡባ እሜዳዋፐ ጉይያን፥ እስፔነ ባደ ህንተ ማታና አꬋና። 29 ታን ህንተንቱኮ ብያ ዎደ፥ ክርስቶሳ አንጁ ታናን ኩምና ባናዋ ኤራይ።

30 ታናዳን አማንያዋንቶ፥ ታዉ ጾሳ ህንተ ዎሲደ፥ ዎሳን ህንተ ታናና ምናናዳን፥ ጎዳ የሱስ ክርስቶሳ ባጋናነ ጌሻ አያናይ እምያ ሲቆተꬃን ታን ህንተንታ ዎሳይ። 31 ታን ይሁዳን ደእያ አማነናዋንቱፐ አታናዳንነ ቃይ ታን የሩሳላመን ኦꬅያ ኦሱ ያን ደእያ ጾሳ አሳቱዋ ናሸችያዋ ግዳናዳን፥ ጾሳ ዎስተ። 32 ቃይ ጾሳይ ጎፐ፥ ታን ህንተንቱኮ ናሸቻን ባደ፥ ህንተ ማታን ሸምፓና። 33 ሳሮተꬃ ጾሳይ ህንተንቱና ኡባና ግዶ። አመንእ።