1 ሄዋፐ ጉይያን፥ ቄስያ ኡባቱ ካፑ ኢያሱ መꬍና ጎዳ ኪታንቻ ስንꬃን ኤቄዳዋነ ሴጻናይካ ኢያሳ ሞታናዉ አፐ ኡሸቻ ባጋና ኤቄዳዋ መꬍና ጎዳይ ሳጻን ታና በሴዳ። እዝራ 5:2፤ ሳፃ 12:10 2 መꬍና ጎዳይ ሴጻና፥ “ሴጻናዉ፥ መꬍና ጎዳይ ኔና ሴሮ፤ የሩሳላመ ዶሬዳ መꬍና ጎዳይ ኔና ሴሮ! ሀ ብታኒ ታማፐ ከሲደ አቴዳ ጺፋ ማላ ግደኔ?” ያጌዳ። ዳና. 9

3 ኢያሱ ኪታንቻ ስንꬃን ኤቄዳ ዎደ፥ ቅታ ማዩዋ ማይ ኡቴዳ። 4 ኪታንቻይ ባረ ስንꬃን ኤቄዳዋንታ፥ “አፐ ሀ ቅታ ማዩዋ ቃርተ” ያጌዳ። ቃይ እ ኢያሳ፥ “በአ፥ ታን ነ ባይዙዋ ኔፐ ድጋድ፤ ቦንቹዋ ማዩዋካ ኔና ማይዛና” ያጌዳ። 5 ቃይካ ታን፥ “ጌሻ ሻሽያ አ ሁጲያን ጻጽተ” ያጋድ። ኡንቱንቱካ እ አዛዜዳዋዳን ኦꬄድኖ፤ ማዩዋካ አ ማይዜድኖ። መꬍና ጎዳ ኪታንቻይ ሄ ዎደ አ ምይያን ኤቄዳ።

6 ሄዋፐ ጉይያን፥ መꬍና ጎዳ ኪታንቻይ ኢያሱዉ ሀዋዳን ያጊደ ꬊሽሴዳ፤ 7 “ኡባፐ ዎልቃማ መꬍና ጎዳይ ሀዋዳን ያጌ፤ ‘ኔን ታ ኦግያን ሀመቶፐነ ታ አዛዙዋ ናጎፐ፥ ኔን ታ ጌሻ ጎልያ አይሳና፤ ታ ዳባባንካ አዎታና። ቃይ ሀዋን ኤቄዳዋንቱና እትፐ ኔን ገልያ ማታ ታን ነዉ እማና።

8 “ ‘ነኖ ቄስያ ኡባቱዋ ካፑዋ ኢያሱ፥ ሀዋ ስሳ! ስንꬃና ያና ኬካባዉ ማላታ ግድያ ኔናና ኦꬅያዋንቱካ ሀዋ ስስኖ! ታን ታሽያ ጌተትያ ታ ቆማ አሀና። ኤር. 23:5፤ 33:15፤ ዛካ. 6:12 9 በአ፥ ታን ኢያሱ ስንꬃን ሹቻ ዎꬃና፤ ሄ ሹቻ ቦላ ላፑን አይፈቱ ደኢኖ፤ ታን አ ቦላን ዎጫደ ጹፍያ ጻፋና። ታን ኡባፐ ዎልቃማ መꬍና ጎዳይ ሀዋ ኦዳይ። ሄ ጋድያ ናጋራካ ታን እት ጋላስ ድጋና’ ያጌ።

10 “ኡባፐ ዎልቃማ መꬍና ጎዳይ ሀዋዳን ያጌ፤ ‘ሄ ጋላስ ህንተ ኡባይካ ህንተ ዎይንያ ቱራነ ህንተ ባላስያ ምꬃ ጋርሳን ኡቲደ፥ ህንተ ሾሮቱዋ ሾባና’ ያጌ” ያጌዳ። ሚክ. 4:4