इब्रि
इब्रि लोकुल्‍कुनाहाटीं रासता सिट्‍टि
इद सिट्‍टिता बारेमते गिचचो परिचयम
येसुना सिस्युल्क येसुना बारेमता बेसता कबुरतुन दुनियाते होंचि वेहतुर. अदुनहाटीं वेल्‍लेन यहुदिल्क येसुनपोर्रो विस्वासम कीतुर. पजा ओर वेरे लोकुल्‍कुनाहेंदाल वेल्‍लेन तकलिपकु बोगांचतुर. अस्‍के, आ यहुदि विस्वासुल्‍क येसुनपोर्रोटा विस्वासमतुन होळसि मर्रा पळाना रीति-रिवाजकुन पीसि ताककोम इंचि विचारम कीतुर. इल्‍हा विचारम कियाना आ यहुदि विस्वासुल्कुना दैरनेमतुन बेर्सागोटनाहाटीं, येसुना वरोर बक्‍तुड ओर्क ई सिट्‍टि रासतोर.
पडाना नियम परकारम पेनदा बद इच्‍चा अय्ते पुरागा आया हिल्‍लेनो, आ इच्‍चातुन येसु किरिस्‍तु पुरागा कीतोर इत्‍ता पोल्‍लें, इद सिट्‍टिते वेल्‍लेन उदाहरन हीसि रासि मंतां. कास कीसि इद सिट्‍टिते मूड पोल्‍लें मनाकु दोर्कंतां:
(1) येसु किरिस्‍तु पेनदा मर्रि आंदुर, ओर कुद्‍दु तकलिपकु बोगांचेके पेनदा इच्‍चातुन पुरागा कियालय तयार आतोर. ई येसु किरिस्‍तु इत्‍ते, पेनदा अन्‍नि दूतांकन्‍ना, पेनदा कबुरतोर्कन्‍ना, मनकालोर्कुंकन्‍ना बच्‍चोनो पेद्‍दोड आंदुर.
(2) येसु किरिस्‍तुंकन्‍ना मुन्‍ने मत्‍ता पेद्‍दा पेर्मालोरा लोप्पोटाल, येसु वरोरे बस्‍केळ्‍क जीवाते मनना पेद्‍दा पेर्मल इंचि पेन रुजुव कीसि हुपिस्‍ता.
(3) जिवरासिना मोक्‍कुल्क आनि रीति-रिवाजकु मनाकुन पापमताल पिसागोट्‍टंतां इंचि यहुदिल्क नम्मुंदुर, गानि सिराप येसु किरिस्‍तु वरोरे, पापमताल, हामुरताल, हामुरता वेर्रेताल पिसागोटा पर्रंतोर इंचि इद सिट्‍टिते रासतद मंता.
बगा बतल मंता
किरिस्‍ते पेनदा मर्रि, वारसदार आनि महिमा आंदुर 1:1-3
किरिस्‍तु पेनदा दूतांकन्‍ना पेद्‍दोड आंदुर 1:4–2:18
किरिस्‍तु मूसाल आनि येहोसुंकन्‍ना पेद्‍दोड आंदुर 3:1–4:13
किरिस्‍तुना पेर्मलतनम अंटवुंकन्‍ना पेद्‍देद आंद 4:14–7:28
किरिस्‍तुनाहेंदाल वाता करार अन्‍नि करारुंकन्‍ना पेद्‍देद आंद 8:1–9:22
किरिस्‍तुना मोक्‍कु अन्‍नि मोक्‍कुल्‍कुंकन्‍ना पेद्‍देद आंद 9:23–10:39
किरिस्‍तु विस्वासमकन्‍ना पेद्‍दोड आंदुर 11:1–12:29
आकिरता बोदां आनि आदेसाल्‍क 13:1-25
1
येसु किरिस्‍तु पेनदा मर्रि आंदुर
वेल्‍लेन मुन्‍नेटा कालमते पेन बच्‍चुंगो मल्कां बच्‍चुंगो तीरकुने पेनदा कबुरतोराहेंदाल मना तादो-बाबुरतोनि वळ्कता. गानि ई आकिरता रोजकुने बारे, पेन दाना मर्रिनाहेंदाल मनातोनि वळ्कता. दाना मर्रिनाहेंदाले इद पूरा दुनियातुन तयार कीसि, ओन ई दुनियाता वारसदार इंचि निलाहता.योहान 1:3 आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.बजन संहिता 110:1
येसु पेनदा दूतांकन्‍ना पेद्‍दोड
इल्‍हा ओर पेनदा दूतांकन्‍ना वेल्‍ले बेस पोरोल आनि कदर दक्‍किचकुत्‍तोर. बारित्‍ते, पेन दाना मर्रिना बारेमते,
“निमे नावा मर्रिन आंदिन, इय्याला ननाने नीकुन पुटिस्तन. बजन संहिता 2:7 इंका
नना ओना बाबोन आंदुन, ओर ना मर्रि आंदुर.”2 समूएल 7:14
इंचि येसुन तप्‍पा बस्‍केने बदे दूतातुन पेन इना हिल्‍ले.
इदे आयवा, बस्के अय्ते पेन दाना तोल्सूर मर्रिन बूमितगा तत्‍ता, अस्‍के, “पेनदा अन्‍नि दूतां ओन मोळ्‍किं,”बजन संहिता 97:7 इंचि इत्‍ता. पजा पेन दाना दूताना बारेमते वेहतस्के, “अद दाना दूतन वळिलेह्का आनि दाना सेवकुल्‍कुन पोत्‍तना तळमिलेह्का कींता,”बजन संहिता 104:4 इंचि वेहता. गानि दाना मर्रिना बारेमते,
“पेनदुना, नीवा राजगद्‍दे बस्‍केळ्‍क निल्‍सि मनंता,
निमे नीतिते राज्येम कियानदुन आंदिन.
सत्‍तेमतुन निमे पावरम कीतिन, सत्‍तेम हिलुवादान निमे हय्सिन.
अदुनहाटींगे नना, नीवा पेनबाबन, नीवा दंटातोरा लोप्पोटाल नीकुन पेरसि,
वेल्‍ले आनंदमता निय होक्‍सि नीवा अबिसेकम*अबिसेकम राजाल आसि राजगद्‍देपोर्रो उपिच्‍चका मुन्‍ने ओना अबिसेकम किया पींता. कीतन,”बजन संहिता 45:6-7
इंचि पेन इत्‍ता. 10 इच्‍चोने आयका, पेन दाना मर्रिना बारेमते,
“सामि! मोट्‍टा मोदाला बूमिक पुनादि दोहतोन निमेने आंदिन.
मब्बुकुन नीवा कय्‍दे तयार कीतिन.
11 अव अन्‍नि नासडेम आसि होनानुं, गानि निमे बस्‍केळ्‍क मनांतिन,
कपडिं पडन आसि हर्सोत्‍ताप, अव अन्‍नि पडानव आसि होनानुं.
12 निमे सेद्‍दरतुन आटमूट कीताप, अवुन आटमूट कीकिन.
अव कपडिनालेसीं बदलांचनूं, गानि निमे मात्रम बस्‍केळ्‍क उंदेतीर मनानोन आंदिन,
नीवा कालाल्क बस्‍केने मारों,”बजन संहिता 102:25-27
इंचि इत्‍ता.
13 मर्रा, “बदवेरदाका अय्ते नीवा पगातोर्कुन नीवा काल्कुना हिळु तर्रोन अदवेरदाका,
निमे नावा तिना बाजुंक उद्‍दिसि मन्‍नु,बजन संहिता 110:1; मत्‍तयाल 22:44; मरकुस 12:36; लूकाल 20:42-43 इंचि बद्‍दे दूतातुन बस्‍केने पेन इना हिल्‍ले.”
14 पेनदा अन्‍नि दूतां दाना सेवा कियाना आत्मांगें आयोंगां! बोर्क अय्ते पापाल्क मापि आसि मुक्‍ति दोर्कतनो ओर्कु सहायम कियानाहाटीं पेन इवुन लोहांता.बजन संहिता 103:20-21

1:2 योहान 1:3

1:3 बजन संहिता 110:1

1:5 बजन संहिता 2:7

1:5 2 समूएल 7:14

1:6 बजन संहिता 97:7

1:7 बजन संहिता 104:4

*1:9 अबिसेकम राजाल आसि राजगद्‍देपोर्रो उपिच्‍चका मुन्‍ने ओना अबिसेकम किया पींता.

1:9 बजन संहिता 45:6-7

1:12 बजन संहिता 102:25-27

1:13 बजन संहिता 110:1; मत्‍तयाल 22:44; मरकुस 12:36; लूकाल 20:42-43

1:14 बजन संहिता 103:20-21