52
Rurema agaguluula i Yerusaleemu
1 E Yerusaleemu, akaaya keꞌSayuni! Uvyukage, uyihe ikise.
Uyambalage imirondo yawe yoꞌmulimbo.
Kundu ibinyamahanga na ábayulubiiri bâli kizi kuyifunda mwo,
si batâye ki kufine mwo.*52.1 Bwigule 21.2, 27.
2 E Yerusaleemu, umunyere weꞌSayuni!
Kundu ushuba imbohe, halikago, uduutule imigufu mwiꞌgosi,
unayibugumule ulukungu, unayimuke.
3 Nahano adetaga kwokuno: «Ikyanya mukagendi ba baja, mutakagulwa neꞌfwaranga. Kwokwo, kiri na mu kushubi guluulwa, ndaazo ízigatangwa.» 4 Nahano adetaga na kwokuno: «Mwe bandu baani, mukatee manukira i Miisiri, mwanatuula yo. Iri hakatama, Abahasuriya nabo banakizi mùvindagaza. 5 Aahago! Kituma kiki muki gweti mugatindimazibwa kandi? Si abagoma biinyu bakiri mu mùhonyoleza! Bayamiri bali mu jambuura iziina lyani ubwakya-ubwayira. Kwokwo, kwo nie Nahano ndesiri.†52.5 Barumi 2.24; Hezekyeri 36.22.
6 «Bikaba kwokwo, gira lyaꞌbandu baani balonge ukummenya bwija. Ku yulwo lusiku, bagayiji menya kwo nie gweti ngaadeta. Ee! Ndi nienyene.»
7 Indumwa, ikyanya iri mu menyeesa imyazi miija mu migazi, bisimisiizi bweneene!
Ee! Ali mu menyeesa kwo hagaaba umutuula, na kwaꞌbandu bagakizibwa.
Ali mu bwira abandu beꞌYerusaleemu:
«Rurema winyu, ye kola mwami!‡52.7 Nahumu 2.1; Barumi 10.15; Bahefeso 6.15. »
8 Yuvwagwi! Abalaliizi baawe bali mu berangira, iri banabanda akabuuli, awi yiyi yiyi!
Ikyanya Nahano agagalukira i Sayuni,
bagamúyibonera masu ku gandi.
9 E Yerusaleemu, kundu ukahongoka,
haliko ubandage akabuuli.
Si Nahano keera akaguluula abandu baage,
anakola mu baholeeza!
10 Nahano agayibonesa imbere lyaꞌbandu baꞌmahanga gooshi,
anabayereke ubukalage bwage.
Haaho, lyaꞌbandu booshi ba mu kihugo bagaabona
ngiisi kwo Rurema witu ali mu kiza abandu baage.
11 Mwe mubetwiri ibirugu bya Nahano!
Mushaage mu kaaya keꞌBabeeri. Mushaagage, maashi!
Mutaki hume ikindu kyoshi kyoꞌmuziro!
Si muyiyeruusagye, munakalyoke mwo.§52.11 2 Bakorindo 6.17; Hezekyeri 20.34, 41.
12 Batagamùhaviriiza,
bwo leero, ndaaye úgweti úgamùyimula!
Nahano Rurema waꞌBahisiraheeri, agakizi gwanwa imbere liinyu,
anakizi mùlanga kiri neꞌnyuma.
Amalibu goꞌmukozi wa Nahano
13 Rurema adetaga kwokuno:
«Lolagi! Umukozi wani agakizi kola ku bwitegeereze.
Kinatume abandu bagakizi múhuuza.
14 Kundu kwokwo, ikyanya abandu bakamúbonaga, banakanguka.
Amalanga gaage gâli kola kundi-kundi,
atanâli ki shushiri nga mundu.
15 Kundu kwokwo, buno, akolaga agasoomeza abandu baꞌmahanga mingi.
Abaami baabo bagasoomerwa, banahulike, shee!
Ngiisi byo bagaabona, batazindi bibwirwa.
Na kundu batazindi biyuvwa, bagayami bisobanukirwa.*52.15 Yohana 12.38; Barumi 10.16. »