93
Nahano, ye mwene ubushobozi
1 Nahano ye mwami!
Anayamiri ayambisirwi ubulangashane nga mirondo.
Nahano anali ye mwene ubushobozi bweneene.
Keera akasikamya ikihugo kyoshi,
bitanâye zige kwo kishaganibwe.
2 E Nahano, we yamiri ho, ukulyokera imyaka neꞌmyakuula,
wanâli mali gwanwa wasikamya ikitumbi kyawe kyoꞌbwami.
3 E Nahano, inyaaja zigweti zigakungula.
Imidunda yazo, ikola mu birinduka bweneene.
4 Kundu biri mu kungulaga,
haliko, ubushobozi bwawe, bwo bubihimiri.
Ee! Buhimiri imisi yeꞌyo midunda.
Mukuba, ubutwali bwawe, buli hiꞌgulu lya byoshi.
5 E Nahano, imaaja zaawe ziyamiri zisikamiri.
Inyumba yawe nayo, iyamiri italwirwi imwawe, halinde imyaka neꞌmyakuula.