114
Ku kyanya Abahisiraheeri bakalyoka i Miisiri
1 Abahisiraheeri, beene Yakobo, bakalyoka mu kihugo kyeꞌMiisiri,
mu bandu beꞌgindi-gindi ndeto.
2 Haaho, ikihugo kyeꞌBuyuda hanayiji ba handu hataluule ha Nahano.
Ee! Akatondeera ukutwala mu kihugo kyeꞌHisiraheeri.
3 Inyaaja Ndukula, iri ikabonaga kwo bagweti bagayija,
yanayami yeguuka, gira balenge.
Kiri noꞌlwiji Yorodaani, nalwo lwanagalukira inyuma.
4 Imigazi yanakizi simbuka-simbuka nga bipanga.
Noꞌtugangazi twanakizi ganga-ganga nga byanabuzi.
5 E nyaaja, kituma kiki ukayami yeguuka?
Na naawe, e Yorodaani, kituma kiki ukagalukiraga inyuma?
6 E migazi, kituma kiki mwâli kizi simbuka-simbuka nga bipanga?
E tugangazi, kituma kiki mwâli kizi ganga-ganga nga byanabuzi?
7 E kihugo, ukizi juguma imbere lya Nahano.
Ukizi juguma imbere lya Rurema wa Yakobo.
8 Si ye kahindula ulwala lube kiziba!
Kundu lwâli lwala lukomu, haliko lwanayiji shyoka mwoꞌtudota.* 114.8 Kulyoka 17.1-6; Muharuuro 20.2-11.