28
Wolaloo Marroo Qarumma'aa
«Dhuguma boolli meetii keessaa qotanee baasanu,
addeen worqii itti baqsiisanu jirti.
Sibiilli lafa keessaa dhaggama;
sibiilli diimaalle biyyee albuudaa keessaa
baqisiifamee dhaggama.
Namooti qilee lafaa keessa seenanee
dukkana dimmaa keessa lixanee
biyyee albuudaa barbaadan.
Isaan lafa nami le'u irraa fagaatanee,
addee miilli namaa ijjattee hin beenne geyan.
Achitti boolla qilee qotanee
wodaroo irratti rarra'aa
nama irraa fagaatanee qofuu ifii hujan.
Latti midhaan sagalee te'u baattu,
keessi isi'ii ammoo ibiddaan baqee garagaggala.
Rassaa isi'ii keessaa
dhakaan gatii guddo'oo
ka ‹Safiiros› jedhamu dhaggama;
biyyee isi'ii keessalle'ee worqiin hin dhagganti.
Karaa gara albuudaa geessu san risaan hin beeku;
ilti jajju'uulle hin dhaggine.
Bineensi hamaan addee san hin ijjanne;
neenqille karaa san hin dabarre.
Harki nama albuuda qotuu
rassaa jabaa hin caccassa;
gaarotalle hundee irraa garaggaggalcha.
10 Isaan rassaa dhoosanee karaa hin baasan;
ilti isaaniille waan gatii guddo'oo hin dhaggiti.
11 Madda lagaa hin kiphan;
waan lafa keessatti dhokatelle ifatti hin baasan.
 
12 «Ammoo qarummaan eessatti dhagganti?
Addeen hubanti'ii eessa jirti?
13 Qarummaan lafa nami le'u keessatti hin dhaggantu;
namille gatii isi'ii hin beeku.
14 Qileen abbaaya'aa,
‹Qarummaan na keessa hin jirtu› jetti;
abbaayaalle, ‹Qarummaan na bira hin jirtu› jetti.
15 Qarummaan worqii qullu'uun hin bitantu;
gatiin isi'iille meeti'iin hin madaalantu.
16 Gatiin isi'ii worqii gatii guddo'ootiin,
dhakaa ‹Sardoniikis*Sardoniikis: Dhakaa gatii guddoo qabu.› jedhamuun
yookiin dhakaa, ‹Safiiros› jedhamuun wol hin qixxawu.
17 Worqi'ii fi daaw'itiille'eenDaaw'itii: Bara durii gatiin daaw'iti'ii akka malee guddo'o.
wol hin qixxoottu.
Dooqa worqii qullu'uulle'een
hin jijjiirantu.
18 Gatiin qarumma'aa dooqa gatii guddo'ootii fi
dhakaa gatii gudda'ootiin wol hin qixxoottu;
elellaan diintuulleElellaan diintuu: Bara durii elellaan gatii guddoo qaddi caalti.
19 Qarummaan dhakaa gatii guddo'oo ka Itoophiya'aa§Itoophiyaa: Yaadannoo Dad. 2:13 irratti kenname ilaali.,
ka ‹Xophaaziyon› jedhamuun wol hin qixxoottu;
worqii qulluu gatii guddo'oolle'een wol hin qixxoottu.
 
20 «Eegasuu qarummaan eessaa dhutti ree?
Addeen hubantiin jirtu eessa ree?
21 Isiin ila dada maraa duraa dhokatteerti;
sinbirrootaayyuu dhokatteerti.
22 Badi'ii fi duuti,
‹Nuuti oduu isi'ii qofa
gurra keennaan dhageenne› jedhan.
23 Waaqi karaa gara qarumma'aa geessu hin hubata;
addee isiin jirtulle isa qofattuu beeka.
24 Inni qaccee lafaa duudii waan dhagguuf,
waan ol-gubba'aan jala jiru mara dhagga.
25 Waaqi yennaa qilleensaaf hunna kenne,
haga bisaaniille yennaa mike*Mike: Wodaro'oon yookiin ciqile'een haga waan tokkoo beekiisaaf laakkowiisa.,
26 Bokkeyaaf seera,
balaqqeetti'iifille karaa yennaa baase,
27 achiin duuba qarummaa ilaalee,
gatii isi'ii murteesse;
inni isii qorqoree jabeessee isii dhaabe.
28 Achiin duuba inni namaan,
‹Kunoo, Mootii Waan Maraa sodaatiis qarumma'a;
waan hantuu irraa goriisille hubanti'i› jedhe» jedhe.

*28:16 Sardoniikis: Dhakaa gatii guddoo qabu.

28:17 Daaw'itii: Bara durii gatiin daaw'iti'ii akka malee guddo'o.

28:18 Elellaan diintuu: Bara durii elellaan gatii guddoo qaddi

§28:19 Itoophiyaa: Yaadannoo Dad. 2:13 irratti kenname ilaali.

*28:25 Mike: Wodaro'oon yookiin ciqile'een haga waan tokkoo beekiisaaf laakkowiisa.