1 ኣሮኔ ናይታ ጩጋይ ሃይሳፌ ካሊዛይሳ፤ ኣሮኔ ናይቲ ናዳቤ፥ ኣቢሁ፥ ኤልኤዜሬኔ ኢታማሬ። 2 ናዳቤይኔ ኣቢሁይ ና ዬሎንታ ባ ኣዋፔ ካሴቲ ሃይቂዳ፤ ሄሳ ጊሻስ ኤልኤዜሬይኔ ኢታማሬይ ቄሴ ጊዲዳ። 3 ዳዊቲ ኤልኤዜሬ ዛርኬፌ ሳዶቄኔ ኢታማሬ ዛርኬፌ ኣሂሜሌኬራ ጊዲዲ ኣሮኔ ዛሬታ ኢስታ ኦሶን ኦሶን ማዳና ማላ ሻኪ ዎꬂዴስ። 4 ኤልኤዜሬ ዛሬ ሃላቃቲ ኢታማሬ ዛሬ ሃላቃታፔ ዳሮ ጊዲዳ ጊሻስ ኤልኤዜሬ ዛሬቲ ታማኔ ኡሱፑን ጩጋን ሻኬቲን፥ ኢታማሬ ዛሬቲ ኦስፑን ጩጋን ሻኬቲዳ። 5 ጾሳ ኬꬃ ካሌꬂዛይቲኔ ጾሳ ጪማቲ ኤልኤዜሬ ዛሬታ ጊዶኒኔ ኢታማሬ ዛሬታ ጊዶን ዲዛ ጊሻስ ኦናካ ማዶንታ ኦሶዛ ሳማን ሻኪዳ። 6 ሌዌ ዛሬ ናቲናኤሌ ና ጻፌዚ ሻማኤይ ካዎዛ ሲንꬃኒኔ ኢዛ ሹሜታ ሲንꬃን፥ ቄሴ ሳዶቄ ሲንꬃኒኔ ኣቢያታሬ ና ኣሂሜሌኬ ሲንꬃን፥ ቄሴታ ሲንꬃኒኔ ሌዌታሶ ኣሳ ሃላቃታ ሲንꬃን ኢስታ ሱንꬃ ጻፊዴስ፤ ሂስቲን ኤልኤዜሬ ኬꬃ ኣሳታ ሃላቃታፔ ኢሶይኔ ኢታማሬ ኬꬃ ኣሳታ ሃላቃታፔ ኢሶይ ባንታ ታራን ታራን ሳማ ኬሲዳ።

7 ሃ ኣሳቲ ሳማ ኬሲን

19 ኢስራኤሌ ጎዳይ ኢስታ ኣዛዚዳ ማላኔ ካሴ ኢስታ ኣዋ ኣሮኔይ ኢስታስ ዎꬂዳ ዋጋ ማላ ኢስቲ ጾሳ ኬꬅ ጌሊዛ ዎዴ ኦꬃና ማላ ኢሜቲዳ ዎጋይ ሃይሳ።

20 ኣቲዳ ሃራ ሌዌ ዛሬቲ

21 ኤራሃቢያ ናይታፔ ባይራ ናዛ ዪሺያ።

22 ዪጺሃሬታፔ ሻሎሚቴ፤

23 ኬብሮኔ ናይታፔ ኮይሮዚ ዪሪያ፥ ናምኣንꬆዚ ኣማሪያ፥ ሄꬓንꬆዚ ያሃዚኤሌ፥ ኦይዳንꬆዚ ዮቂማኣሜ።

24 ኡዚኤሌ ናይታፔ ሚኪያሳ ና ሻሚሬ።

25 ሚኪያሳ ኢሻ ዪሺያ ናይታፔ ዛካራሳ።

26 ሜራሬ ኣቱማ ናይቲ ማሂሌ፥ ሙሼኔ ያኢዜ። 27 ያኢዜ ኣቱማ ናይቲ ቤኖ፥ ሾሃሜ፥ ዛኩሬኔ ኢቢሬ። 28 ማሂሌ ኣቱማ ናይቲ ኤልኤዜሬኔ ቂሴ፤ ኤልኤዜሬስ ኣቱማ ናይ ዴና። 29 ቂሴስ ዬራሂምኤሌ ጌቴቲዛ ኢሲ ኣቱማ ናይ ዴስ። 30 ሙሼስ ማሂሌ፥ ኤዴሬኔ ያርሞቴ ጌቴቲዛ ሄꬑ ኣቱማ ናይቲ ዴቴስ።

ሃይታንቲ ባሶ ኣሳን ኣሳን ቆዴቲዳ ሌዌ ዛሬታ።

31 ኢስታ ኢሻ ኣሮኔ ናይቲ ኦꬆይሳꬆ ካዎ ዳዊቴ ሲንꬃን፥ ሳዶቄ ሲንꬃን፥ ኣሂሜሌኬ ሲንꬃን፥ ሄሳꬆካ ቄሴታሶ ኣሳታ ሃላቃቲኔ ሌዌታሶ ኣሳታ ሃላቃቲ ዲዛሶን ሳማ ዬጊዳ፤ ባይራዛፔ ቢዲ ዉርሴꬅ ጋካናስ ዲዛይታስ ኢሲ ጊና ሳማ ዬጊዳ።