1 ꬊኬቲዳ ባሳኔ ሚዛታ ማላ ኢንቴ ኣሳቴꬃ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማꬆሲዛ ኡሹ ኤሂቴ» ጌታ።

2 ሄሳ ጊሻስ ጎዳይ ባ ጌሻቴꬃን፥ «ኢንቴስ ሲꬌን ዳፎይ ኣꬊን ኢንቴ ባና ዎዴይ ያና፤ ኢንቴፌ ሄን ቢታ ቦላ ኣቲዳይቲ ቃሴ ማንጻኮን ኦይኬቲ ቢዛ ሞሌ ማላ ኦይኬቲ ባና።

3 «ኢንቴፌ ኢሶይ ኢሶይ ኢንቴ ማታን ዲዛ ሉኮራ ጎሼቲ ጎሼቲ ኬዚዲ ጌዴ ሄሪሞኔን ዬጌታና» ጊ ጫቂዴስ።

4 ጎዳይ፥ «ኢስራኤሌ ዴሬዞ!

6 «ኢንቴስ ዶናን ባꬋና ካꬃራ ታ ꬋይሳዳ ኢንቴ ካታማታን ኡባን ኮሻ ዬዳዲስ። ኢንቴ ጊዲኮ ሃ ታኮ ሲሚቤኬታ። 7 ኢንቴ ካꬃይ ጋካናፔ ቡሮ ሄꬑ ኣጊናይ ዲሺን ሲንꬃታ ታ ኢንቴስ ኢራይ ቡኮንታ ማላ ዲጋዲስ፤ ኢሲ ካታማን ቡኪሺን ሃራ ካታማን ቡኮንታ ማላ ዲጋዲስ፤ ኢሲ ጋዴን ቡኪሺን ሃንኮ ኢሳ ጋዴን ኢራይ ꬋዪን ሜሊዴስ። 8 ኣሳይ ሃꬅ ኡያናስ ኮዪሼ ሃ ካታማፔ ሄ ካታማ ቢዴስ፤ ጊዶ ኣቲን ባስ ጊዲዛ ሃꬄ ዴሞንታ ኣጊዳ ጊሻስ ኡዪዲ ኣላናስ ዳንዳይቤቴና፤ ኢንቴካ ታኮ ሲሚቤኬታ።

9 «ኢንቴ ካꬃ ሜሊሲዛ ሃርጌ ታ ኪታዲስ፤ ኢንቴ ኢንቴ ኣታኪልቴኔ ዎይኔ ሚꬃታ፥ ባላሴኔ ዎጋራ ሚꬃታ ኡባ ቦሌይ ሚዴስ፤ ጊዶ ኣቲን ኢንቴ ሃ ታኮ ሲሚቤኬታ» ጌስ።

10 «ታ ካሴ ጊብጼ ቢታ ቦላ ዬዲዳ ኢታ ሃርጌዛ ማላ ሃርጌ ኢንቴ ቦላ ዬዳዲስ፤ ኢንቴ ናቴꬃ ናይታ ማሻን ሃይቃና ማላ ኦꬃዲስ፤ ኢንቴ ፓራታካ ዲኤታና ማላ ታ ኦꬃዲስ፤ ኢንቴ ዲዛሶን ሃይቂዳ ኣሳ ኣሃ ጺንቆይ ኢንቴ ሲꬌ ቱጪዴስ፤ ኢንቴ ጊዲኮ ሃ ታኮ ሲሚቤኬታ። 11 ሶዶሜኔ ጋሞራ ካሴ ታ ꬋይሲዳ ማላ ኢንቴፌ ዳሮታካ ታ ꬋይሳዲስ፤ ኢንቴ ኣቲዳይቲካ ታማይ ሚሺን ኣቲዳ ሚꬃ ዱርጫ ማላ ጊዲዴታ ሺን ኢንቴ ሃ ታኮ ሲሚቤኬታ። ሜꬌ 19፡24