2 ኔ ካሴ ጾሳ ሲንꬃን ጫቂዳ ጊሻስ ካዎስ ኣዛዜታ።

3 ካዎ ሲንꬃፌ ኤሶን ኬዞፓ፤ ኢዚ ባ ዶሲዳይሳ ኦꬃናስ ዳንዳይዛ ጊሻስ ኢታ ኦሶስ ዙፔቶፓ። 4 ኡባ ሚሽ ኦꬃናስ ካዎስ ማታይ ዲዛ ጊሻስ፥ «ሃይሳ ኣይስ ኦꬃይ?» ጊዲ ኢዛ ኦይቻናስ ዳንዳይዛይ ኦኔ?

11 ኢታ ኦꬂዳ ኣሳ ቦላ ኤሶን ፒርዶንታ ኣጊኮ ኣሳ ዎዚናይ ኢታ ኦꬃና ሃልቾን ኩሜስ። 12 ናጋራንቻይ ጼቱቶ ኢታ ሚሽ ኦꬂሺን ኢዛ ላይꬃይ ኣዱቂኮካ፥ ጾሳ ቦንቺዛይታሲኔ ጾሳ ያዪዛይታስ ሎኦይ ሃናናይሳ ታ ኤራይስ። 13 ጊዶ ኣቲን ኢታቲ ጾሳስ ያዮንታ ጊሻስ ሎኦ ሚሺ ኢስታስ ሃኔና፤ ኢስታ ላይꬂ ኤሾ ማላ ኤሌ ኣꬋና።

14 ሳኣ ቦላ ኦሴቲዛ ሃራይ ሃዳ ሚሺ ዴስ፤ ሄሲካ ጺሎቲ ኢታታስ ቤሲዛ ቂጻቴ፥ ኢታቲ ጺሎታስ ቤሲዛ ሎኦ ሚሽ ኤኬቴስ። ሄይቲ ኡባይካ ሃዳ። 15 ሳሎ ጉፋንꬆን ኣሳስ ሙሳፌ፥ ኡሻፌኔ ኡፋዬቴꬃፌ ኣꬊዛ ሃራ ሚሺ ባይንዳ ጊሻስ ባ ዴኦ ላይꬃን ኡፋዬቴꬂ ሎኦ ጋዲስ፤ ሄሳ ጊሻስ ጾሲ ሳሎ ጉፋንꬆን ኢዛስ ኢሚዳ ላይꬃታን ኢዚ ባ ኦሶን ኡፋዬታና።

16 ታኒ ኣꬎ ኤራቴꬅ ኤራናሲኔ ኣሲ ሃ ሳኣ ቦላን ኦማርሲኔ ጋላስ ꬊስኮይ ባይንዳ ዳቡርዛ ዳቡራ ኤራናስ ታ ዎዚናን ፒልጋዲስ። 17 ሄሳፌ ጉዬ ጾሲ ኦꬂዳ ኡባ ቤኣዲስ፤ ሳሎ ጉፋንꬆን ኦሴቲዛ ሚሽ ኦኒካ ኤሬና፤ ኣሲ ኬሂ ዳፌቲዲ ፒልጊ ጼሊኮካ ኢዛ ቢርሼꬃ ዴማናስ ዳንዳዬና። ኣꬎ ኤራንቻይ፥ «ታ ኤራይስ» ጊኮካ ኡባ ኤራናስ ዳንዳዬና።