1 ሄሳ ጊሻስ ሃ ኡባ ዮኦታ ታ ዎዚናን ቆፓዳ ኣꬎ ኤራንቻቲኔ ጺሎቲ ኦꬂዛ ኦሶይ ጾሳ ኩሼና፤ ጊዶ ኣቲን ኣሲ ሲንꬃፌ ባና ናጊዛይሲ ሲቆ ጊዲን ዎይኮ ኢጾ ጊዲን ኤሬና። 2 ጺሎታ ዎይኮ ናጋራንቻታ ጊዲን፥ ሱሬታ ዎይኮ ኢታታ ጊዲን፥ ጌሻታ ዎይኮ ቱናታ ጊዲን፥ ያርሾ ሺሺዛይታ ዎይኮ ያርሾ ሺሾንታይታ ጊዲን ኡባታሲካ ዉርሴꬃ ቃዳይ ኢሲኖ።

3 ሳሎ ጉፋንꬆን ኡባ ቦላ ጋኪዛ ኢታቴꬂ ሃይሳ፤ ኡባስ ዉርሴꬃ ቃዳይ ኢሲኖ፤ ሄሳፌ ቦላራካ ኣሳ ዎዚናይ ኢታቴꬃን ኩሚዴሲኔ ጎዪዴስ፤ ዉርሴꬃንካ ሃይቂዳ ኣሳን ጋይቴስ። 4 ሃይቂዳ ጋሞፌ ፓጻ ዲዛ ካናይ ኪያ፤ ሄሳꬆካ ሼምፖራ ፓጻ ዲዛይታ ጊዶን ዲዛ ኣሳስ ሂዶታይ ዴስ።

7 ባዳ ኔ ካꬅ ኡፋይሳን ማ፤ ኔ ዎይኔ ኡሻካ ኔ ዎዚናይ ኡፋዬቲሺን ኡያ፤ ኣይስ ጊኮ ጾሲ ኔ ኦꬂዳ ኦሶን ኡፋዬቴስ። 8 ኡባ ዎዴ ኔ ማይኦይ ቦꬅ ጊዶ፤ ኔ ሁኤይካ ዛይቴን ቲዬቶ። 9 ሳሎ ጉፋንꬆን ጾሲ ኔስ ኢሚዳ ጉꬅ ጊዲዳ ኔ ዴኦ ላይꬃታ ኡባን ኔ ሲቂዛ ኔ ማቼይራ ኡፋይሳን ዴኣ፤ ኣይስ ጊኮ ሳሎ ጉፋንꬆን ኔ ዴኦኒኔ ኔ ዳቡርዳ ዳቡራ ኡባን ሃይሲ ኔስ ቃዳ። 10 ኔ ኩሼይ ኦꬃናስ ዴሚዳይሳ ኡባ ኔ ኩሜꬃ ዎልቃን ኦꬃ፤ ኣይስ ጊኮ ኔኒ ባና ዱፎን ኦሶይ፥ ሃልቾይ፥ ኤራቴꬂኔ ኣꬎ ኤራቴꬂ ዴና።

13 ሄሳꬆካ ታና ኬሂ ማላሊሲዳ ሃይሳ ኣꬎ ሌሚሶ ሳሎ ጉፋንꬆን ቤኣዲስ። 14 ሄሲካ ኢሲ ቢታን ኣማርዳ ኣሳቲ ዴኢዛ ቄሪ ካታማይ ዳዉስ፤ ሄ ካታማዮ ኦላናስ ኢሲ ዎልቃማ ካዎይ ዎራጂ ዶዲዴስ፤ ኢዚ ዩሾን ሚጻ ጊግሲዴስ። 15 ሄ ካታማይን ኣꬎ ኤራንቻ ጊዲዳ ኢሲ ማንቆ ኣሲ ዴስ፤ ኢዚ ባ ኣꬎ ኤራቴꬃን ሄ ካታማዮ ኣሺዴስ። ጊዶ ኣቲን ሄ ማንቆዛስ ኦኒካ ቆፒቤና። 16 ሄሳ ጊሻስ ታኒ፥ «ኣꬎ ኤራቴꬂ ዎልቃፌ ኣꬌስ» ጋዲስ። ጊዲኮካ ሄ ማንቆዛስ ዲዛ ኣꬎ ኤራቴꬃዚ ካꬌቲዴስ፤ ኢዛ ቃላይካ ሲዬቲቤና።