1 ሄሳ ጊሻስ ጎዳ ሱንꬃን ቃሼቲዳ ታኒ ኢንቴ ጼይጌቲዳ ጼይሳስ ቤሲዛ ዱስ ዳና ማላ ኢንቴና ዎሳይስ። 2 ሙሌካ ኣሽኬታኔ ሹጎታ ጊዲቴ፤ ኢሶይ ኢሳራ ሲቆን ዲቴኔ ኢሶይ ኢሳ ዳንዳይቴ። ቆላ 3፡12-13 3 ሳሮቴꬅ ኢሚዛ ኣያና ኢሲፌቴꬅ ናጋናስ ሚኒቴ። 4 ኢንቴ ጼይጌቲዳ ጋላስ ኢሲ ሂዶታኮ ጼይጌቲዳ ማላ ኢሲ ኣሳቴꬂኔ ኢሲ ኣያናይ ዴስ። 5 ኢሲ ጎዳይ፥ ኢሲ ኣማኖይኔ ኢሲ ጺንቃታይ ዴስ። 6 ኡባፌ ቦላራ ጊዲዳይ፥ ኡባ ቦላ ኦꬂዛይ፥ ኡባሶን ዲዛይ፥ ኡባስ ኣዋ ጊዲዳ ኢሲ ጾሲ ዴስ።

7 ጊዲኮካ ኪርስቶሲ ኢማና ጊ ቃቺዳ ማላ ኑስ ኢሳስ ኢሳስ ዱማ ዱማ ኢሞቴꬂ ኢሜቲዴስ። 8 ሄሳ ጊሻስ፥

11 ኢሲ ኢሲ ኣሳቲ ሃዋሬታ፥ ባጋይቲ ናቤታ፥ ሃራቲ ሚሺራቾ ቃላ ሳባኬ፥ ባጋይቲ ቃሴ ሄሚዛይታኔ ታማርሲዛይታ ጊዳና ማላ ኢዚ ኢሞታ ኢሚዴስ። 12 ሄሲካ ኪርስቶሳ ኣሳቴꬅ ጊዲዳ ዎሳ ኬꬂያ ኬጼታና ማላ ኣማኒዛይታ ኣማኖ ኦሶስ ጊጊሳናሳ። 13 ሄሲካ ሃናናይ ኑ ዉሪካ ጾሳ ና ኣማኖኒኔ ኢዛ ኤሮን ቤቲዛ ኢሲፌቴꬃኮ ጋኪዲ ኩሜꬃ ኣስ ጊዳናስ ኪርስቶሳን ኑኒ ኪርስቶሳꬆ ኩሜꬂኔ ፖሎ ጊዳና ማላሳ።

14 ሄሳ ጊሻስ ኣባ ቦላ ዴንዲዛ ጎቴ ጫርኮይ ያኔ ሃ ሾጬቺዛ ማላ ዱማ ዱማ ቲሚርቴ ጫርኮን ኣሳ ጌኔኒኔ ባሌꬆን ኣኔ ኑኒ ያኔ ሃ ጶንቄቲሼ ቄሪ ጉꬃ ናይታ ማላ ሃኖኮ። 15 ሄሳꬆ ሃኖ ኣጊዲ ቱማ ሲቆን ሃሳይሼ ሁኤ ጊዲዳይሳኮ ሃኒዛዛን ኡባን ኣኔ ዲጮስ፤ ሄ ሁኤዚካ ኪርስቶሳ። 16 ኢዛ ጋሶን ኣሳቴꬂ ዉሪ ጻጶን ኦይኬቲዲ ኢሲ ኢሲ ኣሳቴꬂ ባ ኦሶ ኦꬂሼ ዉሪካ ሲቆን ዲጬሲኔ ባናካ ሚንꬄስ።ቆላ 2፡19

17 ኣይዛቤታ ማላ ጮ ሜላ ቆፋን ሜላ ሲሜሬታናስ ኢንቴስ ቤሴና ጋዳ ታ ኢንቴና ዞራይስ። 18 ኢስታ ዎዚናይ ሙሚዳ ጊሻሲኔ ዩሺ ቆፖንታ ጊሻስ ኢስታ ዎዚና ኣይፌይ ቆቂዴስ፤ ኢስቲ ጾሳ ዴኦፔ ሻኬቲዳ። 19 ኢስታፌ ዬላቴꬂ ꬋይዳ ጊሻስ ባ ኮዪዳ ማላ ባና ካልሶንታ ኣሞኒኔ ቱናቴꬃን ዳናስ ዎጋይ ባይንዳ ኢታ ኦሶስ ባና ኣꬂ ኢሚዳ።

20 ኢንቴ ቃሴ ኪርስቶሳ ሄሳ ማላን ኤሪቤኬታ። 21 ኤ ቱሙካ ኢንቴ ኢዛ ጊሻስ ሲዪዴታኔ ዬሱሳን ዲዛ ቱማ ኢዛፔ ታማርዴታ። 22 ኢንቴ ካሴ ዲዛ ዱሳይ ባሌꬂዛ ኣሞን ቂታቲዳ ጊሻስ ካሴ ጬጋ ኣሳቴꬅ ኢንቴፌ ቃሪ ዬጋና ማላ ታማርዴታ። ቆላ 3፡9 23 ቃሴካ ኢንቴ ቆፋይ ኣያናን ኦራጾ። 24 ቱሙ ጺሎቴꬃኒኔ ጌሻቴꬃን ጾስ ሚሳታና ሜꬌቲዳ ኦራꬃ ኣሳቴꬅ ማይኢቴ። ቆላ 3፡10

25 ኑ ዉሪካ ኢሲ ኣሾ ጊዲዳ ጊሻስ ዎርዶቴꬅ ዲጊዲ ኑኒ ኑ ጋርሳን ኢሶይ ኢሳራ ኣኔ ቱማ ሃሳዮስ። ዛካ 8፡16 26 ሃንቄቲቴ ሺን ናጋራ ኦꬆፍቴ፤ ኢንቴ ሃንቆን ዲሺን ኣርሼይ ዉሎፎ። ማዛ 4፡4 27 ጻላኤስ ሶሆ ኢሞፍቴ። 28 ካሴ ካይሶቲዛዴይ ሃይሳፌ ጉዬ ካይሶቶፓ፤ ጊዶ ኣቲን ሜቶቴቲዲ ኢዛ ዎሲዛይታስ ኢሚዛ ሚሺ ኢዛ ኩሼን ዳና ማላ ሎኦ ሚሽ ባ ኩሼራ ኦꬂ ዴማናስ ዳቡሮ።

29 ኮሺዛ ማላ ሃንኮ ሲዪዛይታ ጎኢዛዚኔ ማዲዛ ቃላፔ ኣቲን ጎኣይ ባይንዳ ቃላይ ኢንቴ ዶናፔ ኬዞፖ። 30 ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ። 31 ጫሞ ዮኦ ኡባ ሃንቆ፥ ዪሎ፥ ኦሽ፥ ጫሼ፥ ቃሴካ ሃንኮ ሃራ ኢታቴꬅ ኡባ ኢንቴፌ ዲጊቴ። 32 ኢንቴና ጾሲ ኪርስቶሳ ባጋራ ኣቶ ጊዳ ማላ ኢንቴካ ኢንቴ ጋርሳን ኣቶ ኣቶ ጌቴቲቴ፤ ኢሶይ ኢሳራ ኪያታኔ ኢሶይ ኢሳስ ቃꬌቲዛይታ ጊዲቴ። ቆላ 3፡13