1 ሄሳ ጊሻስ ኢንቴ ዶሴቲዛ ናይታ ማላ ጾስ ሚሳቲቴ። 2 ኪርስቶሲ ኑና ሲቂዳ ማላ ቃሴካ ኑ ጊሻስ ባና ሳዊዛ ያርሾ ኦꬂ ጾሳስ ኢሚዳ ማላ ኢንቴካ ሲቆን ሲሜሬቲቴ። ኬሳ 29፡18፤ ማዛ 40፡6

3 ላይማይ ዎይኮ ቱናቴꬂ ዎይኮ ኡዜቴꬂ ሙሌካ ኢንቴ ጊዶን ቤቶይ ኣቲን ዚጊርሲካ ሲዬቶፎ፤ ሄሳ ማላይ ጌሻ ጾሳ ኣሳስ ቤሴና። 4 ኢንቴ ጋላታ ጋላቲዛይታ ጊዲቴ ኣቲን ኣሴ ዬላቺዛ ላፋ ሃሳያይ፥ ጮ ኤያቴꬃ ዮኦይ ኢንቴስ ቤሶንታ ጊሻስ ሄሳ ማላይ ኢንቴ ጋርሳን ዶፖ። 5 ቃሴካ ኢንቴ ላይማቲዛይታስ ዎይኮ ቱናታስ ዎይኮ ኡዜቲዛይታሲኔ ኤቃስ ጎይኒዛይታስ ኪርስቶሳ ካዎቴꬃኒኔ ጾሳ ካዎቴꬃን ኢስታስ ላታሶይ ባይንዳይሳ ኢንቴ ኤሪቴ።

6 ኢንቴና ኦኒካ ዎርዶ ሃሳያን ባሌꬆፎ፤ ጋሶይካ ጾሳ ሃንቆይ ኢዛስ ኣዛዜቶንታ ናይታ ቦላ ያናይ ሃይታንታ ማላና። 7 ሄሳ ጊሻስ ሄሳንታ ማላራ ዙፔቶፒቴ። 8 ካሴ ኢንቴ ꬉማ ሺን ጎዳን ሃኢ ኢንቴ ፖኦ፤ ኢንቴ ፖኦ ናይታ ማላ ዲቴ። 9 ፖኦስ ኣይፌይ ሎኤቴꬃን፥ ጺሎቴꬃኒኔ ቱማቴꬃን ኡባን ዴስ።

10 ሄሳꬆካ ጎዳ ኡፋይሲዛ ሚሽ ኮዪቴ። 11 ኣይፌይ ባይንዳ ꬉማ ኦሶራ ኢንቴስ ኣይኮ ጋጎቴꬂ ዶፖ፤ ሄሳፌ ኢታ ኦሶ ቆንጬ ኬሲቴ። 12 ꬉማን ዲዛ ኣሳቲ ጌማን ኦꬂዛ ሚሻ ጊሻስ ሃሳያይካ ዬላቼስ። 13 ፖኦይ ፖኢዳዚ ዉሪ ቆንጬን ቤቴስ። 14 ጋሶይካ ኡባ ቤሲዛይ ፖኦ፤ ሄሳ ጊሻስ፥

15 ሄሳ ጊሻስ ኤራቴꬂ ባይንዳይታ ማላ ጊዶንታ ኢንቴ ዋኒዲ ኤራታ ማላ ዳናኮ ናጌቲቴ። 16 ሃይሲ ዎዴዚ ኢታ ጊዲዳ ጊሻስ ሄሳ ሎኤꬂ ኤሪቴ። ቆላ 4፡5 17 ሄሳ ጊሻስ ኤያታ ጊዶፒቴ፤ ጎዳ ሼኔይ ኣዛኮ ዩሺ ቆፒቴ።

18 ኣያናይ ኩሚዳይታ ጊዲቴ ኣቲን ማꬆሲዛ ኡሻን ማꬆቶፍቴ፤ ሄሲ ጮ ሜላ ሚሻ ላሌꬃ። 19 ኣያና ዬꬃን ጋላታራ ጋꬂ ዬጺሼ ኢንቴ ጊዶን ኢሶይ ኢሳራ ሃሳዬቲቴ፤ ኢንቴ ሳባኒኔ ዬꬃን ኩሜꬃ ዎዚናፔ ጎዳ ጋላቲቴ። 20 ሄሳን ጾሳ ኣዋ፥ ጎዳ ዬሱስ ኪርስቶሳ ሱንꬃ ኡባ ሚሻስ ኡባ ዎዴ ጋላቲቴ።

21 ኢንቴ ኪርስቶሳ ቦንቾስ ጊዲ ያሻራ ኢሶይ ኢሳስ ኣዛዜቲቴ።

22 ማቼቶ ኢንቴ ጎዳስ ሃሬቲዛ ማላ ኢንቴ ኣዚናታስ ሃሬቲቴ። ቆላ 3፡18፤ 1ጴጽ 3፡1 23 ኪርስቶሲ ባ ኣሾ ጊዲዳ ዎሳ ኬꬃይስ ሁኤ ጊዲዳ ማላ ኣዚናይካ ባ ማቼይስ ሁኤ። 24 ሄሳ ጊሻስ ዎሳ ኬꬂያ ኪርስቶሳስ ኣዛዜቲዛ ማላ ማቼቲካ ባ ኣዚናታስ ኣይ ሃኖንካ ኣዛዜታናስ ቤሴስ።

25 ኣዚናቶ! ኪርስቶሲ ዎሳ ኬꬃዮ ሲቂዳ ማላኔ ባና ኢዚ ጊሻስ ኣꬂ ኢሚዳ ማላ ኢንቴካ ኢንቴ ማቼታ ሲቂቴ። ቆላ 3፡19፤ 1ጴጽ 3፡7 26 ባ ቃላ ባጋራ ሃꬃን ሜጪ ጌሺ ዱማሲዴስ። 27 ሄሳꬆካ ቂታይ ዎይኮ ኣይፌሶ ጺርጶቴꬂ ዎይኮ ኢሲ ኢታይ ኢዚ ቦላ ቤቶንታ ጌሺኔ ባላይ ኢዚ ቦላ ባይንዳሮ ቦንቾ ዎሳ ኬꬄ ሂስቲዲ ሺሻናሳ። 28 ኣዚናቲካ ሄሳꬆ ባ ማቼታ ባ ኣሾ ማላ ሲቃናስ ቤሴስ፤ ባ ማቾ ሲቂዛዴይ ባና ሲቄስ። 29 ባርካ ባና ኢጺዛዴይ ኦኒካ ዴና፤ ባ ኣሾስ ሜሲኔ ባና ናጌስ፤ ኪርስቶሲካ ዎሳ ኬꬃስ ሂኒꬆ ኦꬂዴስ። 30 ኑኒ ኪርስቶሳ ኣሳቴꬃ። 31 ሄሳ ጊሻስ፥ «ኣሲ ኣዮኔ ኣዋ ኣጊዲ ባ ማቼይራ ኢሲኖ ጊዴስ፤ ናምኣይካ ኢሲ ኣሾ ጊዴቴስ» ጌቴቲ ጌሻ ማጻፋን ጻፌቲዴስ። ሜꬌ 2፡24 32 ሃይሲ ዳሮ ጹራ ዮኦ፤ ታኒካ ሃይሳ ኪርስቶሳ ጊሻሲኔ ዎሳ ኬꬃ ጊሻስ ዮታይስ። 33 ጊዲኮካ ኢንቴፌ ኢሲ ኢሳዴይ ባ ማቾ ባና ሲቂዛ ማላ ሲቆ፤ ማቻካ ባ ኣዚና ቦንቹ።