1 ጎዳይ ሳራ ቆፒዴስ፤ ካሴ ኢዚስ ዮቲዳ ማላካ ኦꬂዴስ። 2 ሳራይ ሻራዳ ጪማቴꬃን ኣብራሃሜስ ጾሲ ጊዳ ዎዴይ ጋኪን ኣቱማ ና ዬላዱስ። ኢብ 11፡11 3 ሳራይ ኢዛስ ዬሊዳ ናዛ ሱንꬃ ኣብራሃሜይ፥ «ዪሳቃ» ጊ ሱንꬂዴስ። 4 ኣብራሃሜይ ናዛ ዪሳቃ ጾሲ ባና ኣዛዚዳ ማላ ዬሌቲዳፔ ኦስፑንꬃ ጋላስ ቃጻሪዴስ። ሜꬌ 17፡12፤ ሃዋ 7፡8 5 ኢዛ ና ዪሳቂ ኢዛስ ዬሌቲዳ ዎዴ ኣብራሃሜስ ላይꬃይ ጼታ። 6 ሳራይ፥ «ጾሲ ታና ሚቺዴስ፤ ቃሴ ሃይሳ ሲዪዛይ ዉሪ ታናራ ሚጫና» ጋዱስ። 7 ቃሴካ ሳራይ፥ «ኣብራሃሜስ ሳራይ ና ዬላናኔ ꬋንꬃና ጊዲ ቆፒዳይ ኦኔ? ጊዲኮካ ታኒ ሃኢ ኢዛስ ኢዚ ጪሚዳ ዎዴን ና ዬላዲስ» ጋዱስ።

8 ጉꬃ ናዚ ዲጪዲ ꬋንꬅ ዱጺዴስ፤ ዪሳቂ ꬋንꬃፌ ዱጺዳ ጋላስ ኣብራሃሜይ ጊታ ዲጊሳ ዲጊሲዴስ። 9 ጊብጼፔ ዪዳ ኣጋራ ኣብራሃሜስ ዬሊዳ ናዚ ኢስማኤሌይ ዪሳቃ ሌቂዛይሳ ሳራይ ቤኣዳ፥ 10 ኣብራሃሜ፥ «ሃኖ ኣይሌይ ናዚ ታ ና ዪሳቃራ ሙሌካ ላቶንታ ጊሻስ ኣይሌዮኔ ኢዚ ናዛ ኬሳ ጎዳ» ጋዱስ። ጋላ 4፡29-30

11 ሃ ዮኦዚ ባ ናዛ ቦቺዛ ጊሻስ ኣብራሃሜይ ዳሮፔ ሜቶቴቲዴስ። 12 ጊዶ ኣቲን ጾሲ ኣብራሃሜ፥ «ኔ ዜሬꬃይ ዪሳቃ ባጋራ ጼይጌታናይሳ ጊሻስ ኣይሌይ ጊሻሲኔ ኢዚ ናዛ ጊሻስ ዳሮ ሜቶቶፓ፤ ሳራይ ኔስ ዮቲዛይሳ ኡባ ሲያ። ኦሮ 9፡7፤ ኢብ 11፡18 13 ቃሴ ታኒ ኢዚ ኔ ዜሬꬅ ጊዲዳ ጊሻስ ኣይሌይ ናዛ ካዎቴꬅ ሂስታና» ጊዴስ።

14 ኣብራሃሜይ ማላዶ ዎንታራ ዴንዲዲ ጉꬃ ካꬂኔ ኮዳን ሃꬅ ኤኪዲ ኣጋሮ ሃሼን ቶሲዲ ኢዚ ናዛካ ኢዚስ ኢሚዲ ኬሲ ዬዲዴስ፤ ኢዛ ባዳ ቤርሳቤሄ ጌቴቲዛ ባዞን ቶይላታዱስ። 15-16 ሃꬃይካ ኮዳፌ ዉሪን ኢዛ፥ «ታ ናዚ ሃይቂሺን ኡታዳ ታ ኢዛ ቤኢኬ» ጋዳ ናዛ ቡራ ጋርሳን ዎꬃዳ 200 ዋꬋ ጊዲዛሶ ማላ ባዳ ሄን ኡታዱስ፤ ሄንካ ኢዛኮ ሲማ ኡታዳ ባ ቃላ ꬎቁ ሂስታ ዬካዱስ።

17 ጾሲ ናዛ ዋሶ ሲዪዴስ፤ ሳሎፔ ጾሳ ኪታንቻይ ኣጋሮ ጼይጊዲ፥ «ኣጋሬ! ዋናዲ? ጾሲ ናዚ ኢቺዳሶን ዬኪዛይሳ ሲዪዳ ጊሻስ ባቦፋ፤ 18 ዴንዳ ኤቃ፤ ናዛ ዴንꬃዳ ኔ ኩሼን ኦይካ፤ ታኒ ኢዛ ጊታ ካዎቴꬅ ሂስታና» ጊዴስ። 19 ጾሲ ኢዚስ ሃꬃ ኦላ ቤሲን ባዳ ኮዳን ሃꬅ ኩንꬃዱስ፤ ናዛካ ኡሻዱስ። 20 ጾሲ ናዛራ ዴስ፤ ናዚካ ዲጪዲ ባዞ ቢታን ዎንዳፌ ዱኪዛ ኣስ ጊዲዴስ። 21 ኢዚ ፓራኔ ባዞን ዴኢሺን ኢዛ ኣያ ኢዛስ ማቾ ጊብጼፔ ኤካዱስ።

22 ሄ ዎዴ ኣቢሜሌኬይ ባ ዎታዳራታ ሃላቃ ፒኮሌራ ኣብራሃሜኮ ቢዲ፥ «ኔኒ ኦꬂዛ ኡባን ጾሲ ኔናራ ዴስ። ሜꬌ 26፡26 23 ኔኒ ታ ቦላ ዎይኮ ታ ናይታ ቦላ ዎይኮ ታ ዜሬꬃ ቦላ ባሌꬆን ጌኔ ኦꬆንታ ማላ ሃኢ ሃይሳን ጾሳ ሲንꬃን ታስ ጫቃ፤ ታኒ ኔስ ኔ ኪዪዳይሳꬆ ኔኒካ ታሲኔ ኔኒ ኢማꬃቴꬃን ዲዛ ሃይሳ ቢታዛስ ሎኦ ኦꬃ» ጊዴስ።

24 ኣብራሃሜይ፥ «ታኒ ጫቃይስ» ጊዴስ።

25 ሄ ዎዴ ኣብራሃሜይ ኣቢሜሌኬ ኣይሌቲ ኤኪዳ ሃꬃ ኦላ ጊሻስ ኣቢሜሌኬስ ማጋኒዴስ። 26 ጊዶ ኣቲን ኣቢሜሌኬይ፥ «ሄሳ ኦኒ ኦꬂዳኮ ታኒ ኤሪኬ፤ ኔኒካ ቃሴ ታስ ዮታቤካ፤ ታኒ ሃች ጋካናስ ሄሳ ሲያቤኬ» ጊዴስ።

27 ሄሳፌ ጉዬ ኣብራሃሜይ ዶርሳታኔ ሚዛታ ኤሂዲ ኣቢሜሌኬስ ኢሚን ኢስቲ ናምኣይ ጫቄቲዳ። 28 ኣብራሃሜይ ሜሄታ ጊዶፌ ላፑን ኡዚ ዶርሳታ ሻኪዴስ። 29 ኣቢሜሌኬይ ኣብራሃሜ፥ «ሃ ኔኒ ሻኪዳ ላፑን ኡዞታ ኣይስ ሻካዲ?» ጊ ኦይቺዴስ።

30 ኣብራሃሜይ፥ «ታኒ ሃይሳ ሃꬃ ኦላ ቦኪዳይሳስ ማርካ ጊዳና ማላ ሃይታ ላፑን ኡዞታ ታፔ ኤካ» ጊዴስ።

31 ሄን ሄ ናምኡ ኣሳቲ ጫቄቲዳ ጊሻስ ሄ ሶሆይ ቤርሳቤሄ *ቤርሳቤሄ፡ ቤርሳቤሄ ጉሲ ኢብራዌታ ቃላራ፥ «ጫቆ ሃꬃ ኦላ ዎይኮ ላፑን ሃꬃ ኦላ» ጉሳ። ጌቴቲዴስ።

32 ቤርሳቤሄን ጫቆ ጫቄቲዳይሳፌ ጉዬ ኣቢሜሌኬይኔ ኢዛ ዎታዳራታ ሃላቃ ፒኮሌይ ዴንዲዲ ፊሊስጼሜ ቢታ ሲሚዳ። 33 ኣብራሃሜይ ቤርሳቤሄን ታማርሲኬ ጌቴቲዛ ሚꬅ ቶኪዲ ሄን ጎዳ ሜርና ጾሳ ጼይጊዲ ጎይኒዴስ። †ታማርሲኬ ጌቴቲዛ ሚꬃይ ኢዛስ ጌሳይ ቃንꬅ ጊዲሺን ዛምባፌ ዱማቲዛ ሚꬃ 34 ኣብራሃሜይ ፊሊስጼሜ ቢታን ዳሮ ዎዴ ኢማꬃቴꬃን ዴኢዴስ።