ጮኡ ጊቴ፤

ካዎቴꬃቲ ባ ዎልቃ ኦራꬄቶ፤

ሺቂዲ ሃሳዬቶ፤

ኣኔ ፒርዳ ሺሎታ

ሲንꬃን ጋይቶስ።

ኢሳ ዴንꬂዳይ፥

ጺሎቴꬃን ባስ ሃጋዚሳና

ጼይጊዳይ ኦኔ?

ኢዚ ካዎቴꬃታ

ኢዛስ ኣꬂ ኢሜስ፤

ኢዚ ኢስታ ጊꬃ ማሻን

ቢታ ኬሲዴስ፤

ባ ዎንዳፌን ጫርኮይ

ላሊዳ

ሱላ ማላ ኬሲዴስ።

ሜቶይ ባይንዳ ኣꬊ ቢዴስ፤

ኢዛ ቶሆይ ካሴ ዬꬎንታ

ኦጌራ ሄሜቲዴስ፤

ዬሌታ ቤኒሶፌ ጼይጊዳይ ኦኔ?

ጎዳይ ኮይሮይታራካ

ዉርሴꬃይታራካ

ዲዛይ ታና» ጌስ።

ሳኣ ጋጻቲካ ኮኮሪዳ፤

ኢሲ ቦላ ሺቂዲ ሲንꬅ ዪዳ።

ባ ኢሻካ፥

«ኣይኮይ ባ ሚና» ጌስ።

ሚንꬄꬄስ፤

ናሪቃን ቆጺ ሌኢሲዛዴይ

ቢራታ ማርጮን

ሴሪሲዛይሳ ሚንꬄꬄስ፤

ቢራታ ሴሪሲ ኦይሴꬆይ፥

«ሎኦ» ጌስ፤

ኤቃ ጾሳ ሚስሌይ ኩንዶንታ ማላ

ሚሲማሬን ቶርጌስ።

ታ ኣሽካራ ኢስራኤሌ፥

ታ ዶሪዳ ያቆቤ፥

ታ ላጌዛ ኣብራሃሜ

ዜሬꬃዞ፥2ታሪ 20፡7፤ ያቆ 2፡23

9 ታኒ ኔና ቢታ

ጋጻፔ ኤሂዳይሶ፥

ሳሎይ ዳንጾሶፔ

ጼይጊዳይሶ፥

‹ታ ኔና ታ ኣይሌዞ›

ጊዳይሶ ታ ኔና

ዶራዲስ ኣቲን ኦላጋቤኬ።

ታኒ ኔ ጾሳ ጊዲዳ ጊሻስ

ዳጋሞፋ።

ታኒ ኔና

ሚንꬃናኔ ማዳና።

ታ ጺሎቴꬃ ኡሻቻ ኩሼን

ዜምፒሳ ኦይካና።

ኬሂ ዬላታናኔ ካዉያና፤

ኔናራ ኤቄቲዛይቲ

ቲምኢ ጊ ꬋያና።

ኮያዳካ ዴማካ፤

ኔና ኦሊዛይቲ ፒቴቲ ꬋያና።

ታ ኔና ማዳና፤ ያዮፋ

ታ ኔ ኡሻቻ

ኩሼዛ ኦይካና።

ኔኖ ቄሪ ኢስራኤሌ፥

‹ያዮፋ ታኒ

ኔና ማዳና› ጌስ።

ኔና ዎዚዛይ

ኢስራኤሌ ጌሻዛ።

ቃራኔ ኣቻራ ዲዛ

ካꬅ ቡኪዛ ሎዳ ኦꬃና፤

ኔኒ ዙማታ ጎያ ሊቂሳና፤

ዙምቡላታካ ዬꬋ

ሃፓ ኬሳና።

ጫርኮይ ኢስታ ፒቲ ኤፋና፤

ጎቴይካ ኢስታ ላላና።

ጊዶ ኣቲን ኔኒ

ጎዳን ኡፋዬታና፤

ቃሴ ኢስራኤሌ ጌሻን

ቦንቼታና።

ሃꬅ ኮያና፤

ጊዶ ኣቲን

ኣይኮካ ዴሜቴና፤

ሃꬃ ሳሞን ኢስታስ

ፖራንዴይ ሜሊዴስ፤

ጊዶ ኣቲን ታኒ ጎዳይ

ኢስታስ ዛሮ ኢማና፤

ታኒ ኢስራኤሌ ጾሳይ

ኢስታ ዬጋ ኣጊኬ።

ዙምቡላታ ቦላ ሻፋታ፥

ሾባታን ፑልቶታ ꬉሳና፤

ባዞ ቢታ ኤሌ ሃꬅ፥

ሳሜቲዳ ቢታን

ሃꬃ ፑልቶ ኬሳና።

ኦዶሮ፥ ባርሴኔቴኔ፥

ዎጋራ ሚꬅ ሞይዛና፤

ኣይኮይ ባይንዳ ባዞን ጺዳ፥

ጉንꬃኔ ኦንꬅ ቶካና።

ሄሳ ቤኣናኔ ኤራና፤

ጎዳ ኩሼይ

ሃይሳ ኦꬂዳይሳ፥

ኢስራኤሌ ጌሻይ ሜꬊዳይሳ

ኢስቲ ኢሲፌ ዩሺ ቆፓናኔ

ኣኬካና» ጌስ።

«ኣኔ ኢንቴ ሞቶ

ኤኪዲ ሃ ሺቂቴ» ጌስ።

ያቆቤ ካዎይ፥ «ኣኔ ኢንቴ ሞቶ

ዳፋ ሃ ኤሂቴ» ጌስ።

ኢንቴ ኤቃ ጾሳታ ሃ ኤሂቴ፤

ኑ ኣኬካና ማላኔ

ኢስታ ዉርሴꬃካ ኤራና ማላ

ካሴ ዮኦቲ ኣዛኮ ኑስ ዮቲቴ፤

ቡሮፔ ሃናና ሚሻታ ኤሪቴ።

ኑ ኤራና ማላ፥

ሲንꬃፌ ሃናና

ሚሻታ ኑስ ዮቲቴ፤

ኑኒ ዳጋማና ማላኔ ያያና ማላ፥

ሎኦ ጊዲን ዎይኮ

ኢታ ሚሽ ኦꬂቴ።

ቆዳን ጌሎንታይታ፤

ኢንቴ ኦሶይ ሙሌካ ሃዳ፤

ኢንቴና ዶሪዳይቲ ሃራሲዛይታ።

ኢሳ ዴንꬃዲስ፤

ኢዚካ ዬስ።

ታ ሱንꬃ ጼይጊዛይሳ፤

ማናይ ኡርቃ ዬꬊዛ ማላ

ኢዚ ካሌꬂዛይታካ

ዬꬌስ።

ኑስ ኣዋጂዳይ፥

‹ኢዚ ሊኬ› ኑ ጋና ማላ

ኑስ ካሴቲ ዮቲዳይ ኦኔ?

ኦኒካ ዮቲቤና፤

ሲንꬃቲዲ ዮቲዳይ ዴና፤

ኢንቴፌ ኣይ ቃላ

ሲዪዳይካ ዴና።

ጋዳ ጺዮኔስ ኣዋጂዳይ ታና፤

ዬሩሳላሜስ ሚሺራቾ ዮቲዛዴ ኢማዲስ።

ኢስታ ጊዶን ዞራንቻይ ባዋ፤

ታ ኦይቺዳ ዎዴ

ዛሮ ኢሚዛይካ ዴና።

ኢስታ ኦሶስካ ጎኣይ ዴና፤

ኢስታ ሚስሌቲካ

ኣይኮይ ባይንዳ ጫርኮ ማላ» ጌስ።