49
ኣሞኔ ዴሬስ ዮቴቲዳ ኪታ
1 ኣሞኔ ኣሳ ጎዳይ፥
«ኢስራኤሌይ ኣቱማ
ናይታ ዬሊቤኔ?
ዎይኮ ኢዛ ላታናይቲ ባዌ?
ሂስቲን ሚልኮሜይ *ሚልኮሜይ ኣሞኔቲ ጎይኒዛ ኤቃ ጾሳታፔ ኢሳ።
ጋዴ ኣይስ ላቲዴ?
ኢዛ ኣሳቲ ኣይስ ካታማይን ዲዞ?ሂዚ 21፡28-32፤ 25፡1-7፤ ኣሞ 1፡13-15፤ ሶፎ 2፡8-11
2 ኣሞኔ ካታማ ኤራባ ቦላ
ኦላ ዋሶ ጬንጉርሲ
ሴቴታና ዎዴይ ያና።
ኢዛ ቡꬌታዳ ዶሬቲዳ
ዶሬ ጊዳና፤
ኢዚ ጉታቲ ኡባይ ጹጌታና፤
ኢስራኤሌይ ባና ኬሲ ጎዲዳይታ
ባ ዴሬፔ ኬሳ ጎዳና።
3 ሃኔ ሃሴቦኔ!
ኣዬ ካታማይ
ꬋይዳ ጊሻስ ዬካ፤
ኤራባ ማጫ ናይቶ ዋሲቴ፤
ማቃ ማይኢዲ ዬኪቴ፤
ጋሶይካ ሚልኮሜይ
ባ ቄሴታራኔ
ባ ሹሜታራ ዲኤቲዲ ባና፤
ዲርሳ ጊዶን
ያኔ ሃ ዎጼሬቲቴ።
4 ሃኔ ካዲዳሬ!
ኔኒ ኔ ሾባታን
ኣይስ ኣማኔታይ?
ኔኒ ሎኦ ካꬅ ኢሚዛ
ኔ ሾባን ኣይስ ጬቄታይ?
ኔኒ ኔ ዱሬቴꬃን ጬቄታዳ፥
‹ታና ኦኔ ቦቻናይ?› ጋሳ።
5 ታኒ ኔ ዩሾን ዲዛይታፔ
ኔ ቦላ ሺሮ ኤሃና፤
ኢንቴ ኡባይካ ጎዴታና፤
ባቃታ ቦላ ዲዛይታ
ሺሻና ኣሲ ቤቴና።
6 «ሄሳፌ ጉዬ ታኒ
ኣሞኔ ኣሳፔ ዲኤቲዳ
ሚሻ ዛራና» ጌስ።
ኤዶሜ ጊሻስ ዮቴቲዳ ኪታ
7 ኤዶሜ ጊሻስ ጎዳይ ኡባፌ ዎልቃማ ጾሳይ፥
«ኣꬎ ኤራቴꬂ
ቴማኔ ኣሳፔ ꬋይዴ?
ዞሬይ ኣኬካንቻታፔ
ሃኪዴ?
ኢስታ ኣꬎ ኤራቴꬃይ ጪንጊዴ?ኢሳ 34፡5-17፤ 63፡1-6፤ ሂዚ 25፡12-14፤ 35፡1-5፤ ኣሞ 1፡11-12፤ ኣብ 1-14፤ ሚል 1፡2-5
8 ታኒ ኤሳዌ ቃጻዪዛ ዎዴ
ታ ኢዛ ቦላ ባሻ
ኤሂዛ ጊሻስ
ኢንቴ ዲዳኔን ዲዛይቲ
ጉዬ ሲሚ ባቃቲቴ፤
ጪማ ኦላ ጊዶን ቆቴቲቴ።
9 ዎይኔ ማጺዛይቲ ኢንቴኮ ዪዲ
ማጺሼ ፑሹሎ
ኣሺ ኤሬቴኔ?
ካይሶቲ ካይሶታና ጌሊኮ
ባ ኮዪዳይሳ ጻላ
ኤኬቴስ ዴቴኔ?
10 ጊዶ ኣቲን ታኒ ኤሳዌ
ፓጻ ካሎ ኣሻና፤
ኢዚ ቆቴቲ ኣቶንታ ማላ
ኢዚ ቆቴታናሶሆታ
ታኒ ቆንጬ ኬሳና፤
ኢዛ ናይቲ፥ ኢዛ ዳቦቲኔ
ኢዛ ሾሮቲ ꬋያና፤
ኢዚካ ባ ሁኤስ ዴና።
11 «ዬሊዳ ኣያኔ ኣዋይ ባይንዳ
ኔ ጋርሳን ዲዛ ናይታ
ኔ ኣጋጋ፤
ታ ኢስታ ዲቻና፤
ኣምኤቲካ ታናን
ኣማኔቴቶ» ጌስ።
12 ጎዳይ፥ «ጻዋ ኡያና ቤሶንታይታስ ጻዋ ኡሺ ኣቶንታይሳ ጊዲኮ ኔኒ ዋና ቂጻቴፔ ኣታኔ? ኔስ ቃጻዬቴꬂ ኣቴና፤ ኔ ኡያናስ ቤሴስ። 13 ቦጺራይ ላሌታዳ ዳጋማስ፥ ቂꬌሲኔ ቃንጌꬃስ ማላታ ጊዳና ማላ ታኒ ታናን ጫቃዲስ፤ ኢዚ ካታማቲ ኡባይ ሜርናስ ኣይኮይ ባይንዳ ቡላ ጊዳና» ጌስ።
14 ጎዳፔ ዪዳ ኢሲ ኪታ ሲያዲስ፤
«ኤዶሜ ቦላ
ዎራጃናስ ሺቂቴ፤
ኦሌታናስ ዴንዲቴ!» ጊ ዮቲዛ
ቃስታኔይ ካዎቴꬃታኮ
ኪቴቲዴስ።
15 ጎዳይ፥ «ሃኢ ታኒ ኔና
ካዎቴꬃታ ጊዶን ላፋ፤
ኣሳ ጊዶንካ
ካꬌቲዳዴ ኦꬃና።
16 ኔኖ ዛላ ጎንጎሎ
ጊዶን ዲዛይሶ!
ኔኖ ꬎቃ ዙምቡላ
ሁኤን ኡቲዳይሶ!
ኔ ዮምቢዛ ዮምባይኔ
ኔ ዎዚና
ኦቶሮይ ኔና ባሌꬂዴስ፤
ኔኒ ኔ ኬꬅ ጎሌ ማላ
ꬎቃሶሆን ኬጺኮካ
ታኒ ኔና
ሄፔ ዱጌ ኦላና» ጌስ።
17 ጎዳይ፥ «ኤዶሜይ
ዳጋማስ ማላታ ጊዳና፤
ሄራ ኣꬊዛ ኣስ ኡባይ
ኢዚ ቦላ ጋኪዳ ባሽ ቤኢዲ
ማላሌቲሼ ቂꬋና።
18 ሶዶሜይኔ ጋሞራይ
ባንታ ዩሾን ዲዛ ካታማታራ
ኢሲፌ ꬋይዳ ማላ
ኤዶሜይ ꬋያና፤
ኦኒካ ሄ ቢታን ዴኤና፤
ኢሳዴይካ ኢዚን ኡቴና» ጌስ። ሜꬌ 19፡24-25
19 ጎዳይ፥ «ጋሞይ
ዮርዳኖሴ ዎራታፔ
ሜሄ ሄሚዛ ዴምባን
ኬዚ ዎꬊዛ ማላ
ታኒካ ኤዶሜይ ቆፖንታ
ዲሺን ኬዛ ዎꬋና፤
ኢዛ ቢታፌ ታ ኢዛ ጎዳና፤
ታ ዶሪዳይሳ
ኢዛ ቦላ ሹማና፤
ታ ማላይ ኦኔ?
ታናራ ኤቄታና
ዳንዳይዛይ ኦኔ?
ታናራ ኤቄታና ዳንዳይዛ
ሄንꬃንቻይ ኦኔ?» ጌስ።
20 ሄሳ ጊሻስ ታኒ ጎዳይ
ኤዶሜ ቦላ ፖላናስ ሃልቺዳ ሃልቾኔ
ቴማኔን ዲዛይታ ቦላ
ታ ቆፒዳ ቆፋ ሲዪቴ!
ጉꬃ ዉዴቲ ጎሼቲ ባና፤
ሄሳ ጋሶን ዉዴይ ሄሜቲዛሶ
ሙሌራ ꬋይሳና።
21 ኤዶሜ ኩንዴꬃ ጊሪሲ
ቢታ ቃꬃና፤
ኢስታ ዋሶይካ
ዞኦ ኣባ ጋካናስ
ኮሹሜስ።
22 ጎሌ ማላ ዱጌ ሲቲ ጊ
ኢዚ ቦላ ዎꬋና፤
ባ ቄፌታካ ቦጺራ ቦላ ሚጫና፤
ሄ ዎዴ ኤዶሜ ኦላንቻቲ
ሚጻይ ኦይኪዳ
ማጫሳ ማላ ሂርጋና።
ዳማስቆ ጊሻስ ዮቴቲዳ ኪታ
23 ጎዳይ ዳማስቆ ጊሻስ፥
«ሃማቴ ኣሳይኔ ኣርፋዴ ኣሳይ
ዳማስቆ ካታማ
ꬋዮ ሲዪዲ ዳጋሚዴስ፤
ኣባ ዳምባላ ማላ ሺሮቲዴስ፤
ኢስታ ዎዚናይካ ሴሪዴስ።
24 ዳማስቆይ ዳቡራዱስ፤
ባቃታናስ ጉዬ ሲማዱስ፤
ኮኮራዱስ፤
ሚጻይ ኦይኪዳ
ማጫሳ ማላ ጬጬይኔ
ቱጋይ ኢዞ ኦይኪዴስ። ኢሳ 17፡1-3፤ ኣሞ 1፡3-5፤ ዛካ 9፡1
25 ታ ኢዚን ኡፋዬቲዛ ኤሬቲዳ ካታማያ
ዋና ዬጌታ ኣታዴ?
26 ሄ ዎዴ ኢዚስ ናቴꬃ
ኣቱማ ናይቲ ኡባይ
ኬኢዳሶን ኬኢዳሶን
ኦጌ ቦላ ኩንዳና፤
ኦላንቻቲ ኡባይካ
ሃይቂ ዉራና።
27 ታኒ ዳማስቆ ካታማ ዩሾን ዲዛ
ጊምቤ ቦላ ታማ ዬዳና፤
ሄ ታማይ ቤኒ-ሃዳዴ
ሻኮ ማና» ጌስ።
ቄዳሬ ጊሻሲኔ ሃጾሬ ጊሻስ ዮቴቲዳ ኪታ።
28 ባቢሎኔ ካዎ
ናቡካዳናጾሬይ
ኦሊ ጾኒዳ ቄዳሬ
ካዎቴꬃ ጊሻሲኔ
ሃጾሬ ካዎቴꬃ ጊሻስ
ጎዳይ፥ «ዴንዲዲ ቄዳሬ ኦሊቴ!
ኣርሼይ ሞኪዛ ባጋራ ዲዛ
ዴራ ዲፒ ሂስቲቴ።
29 ኢስታ ዱንካኔታኔ
ኢስታ ዉዴታ ኤኪቴ!
ኢስታ ኣቆሶይኔ ኢስታ ጋሜላቲ
ኡባይ ኣቶንታ ኤኬታና፤
ሂስቲዲ ኢስታስ፥ ‹ኢስታ ቦላ
ሺሮ ቦላ ሺሮይ ዪዴስ›
ጊዲ ዋሳና።
30 «ኢንቴኖ ሃጾሬን ዲዛይቶ!
ባቢሎኔ ካዎ
ናቡካዳናጾሬይ
ኢንቴ ቦላ ኢታ ሚሽ ኦꬃና
ማቄቲ ኡቲዳ ጊሻስ ባቃቲቴ፤
ቢዲ ጪማ ጎንጎሎን ቆቴቲቴ።
31 «ዴንዲቴ! ሂርጋይ ባይንዳ
ባꬊ ጊ ኡቲዳ
ባናን ኣማኔቲ ኡቲዳ
ካዎቴꬃ ኦሊቴ!
ኢቢꬂ ዎይኮ ኮላታይ
ባይንዳ ዲሺን ባርካ ዲዛ
ዴራ ቦላ ዎራጂቴ» ጌስ።
32 ጎዳይ፥ «ኢስታ ጋሜላቲ ቦንቄታና፤
ኢስታ ዉዴታካ ቡሪ ኤኪ ባና፤
ባንታ ሁኤ ጋሜ ሂስቲ
ሜዴቲዳይታ
ታኒ ጫርኮን ላላና፤
ታኒ ኡባሶራ ኢስታ ቦላ
ቦሻ ኤሃና።
33 «ሃጾሬይ ዎራካናታ
ዱሳሶ ጊዳና፤
ሜርናስ ቡላ ጊዳና፤
ኦኒካ ሄን ዴኤና፤
ኣይ ኣሲካ ኢዚን ኡቴና» ጌስ።
ኤላሜ ጊሻስ ዮቴቲዳ ኪታ
34 ዩሁዳ ካዎ ሴዴቂያሲ ካዎቲዳ
ኮይሮ ላይꬅ ጎዳፔ
ኤላሜ ጊሻስ
ታኮ ዪዳ ቃላይ፥
35 ኡባፌ ዎልቃማ ጎዳይ፥
«ሄኮ ኢዚ ዎልቃቴꬃስ
ዮች ጊዲዳ
ኤላሜ ዎንዳፌታ
ታ ሜንꬃና።
36 ኦይዱ ባጋ ጉላታፔ
ታኒ ኤላሜ ቦላ
ኦይዱ ጫርኮታ ኤሃና፤
ኢስታ ሄ ኦይዱ ባጋ ጫርኮታን
ታ ላላና፤
ኤላሜፔ ዲኤቲ ቢዳይቲ
ጋኮንታ ካዎቴꬃይ ዴና።
37 ኢስታ ሼምፖ ዎꬋና ኮይዛ
ኢስታ ሞርኬታ ሲንꬃን
ታኒ ኤላሜ ያርኪያርኪሳና፤
ኢስታ ቦላ ባሽ ኤሃና፤
ሄሲካ ታ ኢስታ ቦላ
ኤሃና ሃንቆ፤
ታኒ ኢስታ ሙሌራ
ꬋይሳና ጋካናስ
ማሻን ዬዴꬃና።
38 ታኒ ኣራታ ኤላሜን ቶካና፤
ታኒ ኢዚ ካዎታኔ
ሹሜታ ꬋይሳና።
39 «ጊዶ ኣቲን ዉርሴꬃ ዎዴታን
ታኒ ኤላሜ ዛራ
ኢሻልሳና» ጌስ።