1 ሙሴይ ጋይቶቴꬃ ዱንካኔዛ ቶሊ ጊጊዳ ዎዴ ዱንካኔዛኔ ኢዛን ጎኤቲዛ ሚሻታ ኡባ፥ ያርሾ ያርሺዛሶዛኔ ኢዛን ጎኤቲዛ ሚሻታ ቲይዲ ዱማሲዴስ። 2 ሄሳፌ ጉዬ ኢስራኤሌ ኣሳ ካሌꬂዛይቲ፥ ዴራ ቆዲዛ ዎዴ ኢስታ ቦላ ኣላፌቴꬂ ዲዛ ኮራፒኔቲ ዉሪ ባ ያርሾ ያርሾ ጎዳስ ሺሺዳ። 3 ኢስቲ ሺሺዳ ያርሾቲ ናምኡ ናምኡ ሃላቃታ ሱንꬃን ኢሲ ፓራ-ጋሬ፥ ሄሳꬆካ ኢሲ ኢሲ ሃላቃ ሱንꬃን ኢሲ ኢሲ ቦራ፤ ሄ ኢስቲ ሺሺዳ ያርሾቲ ኢሲ ቦላ ኡሱፑን ፓራ-ጋሬታኔ ታማን ናምኡ ቦራታ፤ ሄይታ ሄ ያርሾታካ ጋይቶቴꬃ ዱንካኔዛ ሲንꬃን ሺሺዳ። 4 ጎዳይ ሙሴስ ሂዝጊዴስ፥ 5 «ሃይቲ ሚሻቲ ጋይቶቴꬃ ዱንካኔዛን ዱማ ዱማ ኦሶስ ኢስታን ጎኤታና ማላ ሃይታ ያርሾ ሚሻታ ኢስታፌ ኤካዳ፥ ዱማ ዱማ ኦሶስ ኢስታስ ኮሺዛ ማላ ሻካዳ ሌዌታስ ኢማ።»

6 ሄሳ ጊሻስ ሙሴይ ፓራ-ጋሬታኔ ቦራታ ኤኪዲ ሌዌታስ ኢሚዴስ። 7 ጌርሾኔ ዛርኬታስ ኦሶስ ኮሺዛ ናምኡ ፓራ-ጋሬታኔ ኦይዱ ቦራታ ኢሚዴስ። 8 ቃሴካ ሜራሬ ዛርኬታስ ኦይዱ ፓራ-ጋሬታኔ ኦስፑን ቦራታ ኢሚዴስ፤ ሄይታንታ ኦሶይ ፖሌታናይ ኣሮኔ ና ኢታማሬ ኣላፌቴꬃና። 9 ኢስታስ ዲዛ ኣላፌቴꬂ ጌሻ ሚሻታ ባ ሃሼን ቶኪዛ ጊሻስ ሙሴይ ቃኣቴ ዛርኬታስ ፓራ-ጋሬታ ጊዲን ዎይኮ ቦራታካ ኢሚቤና።

10 ያርሾ ያርሺዛሶዛ ሙሴይ ቲይዲ ጌሺዳ ጋላስ ሃላቃቲ ያርሾ ያርሺዛሶዛ ኣንጂሳናስ ባንታ ኢሞታ ኤሂዲ ያርሾ ያርሺዛሶዛ ሲንꬃን ሺሺዳ። 11 ጎዳይ ሙሴስ፥ «ታማኔ ናምኡ ጋላሳታን ታማኔ ናምኡ ሃላቃቲ ፓጬይ ባይንዳ ኢሶይ ኢሶይ ኢሲ ኢሲ ጋላስ ኣንጂሶ ባኣሌስ ጊዲዛ ያርሾ ሁኤን ሁኤን ሺሻና ማላ ዮታ» ጊዴስ።

12 ኮይሮ ጋላስ ዩሁዳ ቆሞታ ጋርሳፌ ኣሚናዳቤ ና ኔኣሶኔይ ሺሺዴስ። 13 ኢዚ ሺሺዳ ያርሾቲካ ሃይሳፌ ካሊዛይታ፤ ኤሬቲዳ ሜዛኔን ዎꬂን 130 ሳቂሌ *130 ሳቂሌይ 1.5 ኪሎ ጊራሜ ጊዴስ። ቢራፔ ኦሴቲዳ ኢሲ ፒጫ ሳኔኔ 70 ሳቂሌ †70 ሳቂሌይ 0.8 ኪሎ ጊራሜ ጊዴስ። ኢሲ ጉቃ ሳኔ፥ ናምኣይካ ካꬅ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 14 ኢዛን ኤጻኔይ ኩሚ ኡቲዳ 10 ሳቂሌ ‡10 ሳቂሌይ 110 ጊራሜ ጊዴስ። ዎርቃፌ ኦሴቲዳ ጪልፋ። 15 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 16 ናጋራ ያርሾስ ኢሲ ዴይሻ ኦርጌ፥ 17 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ኣሚናዳቤ ና ኔኣሶኔይ ሺሺዳ ያርሾታ።

18 ናምኣንꬆ ጋላስ ዪሳኮሬ ዛርኬታ ጋርሳፌ ጹኣሬ ና ናቲናኤሌይ ሺሺዴስ። 19 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን ጼታኔ ሄꬑ ታሙ ሳቂሌ ቢራፔ ኦሴቲዳ ኢሲ ፒጫ ሳኔኔ ላፑን ታሙ ሳቂሌ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚ ኡቲዴስ። 20 ኢዛን ኤጻኔይ ኩሚ ኡቲዳ ታሙ ሳቂሌ ዎርቃፌ ኦሴቲዳ ጪልፋ። 21 ጹጌቲዛ ያርሾስ ኢሲ ሚርጎ፤ ኢሲ ꬋርሾ፥ ኢሲ ላይꬃ ꬋርሾ ላቃ፥ 22 ናጋራ ያርሾስ ኢሲ ዴይሻ ኦርጌ፥ 23 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ጹኣሬ ና ናቲናኤሌይ ሺሺዳ ያርሾታ።

24 ሄꬓንꬆ ጋላስ ዛቢሎኔ ዛርኬታ ጋርሳፌ ሄሎኔ ና ኤልያቤይ ሺሺዴስ። 25 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን ጼታኔ ሄꬑ ታሙ ሳቂሌ ቢራፔ ኦሴቲዳ ኢሲ ፒጫ ሳኔኔ ላፑን ታሙ ሳቂሌ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 26 ኢዛን ኤጻኔይ ኩሚ ኡቲዳ ታሙ ሳቂሌ ዎርቃፌ ኦሴቲዳ ጪልፋ። 27 ጹጌቲዛ ያርሾስ ኢሲ ሚርጎ፤ ኢሲ ꬋርሾ፥ ኢሲ ላይꬃ ꬋርሾ ላቃ፥ 28 ናጋራ ያርሾስ ኢሲ ዴይሻ ኦርጌ፥ 29 ኢሲፌቴꬃ ያርሾስ 5 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ሄሎኔ ና ኤልያቤይ ሺሺዳ ያርሾታ።

30 ኦይዳንꬆ ጋላስ ኦሮቤሌ ቆሞታ ጋርሳፌ ሻዱሬ ና ኤልጹሬይ ሺሺዴስ። 31 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣንካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃይ ኩሚ ኡቲዴስ። 32 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 33 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 34 ናጋራ ያርሾስ ኢሲ ዴይሻ ኦርጌ፥ 35 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ሻዱሬ ና ኤልጹሬይ ሺሺዳ ያርሾታ።

36 ኢቻሻንꬆ ጋላስ ሲሞና ቆሞታ ጋርሳፌ ጹርሻዳዬ ና ሳሉምኤሌይ ሺሺዴስ። 37 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 38 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 39 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 40 ናጋራ ያርሾስ ኢሲ ዴይሻ ኦርጌ፥ 41 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ ኢቻሹ ꬋርሾ ላቃታ፤ ሄይቲ ዉሪ ጹርሻዳዬ ና ሳሉምኤሌይ ሺሺዳ ያርሾታ።

42 ኡሱፑንꬆ ጋላስ ጋዴ ዛርኬታ ጋርሳፌ ዳኡኤሌ ና ኤልያሳፌይ ሺሺዴስ። 43 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናዉ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 44 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 45 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 46 ናጋራ ያርሾስ ኢሲ ዴይሻ ኦርጌ፥ 47 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ዳኡኤሌ ና ኤልያሳፌይ ሺሺዳ ያርሾታ።

48 ላፑንꬆ ጋላስ ኤፍሬሜ ዛርኬታ ጋርሳፌ ኣሚሁዴ ና ኤልሻማይ ሺሺዴስ። 49 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 50 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 51 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 52 ናጋራ ያርሾስ ኢሲ ዴይሻ ኦርጌ፥ 53 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ኣሚሁዴ ና ኤልሻማ ያርሾታ።

54 ኦስፑንꬃ ጋላስ ሚናሴ ዛርኬታ ጋርሳፌ ፔዳጹሬ ና ጋማልኤሌይ ሺሺዴስ። 55 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 56 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 57 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 58 ናጋራ ያርሾስ ኢሲ ዴይሻ ኦርጌ፥ 59 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ፔዳጹሬ ና ጋማልኤሌ ያርሾታ።

60 ኡዱፉንꬆ ጋላስ ቢኒያሜ ዛርኬታ ጋርሳፌ ጊዲኦኔ ና ኣቢዳኔይ ሺሺዴስ። 61 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 62 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 63 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 64 ናጋራ ያርሾስ ኢሲ ዴይሻ ኦርጌ፥ 65 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ጊዲኦኔ ና ኣቢዳኔ ያርሾታ።

66 ታማንꬆ ጋላስ ዳኔ ቆሞታ ጋርሳፌ ኣሚሻዳዬ ና ኣሂኤዜሬይ ሺሺዴስ። 67 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 68 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 69 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 70 ናጋራ ያርሾስ ኢሲ ዴይሻ ኦርጌ፥ 71 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ኣሚሻዳዬ ና ኣሂኤዜሬ ያርሾታ።

72 ታማኔ ኢሲንꬃ ጋላስ ኣሴሬ ቆሞታ ጋርሳፌ ኦክራ ና ፋጉኤሌይ ሺሺዴስ። 73 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 74 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 75 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 76 ናጋራ ያርሾስ ኢሲ ዴይሻ ኦርጌ፥ 77 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ኦክራ ና ፋጉኤሌ ያርሾታ።

78 ታማኔ ናምኣንꬃ ጋላስ ኒፍታሌሜ ዛርኬታ ጋርሳፌ ኤናኔ ና ኣሂሬይ ሺሺዴስ። 79 ኢዚ ሺሺዳ ያርሾቲካ ሃይሳፌ ካሊዛይታ፥ ኤሬቲዳ ሜዛኔን ዎꬂን 130 ሳቂሌ ቢራፔ ኦሴቲዳ ኢሲ ፒጫ ሳኔኔ 70 ሳቂሌ ኢሲ ጉቃ ሳኔ፥ ናምኣይካ ካꬃ ያርሾ ሺሻናስ ሊቆ ꬊሌፌ ዛይቴን ሙኑቄቲዳ ሙኑቃን ኩሚዳ። 80 ኢዛን ኤጻኔይ ኩሚ ኡቲዳ ኢሲ ታሙ ሳቂሌ ዎርቃፌ ኦሴቲዳ ጪልፋታ፥ 81 ጹጌቲዛ ያርሾስ ኢሲ ሚርጎ፥ ኢሲ ꬋርሾ፥ ኢሲ ላይꬃ ꬋርሾ ላቃ፥ 82 ናጋራ ያርሾስ ኢሲ ዴይሻ ኦርጌ፥ 83 ኢሲፌቴꬃ ያርሾስ 2 ቦራታ፥ 5 ꬋርሾታ፥ 5 ዴይሻ ኦርጌታኔ ላይꬅ ኩሚዳ 5 ꬋርሾ ላቃታ፤ ሄይቲ ዉሪ ኤናኔ ና ኣሂሬ ያርሾታ።

84 ያርሾ ያርሺዛሶዛ ቲይዲ ጌሺዳ ጋላስ ሃላቃቲ ያርሾሶዛ ኣንጂሶ ጋሶን ሺሺዳ ኢሞታይ ሃይታንታ፤ ቢራፔ ኦሴቲዳ 12 ፒጫ ሳኔታ፥ ቢራፔ ኦሴቲዳ 12 ጉቃ ሳኔታኔ ዎርቃፌ ኦሴቲዳ ኢስታን ኤጻኔ ዎꬂዛ 12 ኬሬታ። 85 ቢራፔ ኦሴቲዳ ኢሲ ኢሲ ኬሬይ 130 ሳቂሌ ጊዲ ዴጼስ፤ ቢራፔ ኦሴቲዳ ኢሲ ኢሲ ቁሌ ማላ ሳኔይ 7 ሳቂሌ ጊዲ ዴጼስ፤ ቢራፔ ኦሴቲዳ ኬሬቲኔ ቁሌ ማላ ሳኔቲ ጾሳ ኬꬃ ሜዛኔን ዎꬂዛ ዎዴ ኡባይ ኢሲ ቦላ 2,400 ሳቂሌ §2,400 ሳቂሌይ 28 ኪሎ ጊራሜ ጊዴስ። ጊዲዳ። 86 ዎርቃፌ ኦሴቲዳ ኤጻኔይ ኢስታ ኩሚ ኡቲዳ ታማኔ ናምኡ ሻቴቲ ጎዳ ኬꬃ ሜዛኔን ዎꬂዛ ዎዴ ኢሶይ ኢሶይ 10 ሳቂሌ ጊዲሺን ኡባይ ኢሲ ቦላ 120 ሳቂሌ *120 ሳቂሌይ 1.4 ኪሎ ጊራሜ ጊዴስ። ጊዲዴስ። 87 ካꬃ ያርሾራ ኢሲፌ ጹጌቲዛ ያርሾስ ሺቂዳ ሜሄ ቆዳይ 12 ቦራታ፥ 12 ꬋርሾታኔ ላይꬅ ኩሚዳ 12 ꬋርሾ ላቃታ፤ ቃሴ ኢስቲ ናጋራ ያርሾስ ሺሺዳይ 12 ዴይሻ ኦርጌታ። 88 ኢሲፌቴꬃ ያርሾስ ሺቂዳ ሜሄ ቆዳይ 24 ቦራ፥ 60 ꬋርሾ፥ 60 ዴይሻ ኦርጌኔ ላይꬅ ኩሚዳ 60 ꬋርሾ ላቃ፤ ያርሾ ያርሺዛሶዚ ቲዬቲ ጌዪዳፔ ጉዬ ኣንጂሶ ባኣሌስ ኢሜቲዳ ኢሞታቲ ሃይታንታ። 89 ሙሴይ ጎዳራ ሃሳያናስ ጌዴ ጋይቶቴꬃ ዱንካኔዛን ጌሊን ኣቶቴꬅ ዴማናስ ሺቂዛሶን ታቦታ ካማ ቦላ ዲዛ ናምኡ ኪሩቤታ ጊዶራ ጎዳይ ኢዛስ ሃሳይዛ ቃላ ሲዪዲ ኢዚካ ኢዛራ ሃሳዬቲዴስ።