ታ ኣዛዞካ ኔኒ ኔ ዎዚናን ዎꬂኮ፥

2 ኔ ሃይꬅ ኣꬎ ኤራቴꬃኮ

ዛሪኮ፥

ኔ ዎዚና ኣኬካኮ

ኔ ዛሪኮ፥

ኔ ኮይኮ፥

ኔ ቃላ ꬎቁ ሂስታዳ

ኣኬካ ጼይጊኮ፥

ኔ ኮይኮ፥

ቆታን ዲዛ ኣቆታ ማላ

ኔ ኢዞ ሚንꬃ ኮይኮ፥

5 ሄ ዎዴ ኔኒ

ጎዳስ ያሻቴꬅ ኣኬካና፤

ጾሳካ ሎኤꬃዳ ኤራና።

ኢሚዛ ጊሻስ

ኢዛፔ ኤራቴꬂኔ

ኣኬካይ ቤቴስ።

ኢስታ ቦላ ዎሶይ ባይንዳይታስ

ጎንዳሌ ጊዴስ።

ባስ ኣማኔቲዛይታ

ሄሜꬅ ሚንꬄስ።

ሱሬ ፒርዳ፥

ጌላይ ባይንዳ ፒርዳኔ

ሎኦ ኦጌ ኡባ ሻካ ኤራና።

ኔ ዎዚናን ጌላና፤

ኤራቴꬃይካ

ኔ ሼምፖ ኡፋይሳና።

ኣኬካይካ ኔና ናጋና።

ኢታ ኣሳታ ኦጌፔ ኣሻና፤

ጌላ ሃሳይዛይታፔካ ኔና ናጋና።

ሱሬ ኦጌ ኣጊዛይታ፤

14 ኢስቲ ኢታ ኦሶን ኡፋዬቲዛይታ፤

ጌላ ኦጌን ሆምቦጪዛይታ።

ኢስታ ሄሜታይ ሚርቄꬃ።

ላይማ ማጫሳፌ ናጋና፤

ባ ኢንጻርሳን ጪሚዛሪፔ

ኔና ኣሻና።

ኣዚና ኣጊዳሮ፤

ጾሳ ሲንꬃን ጌሊዳ

ጫቆ ቃላ ካꬊዳሮ።

ኢዚ ኦጌቲካ

ሞይቲሌታ ዱላታን ጋꬄቴስ።

ኦኒካ ጉዬ ሲሜና፤

ዴኦ ኦጌካ ዴሜና።

ሎኦ ኣሳታ ሌሚሶ ካላ፤

ጺሎታ ኦጌን ሄሜታ።

ዎሶይ ባይንዳ ኣሳቲካ

ኢዚ ቦላ ሚኒ ዳና።

ኣማኔቶንታይቲካ ꬎቃሌታና።