1 ታ እሻቶ፥ ህንተ ክርስቶሳን ቡሮ ዮጋነ አማኖና አሳꬆ ደእያ ግሾ፥ ታኒ አያናባ ህንተዉ ኦዳናዉ ዳንዳአብከ። 2 ህንተ ምኖ ካꬅ ማናዉ ዳንዳእቦና ግሾ፥ ታኒ ህንተና ማꬅ ፓሀስ፤ ሀእካ ዳንዳእቤከታ። እብራ 5:12-13. 3 ሀእካ ህንተ አማኖና አሳዳ ደኤታ። ህንተ ግዶን ደእያ ቃናተይነ ኦሽ ህንተ አማኖና አሳዳ ደኤይሳ ኤርሰኔ? ህንተ አማኖና አሳዳ ሀኔታ። 4 ህንተፈ እሶይ፥ “ታኒ ጳዉሎሳሳ” ሀራይ ቃስ፥ “ታኒ አጵሎሳሳ” ጊኮ፥ አማኖና አሳ መላ ግደከቲ?2 ቆሮ 1:12.

5 ያትን፥ አጵሎስ ኦኔ? ጳዉሎስ ኦኔ? ኑኒ ህንተና አማንꬅዳ ፆሳ ኦሳንቾታ። ፆሳይ እሱዋስ እሱዋስ እምዳ እሞታ መላ ኦꬅያ ኦሳንቾታ ግዶኮናዬ? 6 ታኒ ቶካስ፤ አጵሎስ ሃ ኡሽስ፥ ሽን ድቸይ ፆሰ። ሀዋ 18:4-11፥ 24-28. 7 ሄሳ ግሾ፥ ድችያ ፆሳፈ አትሽን፥ ቶከይካ ሃ ኡሸይካ አይኮካ ግደና። 8 ቶከይነ ሃ ኡሸይ ዎል መላ፥ ሽን እሶይ እሶይ ባ ኦሱዋ መላ ፆሳይ እምያ ዎይቱዋ ኤካና። 9 ኑኒ እስፈ ፆሳስ ኦꬅያ እያ ኦሳንቾታ ግድያ ግሾ፥ ህንተ ፆሳ ሾቃ፤ ፆሳ ኬꬅ። 10 ፆሳይ ታዉ እምዳ አꬎ ኬሀተꬃ መላ ሂላንቾ አናፀዳ ባሶ የጋስ። ሀራ አስ እያ ቦላ ኬፄስ። ሽን እያ ቦላ ኬፅያ ኦንካ ዋትድ ኬፅያኮ፥ ባዉ ናገቶ። 11 እስ ቶሆ የገትዳ ባሶፐ ሀራ ባሶ የጋናዉ ኦንካ ዳንዳኤና። ሄ ባሶይካ የሱስ ክርስቶሳ። 12 ሽን ሀ ባሱዋ ቦላ ኦንካ ዎርቃን ዎይኮ ብራን ግድን፥ አልኦ ሹቻን ዎይኮ ምꬃን ግድን፥ ማታን ዎይኮ ማቃን ኬፅኮ፥ 13 እስ እስ አስ ሄ ባሱዋ ቦላ አይብን ኬፅዳኮ ፕርዳ ጋላስ ታማን ፓጨትድ ቆንጫና። 14 ኦንካ ሄ ባሱዋ ቦላ ኬፅዳ ኬꬃይ ታማን ፁገቶና አትኮ፥ ባ ዎይቱዋ ኤካና። 15 ሽን ኦደ ኦሶይካ ታማን ፁገትኮ፥ ሄ ኡራስ ዎይቶይ ባዋ። ግዶሽን፥ እ ባ ሁጰን ታማፐ ከስ ኤክዳ አሳዳ አታና።

16 ህንተ ፆሳ ኬꬅ ግደይሳነ ፆሳ አያን ህንተናን ደኤይሳ ኤረከቲ? 17 ኦንካ ፆሳ ኬꬅ ላልኮ፥ ፆሲ እያ ላላና። ፆሳ ኬꬅ ጌሽ፤ ሄ ኬꬃይካ ህንተና።

18 ኦንካ ባና ጭሞፎ። ሀ ሳኣ ጭንጫተꬃን ባና ጭንጫ ኦꬅድ ኤክያ ኦንካ ፆሳ ስንꬃን ጭንጫ ግዳናዉ ኤያ ግዶ። 19 ሀ ሳአ ጭንጫተꬃይ ፆሳ ስንꬃን ኤያተꬅ። ጌሻ ማፃፋን፥

21 ሄሳ ግሾ፥ ኡባይ ህንተባ ግድያ ግሾ፥ ኦንካ አሳን ጬቀቶፎ። 22 ጳዉሎስ፥ አጵሎስነ ጰፅሮስ፥ ሀ አላመይ፥ ደኦይ፥ ሀይቆይ፥ ሀእ ደኤይ፥ ስንꬃፈ ያናይስ፥ ኡባይ ህንተሳ። 23 ህንተ ክርስቶሳሳ፤ ክርስቶስ ፆሳሳ።