1 ህንተ ግዶን ላይማተꬅ ደኤይስ ዝግረቴስ። ሄሳ መላ ላይማተꬅ ሀር አቶሽን፥ አማኖና አሳይካ ኦꬆኮና። ህንተ ግዶን ባ አዋ ማቸራ ቱንዳ አስ ደኤስ። ዛረ 22:30. 2 ህንተ ሄሳን ቂሮታናዉነ ዬላታናዉ በሰነ፥ ሽን ኦቶርትደታ። ሄሳ መላ ቦርሶባ ኦꬅዳ ኡራ ህንተ ግዶፈ ከሳናዉ በሰኔ?

3 ታኒ አሾን ህንተራ ዶና እፅኮካ አያናን ታ ህንተራ ደአይስ። ታኒ ህንተራ ደእያ አሳዳ ሀናዳ ሄሳ መላ ኦሱዋ ኦꬅዳ ኡራ ቦላ ፕርዳስ። 4 ኑ ጎዳ የሱስ ክርስቶሳ ሱንꬃን ህንተ ሺቅያ ዎደ ታኒ አያናን ህንተራ ዳና። ሄሳን ጎዳ የሱስ ክርስቶሳ ዎልቃይ ህንተራ ግዳና። 5 ሄ ኡራ ናጋራ አሾይ *ናጋራ አሾይ፦ ናጋራ መꬎይ ዎይኮ ናጋራ አሳተꬃይ። ꬋይድ፥ እያ አያናይ ጎዳ የሱሳ ፕርዳ ጋላሳን አታና መላ እ፥ ፃላሄስ አꬍድ እመቶ።

6 ህንተ ጬቆይ ሎኦ ግደና። ጉꬃ እርሾይ ሙኑቃ ኡባ ደንይሳ ኤረከትዬ?ጋላ 5:9. 7 ህንተ ሀእ እርሾይ ባይና ሙኑቃ ግዳና መላ፥ ህንተፈ ናጋራ እርሾ ከስተ። ኑስ ፓስካ ዶርሰ ግድዳ ክርስቶስ ያርሸትስ። ከሳ 12:5. 8 ሄስ ግሾ፥ ገነይነ ኢታተꬅ ደእያ እርሾራ ግዶናሽን፥ ቱማተꬅነ ጌሻተꬅ ደእያ ኡይꬃራ ኑ ባልያ ቦንቾስ። ከሳ 13:7፤ ዛረ 16:3.

9 ታ ካሰ ፃፍዳ ዳብዳብያን ህንተ ላይማትያ አሳራ ጋሄቶና መላ ህንተዉ ኦዳስ። 10 ሄሳ ጉሳይ ሀ አላምያን ደእያ ላይማተይሳታራ ዎይኮ ኡዘታራ ዎይኮ ካይሶታራ ዎይኮ ኤቃ ጎይነይሳታራ ፖሎ ጋሄቶፍተ ጉሱ ግደና። ሄሳ ግድኮ፥ ሀ አላምያፐ ህንተ ከያናዉ በሴስ ሽን አትስ። 11 ሽን አማናይስ ያግሸ ላይማተይሳታራ ዎይኮ ኡዘታራ ዎይኮ ኤቃ ጎይነይሳታራ ዎይኮ ጫየይሳታራ ዎይኮ ማꬆተይሳታራ ዎይኮ ካይሶታራ ጋሄቶፍተ ጋዳ ህንተዉ ኦዳይስ። ሄሳ መላ አሳራ ሀር አቶሽን፥ ካꬅካ ሞፕተ።

12 ዎሳ ኬꬃፈ ካረራ ደኤይሳታ ቦላ ፕርዳናዉ ታና አይበ ጋይ? ዎሳ ኬꬃን ደኤይሳታ ቦላ ህንተ ፕርደከትዬ? 13 ሽን ካረራ ደኤይሳታ ቦላ ፆሳይ ፕርዳና። ሄ ኢታባ ኦꬅያ ኡራ ህንተ ግዶፈ ከስተ። ዛረ 13:5፤ 17:7.