1 ሶሎሞነ አዋይ ዳዊቲ ፆሳ ኬꬃይ ኬፀታና በሳ ሞረ ደርያን የሩሳላመን ጊግስስ። ሄ በሳይ ጎዳይ ዳዊታስ ቆንጭዳ ያቡሰ አድያ ኦርና ዉዱማ። 2 ሶሎሞነይ ባ ካዎትዳ ኦይዳንꬆ ላይꬃን፥ ናምአንꬆ አጌናን ፆሳ ኬꬃ ኬፃናዉ ዶምስ።

3 ሶሎሞነይ ፆሳ ኬꬃ ኬፃናዉ ባስዳ ባሱዋ አዱሳተꬃይ ኡሱፑን ታሙ ዋꬋ፤ ጎምፓይ ላታሙ ዋꬋ። 4 ፆሳ ኬꬃ ገልያ በሳን ደእያ ባራንዳ ጎምፓይ ፆሳ ኬꬃ ጎምፓዳ ላታሙ ዋꬋ፤ አዱሳተꬃይ ላታሙ ዋꬋ። 5 ፐንገ ጎዳ ፂዳ ፃላላን ልጭድ ካምስ፤ ጌሻ ዎርቃን ትይስ፤ ዛምባ ምስለነ ሳንꬃላታ ምስለን አሌቅስስ። 6 ፆሳ ኬꬃ አልኦ ሹቻን አሌቅስስ፤ እ አሌቅስዳ ዎርቃይ ፓርዋይማ ቢታፈ ይዳ ዎርቃ። 7 ጎዳታ፥ ቱቀታ፥ ጎባነታነ ፐንገታ ዎርቃን ትይስ፤ ጎዳ ቦላ ክሩበ ምስለ መꬍስ።

8 ሶሎሞነይ ኡባፈ ጌሻ በሳ ኬፅስ። ሄ በሳ አዱሳተꬃ ፆሳ ኬꬃ ጎምፓዳ ላታሙ ዋꬋ፤ ጎምፓይ ላታሙ ዋꬋ። ሄ በሳ ጎዳ ላታሙ ሙኩሉ ክሎ ግራመ ሙሩቶ ዎርቃን ትይስ። 9 ኤንቲ ጎኤትዳ ምስማረይ እቻሹ ፄታነ ላፑን ታሙ ግራመ ዎርቃፈ መትስ። ፖቀን ደእያ ክፍለታካ ዎርቃን ትይስ።

10 ሶሎሞነይ ኡባፈ ጌሻ በሳን ናምኡ ክሩበ ምስለታ ጊግስድ ዎርቃን ትይስ። 11 ሄ ክሩበታ ቀፈይ ምጨትድ፥ ላታሙ ዋꬋ፤ ኮይሮ ክሩብያ ኮይሮ ቀፈይ እቻሹ ዋꬋ ግድድ፥ ፆሳ ኬꬃ ጎዳ ቦቼስ፤ ናምአንꬆ ቀፈይ እቻሹ ዋꬋ ግድድ፥ ሀራ ክሩብያ ቀፍያ ቦቼስ። 12 ናምአንꬆ ክሩብያ ኮይሮ ቀፈይ እቻሹ ዋꬋ ግድድ፥ ፆሳ ኬꬃ ጎዳ ቦቼስ፤ ናምአንꬆ ቀፈይ እቻሹ ዋꬋ ግድድ፥ ኮይሮ ክሩብያ ቀፍያ ቦቼስ። 13 ሀ ናምኡ ክሩበታ ቀፈይ ምጨትድ፥ ላታሙ ዋꬋ ግድስ፤ ኤንቲ ባንታ ሶምኡዋ ጌሻ በሳኮ ዛሪድ፥ ባንታ ቶሆን ኤቅዶሶና።

14 ሶሎሞነይ ካሎሰ ማኡዋ፥ ኦቻ ቴራ ዳንያ ማኡዋፐነ፥ ዞኦ ማኡዋፐ ሊኖፐ ዳደትዳ ማኡዋፐ ማጋራጆ ኦꬅድ፥ እያ ቦላ ክሩበታ ምስለ መꬍስ።

15 ሶሎሞነይ ፆሳ ኬꬃ ስንꬃን እሱዋ እሱዋ አዱሳተꬃይ ሀስታማነ እቻሹ ዋꬋ ግድዳ ናምኡ ቱሳታ ኦስስድ፥ ኤንታ ሁጰን እቻሹ ዋꬋ ጉምቦታ ዎꬅስ። 16 ቃስ ሳንꬃላታ ግተዳ መꬍስድ፥ ቱሳታ ሁጰን ዎꬅስ፤ ፄቱ ኦሮማነ ቴራ ምስለታ መꬍስድ፥ ሳንꬃላታ ቦላ ዎꬅስ። 17 ቱሳታፐ እሱዋ ፆሳ ኬꬃ ስንꬃን ኡሻቻ ባጋራ፥ ናምአንꬁዋ ቃስ ሀድርሳ ባጋራ ኤስስ። ኡሻቻ ባጋራ ደእያ ቱሳ ያክና ሱንꬅድ፥ ሀድርሳ ባጋራ ደእያ ቱሳ ቦኤዛ ሱንꬅስ።