1 ኑኒ ፆሳራ እስፈ ኦꬅያ አስ ግደይሳዳ፥ ህንተ ኤክዳ አꬎ ኬሀተꬃ ሀዳ ኦꬆና መላ ኑ ህንተና ዎሶስ። 2 ፆሳይ፥

3 ኦንካ ኑ ኦሱዋ ቦራና መላነ ኑናን ꬉበታና መላ ኮዮኮ። 4 ግዶሽን፥ ኑ ቱማ ፆሳ ኦሳንቾታ ግደይሳ ኑ ኦꬅያ ኡባባን በስዳ። ዳሮ ገንጫን፥ ዋየን፥ መቶን፥ ኡንአን፥ 5 ጋራፈተꬃን፥ ቃሾን፥ እፆን ኩምዳ ዎጫማን፥ ዳቡራን፥ ꬍስኮ ꬋዮን፥ ፆማን፥ ሀዋ 16:23. 6 ጌሻተꬃን፥ ኤራተꬃን፥ ዳንዳአን፥ ኬሀተꬃን፥ ጌሻ አያናን፥ ቱማ ሲቆን፥ 7 ቱማ ኦዳንነ ፆሳ ዎልቃን ኑኒ እያ ኦሳንቾታ ግደይሳ በስዳ። ቃስ ፅሎተꬃይ ኑስ ቶራነ ጎንዳለ። 8 ኑኒ ቦንቸትዳነ ቶሸትዳ፤ ጫየትዳነ ጋላተትዳ። ቱማ ሃሳዮስ፥ ሽን አሳይ ኑና ዎርዳንቾ ግዶሶና። 9 ኑ አሳን ኤረትዳ አስ፥ ሽን ኤረቶና አሳ መላ ግድዳ። ሀይቅዶሶና ያገትዳ፥ ሽን ፓፃ ደኦስ፤ ሾጨትዳ፥ ሽን ሀይቅቦኮ። 10 ኑኒ አዛንኮካ ኡባ ዎደ ኡፋይቶስ። ኑ ማንቆ ዳኖስ፥ ሽን ዳሮ አሳ ዱረዮስ። ቃስ አይኮይካ ባይና አስ ዳኖስ፥ ሽን ኡባይ ኑባ።

11 ቆሮንቶሳ አሳቶ፥ ኑ ህንተዉ ቆንጨን ኦድዳ፤ ኑ ኡሉዋ ህንተና በስዳ። 12 ህንተ ኑና ህንተ ሲቁዋ በሶና ድግደታፐ አትሽን፥ ኑኒ ኑ ሲቁዋ ህንተና ድግቦኮ። 13 አዉ ባ ናይታስ ኦደይሳዳ ታ ህንተዉ ኦዳይስ፤ ኑ ህንተና ኑ ኡሉዋ በስዳይሳዳ፥ ህንተካ ህንተ ኡሉዋ ኑና በስተ።

14 አማኖና አሳራ በሶና ኦገን ዋፀቶፍተ። ፅሎተꬃስነ ናጋራስ አይብ ጋሄተꬅ ደኢ? ፖኦስነ ꬉማስ አይብ እስፈተꬅ ደኢ? 15 ክርስቶሳነ ፃላሄ እስፈ ጋꬅያባይ አይቤ? ቃስ አማነይስነ አማኖናይስ እስፈ ኮፅያባይ አይቤ? 16 ፆሳ ኬꬃስ ኤቃታራ አይብ እስፈተꬅ ደኢ? ፆሳይ፥