1 እስራኤለ አሳዉ፥ ታኒ ህንተዉ ዘሌልያ ዘለልሳ ስእተ!

3 “እስራኤለ ካታማፐ ሙኩሉ ኦላንቾታ ኦላስ የድኮ፥ ፄቱ ኦላንቾታ ፃላል አታና፤ ካታማፐ ፄቱ ኦላንቾታ ኦላስ የድኮ፥ ታሙ ኦላንቾታ ፃላል አታና” ያጌስ ኡባ ሃርያ ጎዳይ።

4 “ታና ኮይተ፤ ህንተ ደኦን ዳና። 5 ሽን ጋልጋል ድኤታና፤ ቤተለይ ꬋያና ግሾ፥ ቤተለ ኮዮፕተ፤ ጋልጋላ ገሎፕተ። በርሳበ ፕኖፍተ” ያጌስ ጎዳይ።

6 ጎዳ ኮይተ፤ ህንተ ደኦን ዳና። ሄሳ እፅኮ፥ እ ዮሰፋ ኮቻ ታማዳ ፁጋና፤ ቤተለን ደእያ አሳ ታም ማና። ሄ ታማ ቶይሳና አስ ባዋ።

7 ህንተኖ፥ ሱረ ፕርዳ ምርቀይሳቶ፥ ፅሎተꬅ ሳአን የገይሳቶ፥ ስእተ።

10 ህንተና ፕርዳ ዳባባን ሴረይሳ እፄታ፤ ቱማ ኦደይሳ ካꬌታ። 11 ህንተ ማንቆታ የꬍድ፥ ኤንታ ካꬃ ቦንቄታ። ያትድ ሹቻ ኬꬃታ ግምብደታ፤ ሽን ህንተ እያን ደኤከታ። ሎኦ ዎይነ ቶክደታ፤ ሽን ህንተ ሄ ዎይነ ኡሻ ኡየከታ። 12 ህንተ ናቆይ አይ መላ ዳሮኮ፥ ህንተ ናጋራይ አይ መላ ግቴኮ ታኒ ኤራይስ። ህንተ ፅሎታ ናቀታ፤ ዎꬋፈ ኤኬታ፤ ቃስ ዳባባን ማንቆታ ፕርዳ ናቀታ። 13 ሄሳ ግሾ፥ ዎደይ ኢታ ግድያ ግሾ፥ ሄሳ መላ ዎደን ጭንጫ አስ ስእ ጌስ።

14 ሎኦ ዶስተ፤ ኢታ እፅተ፤ ህንተ ደኦን ዳና። ሄሳ ኦꬅኮ፥ ህንተ ገይሳዳ፥ ጎዳይ፥ ኡባፈ ዎልቃማ ፆሳይ ህንተራ ግዳና። 15 ኢታባ እፅተ፤ ሎኦባ ዶስተ። ፕርዳ በሳን ሱረ ፕርዳ ፕርድተ። ኦን ኤር ጎዳይ፥ ኡባፈ ዎልቃማ ፆሳይ ዮሰፋ ኮቻፈ አትዳ ጉꬃታስ ቃቶና አገና።

16 ሄሳ ግሾ፥ ጎዳይ፥ ኡባፈ ዎልቃማ ፆሳይ፥ “ዳባባ ኡባን ዋሶይ ስኤታና፤ ኦገ ኡባን ዘለልስ ዳራና። ጎሻንቾት ዬሆ፥ ዘሌልድ ዬክያ አሳይ ዘለልሳስ ፄገታና። 17 ታኒ ህንተና ሴራናዉ ህንተ ግዶራ አꬍያ ግሾ፥ ዎይነ ጋደ ኡባን ዬሆይ ዳና” ያጌስ።

18 ህንተኖ፥ ጎዳ ጋላሳይ ያና መላ አሞተይሳቶ፥ ህንተና አየ! ጎዳ ጋላሳ አይስ አሞቴቲ? ሄ ጋላሳይ ፖኦ ግዶናሽን ꬉማ ግዳና። 19 ሄ ጋላሳይ አስ ጋሞፈ ባቃትድ አትያ ዎደ ማሄይ ጋከይሳ መላ ቃስ ባ ሶ ገልድ፥ ባ ኩሽያ ጎዳ ቦላ ዘምፕስያ ዎደ ሾሽ ዱክያ አሳ መላ ግዳና። 20 ጎዳ ጋላሳይ ꬉማ ግዳናፐ አትሽን፥ ፖኦ ግደና፤ ሄ ጋላሳይ ሳካና ꬉማ ግዳናፐ አትሽን፥ ፖኦይ ባይና ጋላስ ግዳና።

21 “ታኒ ህንተ ቦንችያ ባለታ እፃይስነ ሻተታይስ፤ ህንተ ጌሻ ሺቆት ታና ኡፋይሶኮና። 22 ህንተ ታዉ ፁሳ ያርሾነ ካꬃ ያርሾ ሺሽያ ዎደ ታኒ ኤክከ። ቃስ ህንተ ታዉ እስፈተꬃ ያርሾስ ኤህያ ዶረትዳ ሞꬎ መሄታ በእከ። 23 ህንተ ማዝሙረ ጫንጨꬃ ታ ማታፐ ሃስተ፤ ህንተ ዲፅያ ዲꬃ ስእከ። 24 ሽን ሱረ ፕርድ ፑልቶ ሃꬃዳ፥ ፅሎተꬅ መሎና ሻፋ ሃꬃዳ ጎጎ።

25 “ህንተኖ፥ እስራኤለ አሳዉ፥ ታኒ ህንተና መላ ቢታን ኦይታሙ ላይꬅ ካለꬅያ ዎደ፥ ታዉ ያርሾ ሺሽደቲ? ዎይኮ እሞታ እምደቲ? 26 ሄ ዎደ ህንተ፥ ህንተ ኩሸን መꬍዳ፥ ‘ካዋ ሳኩታ’ ጌተትያ ኤቃነ ‘ከዋና’ ጌተትያ ፆልንቶ ኤቃ ፆሳታ ቶክደታ። 27 ሄሳ ግሾ፥ ታኒ ህንተና ድእሳዳ ዳማስቆ ካታማፐ አꬃዳ ሃሆ በሲ የዳና” ያጌስ እያ ሱንꬃይ፥ ኡባፈ ዎልቃማ ፆሳ ጌተትያ ጎዳይ።