1 ሄሳፈ ጉየ፥ አሳይ፥ “ነ አዋይ ሳከቴስ” ያግድ ዮሰፋስ ኦድዶሶና። እ ባ ናምኡ አደ ናይታ ምናሰነ ኤፍሬማ ኤክድ ባ አዋ በአናዉ ብስ። 2 ያይቆብ፥ እያ ናአይ ዮሰፍ ይዳይሳ ስእዳ ዎደ፥ እስራኤለይ ባና ምንꬅድ ሂፃን ኡትስ።

3 ያይቆብ ዮሰፋ፥ “ኡባ ዳንዳእያ ፆሳይ ካናነ ቢታን ሎዛ ካታማን ታዉ ቆንጭድ፥ ታና አንጅስ። 4 እ ታና፥ ‘ታኒ ነ የለተꬃ ዳርሳና፥ ነና ዳሮ ደረ ኦꬃና። ሀ ቢታ ታኒ ኔፐ ጉየ፥ ነ ሼሻስ መርና ላታ ኦꬃዳ እማና’ ” ያግስ።

5 “ህዛ፥ ነ ናምኡ አደ ናይት፥ ታኒ ኔኮ ሃ ያናፐ ስን ግብፀን ነዉ የለትዳይሳት ታባ። ኤፍሬመይነ ምናሰይ ታዉ ሮቤላ መላነ ስሞና መላ። 6 ኤንታፈ ጉየ የለታናይሳት ነባ ግዶ። ኤንቲ ላታና ቢታይ ኤፍሬማ ሱንꬃንነ ምናሰ ሱንꬃን ግዶ። 7 ታኒ ማሰጰፆመፐ ስምሽን፥ ኤፍራታ ጋካናዉ ጉꬅ አትሽን፥ ራሄላ ካናነ ቢታን ሀይቃሱ። ታኒ እዮ ቤተለመ ጌተትያ ኤፍራታ ኤፍያ ኦግያ ጋፃን ሞጋስ” ያግስ።

8 እስራኤለይ ዮሰፋ አደ ናይታ ናምአታ በእዳ ዎደ፥ “ሀይሳቲ ኦናንቴ?” ያግድ ኦይችስ።

9 ዮሰፍ ባ አዋኮ፥ “ሀይሳቲ ፆሳይ ታዉ ሀ ቢታን እምዳ ናይታ” ያግስ።

ያትን እስራኤለይ፥ “ታኒ ኤንታ አንጃና መላ፥ ኤንታ ታኮ ሃ ሺሻ” ያግስ።

10 እስራኤለይ ጭምን እያ አይፈይ እፅዳ ግሾ፥ ፄላናዉ ዳንዳኤና። ሄሳ ግሾ፥ ዮሰፍ ባ አደ ናይታ እያኮ ሺሽን፥ ያይቆብ ኤንታ እድምድ ዬርስ። 11 እስራኤለይ ዮሰፋ፥ “ታኒ ነ አይፍያ በአና ጋዳ ቆፓብከ፥ ሽን ፆሳይ ሄኮ ነ ናይታካ ታና በስስ” ያግስ። 12 ዮሰፍ ባ ናይታ ያይቆባ ጉልባታፐ ደንꬅድ፥ ባ ሶምኡዋ ሳአ ጋꬅድ ዝግስ።

13 ዮሰፍ ባ ናምኡ አደ ናይታ፥ ኤፍሬማ እስራኤለስ ሀድርሳ ባጋራ፥ ምናሰ እስራኤለስ ኡሻቻ ባጋራ ኤስስ። 14 እስራኤለይ ባ ኩሽያ ባርባፅድ ኤፍሬም ካሎ ግድኮካ፥ ባ ኡሻቻ ኩሽያ ሁጰን ዎꬅስ። ምናሰይ ባይራ ግድኮካ፥ እስራኤለይ ባ ሀድርሳ ኩሽያ ምናሰ ሁጰን ዎꬅስ።

15 ሄሳፈ ጉየ፥ ያይቆብ ዮሰፋ ሀይሳዳ ያግድ አንጅስ፤

17 ዮሰፍ ባ አዋይ ባ ኡሻቻ ኩሽያ ኤፍሬማ ሁጰን ዎꬅዳይሳ በእዳ ዎደ ዶስቤና። ሄሳ ግሾ፥ ኤፍሬማ ሁጵያፐ ደንꬅድ፥ ምናሰ ሁጰን ዎꬃናዉ ባ አዋ ኩሽያ ኦይክስ። 18 ዮሰፍ፥ “ታ አዋዉ፥ ሄሳ ግደና። ባይራይ ሀይሳ ነ ኡሻቻ ኩሽያ እያ ቦላ ዎꬃ” ያግስ።

19 ሽን እያ አዋይ እፅድ፥ “ታ ኤራይስ፥ ታ ናአዉ፥ ታ ኤራይስ። ምናሰይካ ግታ ደረ ግዳና፥ ሽን እያ ካሎ እሻይ እያፐ አꬍድ ግታታና። እያ ሼሻይካ ዳሮ ግታ ካዎተꬃ ግዳና” ያግስ።

20 እ ሄ ጋላስ ኤንታ አንጅሸ፥

21 ሄሳፈ ጉየ፥ እስራኤለይ ዮሰፋ፥ “ታኒ ሀይቃናዉ ማታስ፥ ሽን ፆሳይ ህንተራ ደኤስ። እ ህንተ አዋታ ቢታ ህንተና ጉየ ዛራና። 22 ታኒ አሞረታፐ ታ ማሻንነ ታ ዶንገን ኤክዳ ቢታ፥ ነ እሻታራ ነ ሻከታዳ ኤክያ ቢታ ቦላ ነዉ ጉጃዳ እማስ” ያግስ።