1 ማልከፃደቀይ፥ ሳሌማ ካዎይ፥ ኡባፈ ቦላ ፆሳ ካህነ። ሄ ማልከፃደቅ አብራሃመይ ካዎታ ኦል ፆንድ ስምሽን እያራ ጋሄትድ እያ አንጅስ። መ 14:17-20. 2 አብራሃመይ ባ ድእዳባ ኡባፈ እያዉ አስራታ ከስድ እሚስ። ማልከፃደቃ ሱንꬃይ ኮይሮ “ፅሎተꬃ ካዋ”፥ ናምአንꬆ፥ “ሳሌማ ካዎ” ብርሸꬃይካ “ሳሮተꬃ ካዋ” ጉሱ። 3 ማልከፃደቃስ አይያ ዎይኮ አዉ ዎይኮ ኮቻ ፓይዶይ ባዋ። እያ የለተꬃስ ዶመꬅ ዎይኮ እያ ደኡዋስ ዉርሰꬅ ባዋ፥ ሽን ፆሳ ናአ ዳንድ መርናዉ ካህነ ግድስ።

4 ማልከፃደቅ አይ መላ ግቴኮ በእተ። ኑ አዋታ ማይዛይ፥ አብራሃመይ፥ ባ ደእዳባፐ እያዉ አስራታ እሚስ። 5 ካህነ ግድያ ሌወ ኮቻይ እስራኤለ አሳፐ፥ ሄስካ አብራሃመ ኮቸ ግድዳ ባንታ እሻታፐ አስራታ ኤካና መላ ህገይ ኪቴስ። ታይቦ 18:21. 6 ማልከፃደቅ ሌወ ኮቸ ግዶና እፅኮካ አብራሃመፐ አስራታ ኤክስ፤ ኡፋይሳ ቃል ደእያ አብራሃመ አንጅስ። 7 ጉꬃይ ግታን አንጀተይስ ፓላንና።

8 እስ ባጋራ፥ አስራታ ኤከይሳት ሀይቅያ አሳታ፥ ሽን ሀራ ባጋራ አስራታ ኤከይስ ደኦን ደኤስ ያግድ ኦደትዳይሳ። 9 ህዛ፥ አስራታ ኤክያ ሌወይ፥ አብራሃመ ባጋራ አስራታ እሚስ ጋናዉ ዳንዳኤቴስ። 10 አይስ ጊኮ፥ ማልከፃደቅ አብራሃመራ ጋሄትያ ዎደ ሌወይ የለትቦናባ ግድኮካ፥ ባ ማይዛ አብራሃመ ጉልባታን ደኤስ።

11 እስራኤለ አሳስ ህገይ ሌወ ካህነተꬃ ባጋራ እመትስ። ሀ ሌወ ካህነተꬃይ ፖሎ ግድዳባ ግድያኮ አሮናይሳ መላ ግዶናሽን፥ ማልከፃደቃ መላ ሀራ ካህነ ሹማናዉ አይስ ኮሽዴ? 12 ህዛ፥ ካህነት ላመትያ ዎደ ህገይካ ቃስ ላመታናዉ በሴስ። 13 ሀ ኑ እያባ ኦድያ ኡራይ ሀራ ኮቸ፤ እያ ሼሻፐ ኦንካ ያርሾ በሳን ካህነተꬃን ኦꬅቤና። 14 ኑ ጎዳይ ይሁዳ ሼሻፐ ይዳይስ ኤረትዳይሳ። ግዶሽን፥ ሙሰይ ካህነተባ ኦድሸ ይሁዳ ኮቻባ አይባካ ኦድቤና።

15 ማልከፃደቃ መላ ሀራ ካህነይ ይዳባ ግድያኮ ሀ ኑ ኦድያባይ አꬍድ ቆንጫና። 16 እ ካህነ ግድዳይ ꬋዮና ደኦ ዎልቃናፐ አትሽን፥ እያ ማይዛ ህገንነ ዎጋን ግደና። 17 ጌሻ ማፃፋይ፥

20 ክርስቶስ ካህነ ግድያ ዎደ ፆሳይ ጫቅስ፥ ሽን ሀራት ካህነ ግድዳ ዎደ ሄሳ መላ ጫቆይ ባዋ። 21 ሽን የሱሲ ጫቆን ካህነ ግድስ። ፆሳይ ያግድ ጫቅስ፤

23 ካህነተꬃን ኦꬆና መላ ሀይቆይ ኤንታ ድግዳ ግሾ ኮይሮ ካህነታ ታይቦይ ዳሮ። 24 ሽን የሱሲ መርናዉ ደእያ ግሾ እያ ካህነተꬃ ሀሪ ላተና። 25 ሄሳ ግሾ፥ እ ኡባ ዎደ ኤንታ ግሾ ጋናታናዉ መርናዉ ደእያ ግሾ ፆሳኮ እያ ባጋራ የይሳታ ፖሎ አሻናዉ ዳንዳኤስ።

26 ህዛ፥ ኑስ ኮሽያባ እምያ፥ ጌሻይ፥ ቦረይነ ቱን ባይናይስ፥ ናጋራንቾታፐ ሻከትዳይስነ ሳሉዋፐ አꬍድ ꬎቅዳ ካህነ ሀላቃይ ኑስ ኮሼስ። 27 እ ሀንኮ ካህነ ሀላቃታ መላ ኮይሮ ባ ናጋራ ግሾ፥ ካልድ አሳ ናጋራ ግሾ ጋላስ ጋላስ ያርሾ ያርሻናዉ ኮሸና። እ ባና ያርሽዳ ዎደ ዛረꬆና ኦገን እስ ቶሆ ባና ያርሽስ። ሌወ 9:7. 28 ሙሰ ህገይ ዳቡራንቾ አሳ ካህነ ሀላቃ ኦꬅድ ሹሜስ። ሽን ህግያፈ ጉየ ይዳ ጫቆ ቃላይ መርናዉ ፖሎ ግድዳ ፆሳ ናኣ ሹምስ።