1 ሄ ጋላስ ጎዳይ ባ ምኖ፥ ግታነ ዎልቃማ ማሻን ሌዋታነ ጌተትያ ፆንገትያነ ፃፀትያ ሾሻ ሴራና፤ አባን ደእያ ዶኣካ ዎꬋና።እዮ 41:1፤ ማዝ 74:14፤ 104:26. 2 ሄ ጋላስ ሀይሳዳ ጌተታና፦ “ሎኦ ዎይነ ጋድያስ የፅተ፤ 3 ታኒ፥ ጎዳይ እያ ናጋይስ፤ ታኒ ቃንፆና ሃ ኡሻይስ፤ ኦንካ እያ ቆሆናዳ ቃማ ጋላስ ናጋይስ። 4 ታኒ ሀንቀትከ፤ ታራ ኦለታናዉ አጉንꬅነ ጎምኦረይ አነ ደንዶ! ታኒ ኤንታ ቦላ ከያዳ ኤንታ ፁጋ ዉርሳናሽን። 5 ዎይኮ ቆሰትድ አታናዉ ታኮ ዮ፤ ታራ ስገቶ፤ ኤ፥ ታራ ስገቶ” ያገታና።

6 ያና ዎድያን ያይቆብ ፃጶ የዳና፤ እስራኤለይ አጫናነ ጪያና፤ እያ አይፈይ ቢታ ኡባ ኩማና።

7 ኤንታ ሾጭዳይሳታ ሾጭዳይሳዳ ጎዳይ እስራኤለ አሳ ሾጭደዬ? ዎይኮ ኤንታ ዎꬍዳይሳታ ዎꬍዳይሳዳ ኤንቲ ሀይቅዶናዬ? 8 ጎዳይ ባ አሳ ድኤታና መላ ኦꬅድ ሴርስ፤ ዎልቃማ ዶሎሀ ባጋ ጎትያን ኤንታ ጎድድ ከስስ። 9 ያይቆባ ናቆይ አቶ ጌተታናይነ እያ ናጋራይ ፖሎ ቁሸታናይ፥ ያርሾ ሹቻ ኡባ እ መንረꬅድ ቦቅንተ ሹቻዳ ኦꬅያ ዎደነ አሼራ ኤቃ ምስልያ ዎይኮ እፃነ ጩይስያ በሳ ላልያ ዎደ።

10 ድረትዳ ካታማይ ባይሳትስ፤ ካሰ አስ ደእያ በሳይ ሀእ ባዞ መላ ዶገትድ አትስ። መሄይ ሄመትያ በሲ ግድዳ ግሾ፥ ማታነ ምꬃ ሀይꬃ ምድ ማራት ያን አላቶሶና። 11 ምꬃ ታሸት መልያ ዎደ መቀረቶሶና፤ ማጫሳይ ምፅድ ኤꬃናዉ ኤፎሶና። ሀ አሳይ አኬክ ባይና አስ ግድያ ግሾ፥ ኤንታ መꬍዳይስ ኤንታዉ ቃተና፤ ኤንታ ማረና።

12 ሄ ጋላስ ኤፍራፂሳ ሻፋፐ ግብፀ ሻፋ ጋካናዉ ጎዳይ ካꬃ ቆፃና። ህንተ፥ እስራኤለ አሳይ እሶይ እሶይ ሺቃና።

13 ሄ ጋላስ ግታ ሞይዘይ ፑነታና፤ አሶረ ቢታን ꬋይዳይሳትነ ግብፀ ቢታ ድኤትዳይሳት ይድ፥ የሩሳላመን ጌሻ ዙማ ቦላ ጎዳ ጎይናና።