1 እስ ጋላስ ሳምሶን ትምና ዎꬍስ፤ ያን እስ ፍልስፄመ ጌላእዉ በእስ። 2 እ ሶ ስሚድ ባ አዋነ ባ አይዉ፥ “ታኒ ትምናን እስ ፍልስፄመ ጌላእዉ በአስ፤ ሀእ እዮ ታዉ ኦይችድ እምተ” ያግስ።

3 ሽን እያ አዋነ አይያ፥ “ማቾ ኦይቻናዉ ሀ ቃፃረትቦና ፍልስፄመታኮ ባናዉ ነና አይ ኮሽዴ? ኑ ኮቻ ግዶን ዎይኮ ኑ አሳ ኡባ ግዶን ነዉ ሀንያ ማጫ ናአ ደማናዉ ዳንዳአብኪ?” ያግድ ኦይችዶሶና።

ሽን ሳምሶን ባ አዋኮ፥ “ታኒ እዮ ዶስዳ ግሾ፥ እዮ ኦይቻዳ ታዉ እማ” ያግስ። 4 ፍልስፄመታ ኦላናዉ ጎዳይ ጋሶ ኮይድ፥ ሄሳ ኤንታ ቦላ ኦይሳ ሳምሶና አዋይነ አይያ ኤርቦኮና። ሄ ዎደ ፍልስፄመት እስራኤለታ ሃሮሶና።

5 ሳምሶን ባ አዋራነ ባ አየራ ትምና ዎꬍስ። ኤንቲ ትምና ዎይነ ጋደ ማታራ ካንꬅድ አꬍያ ዎደ እስ ዎዳላ ጋሞይ ጉድሸ እያ ቦላ ከይስ። 6 ሄ ዎደ ጎዳ አያናይ ሳምሶና ቦላ ዎልቃን ዎꬍስ፤ እ ዴሻ ማር ዱሰረይሳዳ ባ ኩሸን አይኮካ ኦይኮና ጋሙዋ ዱሰረꬅ የግስ። ባ ኦꬅዳይሳ ባ አዋስነ ባ አየስ ኦድቤና። 7 ሄሳፈ ጉየ ብድ ጌላእዉ ኦድስስ፤ እዮ ዶስስ።

8 ጉꬃ ዎደፐ ጉየ እዮ ኤካናዉ ያ ስሚድ ብስ። ኦግያ ብሸ ባ ዎꬍዳ ጋሞ ባዉታ በአናዉ ኦገፐ ጋፃ ከይድ ብያ ዎደ ጋሞ ባዉታ ግዶን ማꬅ ኤስ ኤስዳይሳ በእስ። 9 ሄ ኤሳፈ ጉꬃራ ቃንፅ ኤክድ ምሸ ኦግያ ብስ። ባ አዋነ ባ አይዉ ጋክድ፥ ባ ኦይክዳ ኤሳፈ ጉꬃራ እምን፥ ኤንትካ ምዶሶና። ሽን ሳምሶን ሄ ኤሳ ጋሞ ባዉታ ግዶፈ ኤክዳይሳ ኤንታዉ ኦድቤና።

10 እያ አዋይ ጌላእዉ በአናዉ እ ሶ ብን፥ ሳምሶን ያን ግብራ ጊግስስ። ሄሳ መላ ግብራይ ያጋኖን ናአተꬃት ኦꬅያ ሜዘትዳ ዎጋ። 11 ፍልስፄመ አሳይ እያ በእዳ ዎደ እያራ ጋምአና መላ ሀስታሙ ናአተꬃታ ዶርድ የድዶሶና። 12 ሳምሶን ኤንታ፥ “አነ ህንተ ኤርያኮ እስ ቃንእሸ ታ ህንተና ኦይቻና። ያጋኖይ ቦንቸትያ ላፑን ጋላሳ ግዶን ሀ ቃንእሽያ ብርሸꬃ ታዉ ህንተ ኦድያባ ግድኮ ታኒ ህንተዉ ሀስታሙ ሊኖ አፍላነ ሀስታሙ ኩመꬃ ማኦ እማና። 13 ሽን ህንተ ታዉ ብርሸꬃ ኦዳናዉ ዳንዳኦና እፅኮ ህንተ ታዉ ሀስታሙ ሊኖ አፍላነ ሀስታሙ ኩመꬃ ማኦ እሜታ” ያግድ ኦይችስ።

ኤንቲ፥ “ኤሮ፥ ነ ቃንእሽያ ኑስ ኦዳ” ያግዶሶና።

14 እ፥

15 ኦይዳንꬆ ጋላስ ኤንቲ ሳምሶና ማችዉ፥ “ነ አዝና ጭማዳ ቃንእሽያ ብርሸꬃ እ ኑስ ኦዳና መላ ኦꬃ። ሄስ ሀኖና እፅኮ፥ ኑኒ ነናነ ነ አዋ ኬꬃ ታማን ፁጋና። ህንተ ኑና ፄግዳይ ኑና ማንቅሳናሴ?” ያግዶሶና።

16 ያትን፥ ሳምሶና ማችያ ዬካሸ እያኮ ሺቃዳ፥ “ኔኒ ታና ዶሳካ፤ ነ ታና ዳሮ እፃሳ። ኔኒ ታ ቢታ አሳ ቃንእሸ ኦይቻዳ ብርሸꬃ ታዉ ኦዳባካ” ያጋሱ።

እ ዛሪድ፥ “ሄሳ ታኒ ታ አዋስነ ታ አየስ ኦዳብከ። ያትን፥ ነዉ አይስ ኦዶ?” ያግስ። 17 ያጋኖይ ቦንቸትያ ላፑን ጋላሳ ኡባን ዬካዳ ሸምፖ ድጋሱ። ላፑንꬃ ጋላስ ቃንእሽያ ብርሸꬃ እዉ ኦድስ፤ እያ ባዳ ባ ቢታ አሳስ ኦዳሱ።

18 ያትን፥ ላፑንꬃ ጋላስ አው ዉላናፐ ስን ካታማ አሳይ፥

ሳምሶን ኤንታኮ፥ “ህንተ ታ ኡሰን ጎዮናባ ግድያኮ፥ ታ ቃንእሽያ ብርሸꬃ ኤረከታሽን” ያግስ።

19 ሄሳፈ ጉየ፥ ጎዳ አያናይ እያ ቦላ ዎልቃን ዎꬍን፥ አስቃሎና ዎꬍድ፥ ሀስታሙ አስ ዎꬍስ። ኤንታ ማኡዋ ቃር ኤክድ ቃንእሽያ ብርሽዳ አሳስ እሚስ። ሀንዳባ ኡባን ዳሮ ሸነትድ ባ አዋ ሶ ስምስ። 20 ሳምሶና ማችያ ዋና ላዛንꬅ ግድዳ እያ ላግያስ እመታሱ።