1 ጉꬃ ዎደፐ ጉየ፥ ግስተ ጫካ ዎደ ሳምሶን ባ ማችዉ በአናዉ እስ ኡርገ ኮለ ኤክድ ብስ። ናኤ አዋኮ፥ “ታኒ ታ ማችያ ደእያ ክፍልያ ገላናዉ ኮያይስ” ያግስ።

ሽን እ አዋይ እ ገሎናዳ ድግስ። 2 እ አዋይ ሳምሶናኮ፥ “ኔኒ እዮ እፅዳባ ዳንን እዮ ነ ላዛንꬃስ እማስ። ሽን እ፥ ካሎ ምችያ ኢፐ አꬋዳ ማላ ሎኦ ግደኬ? እዮ ኤካ” ያግስ።

3 ሳምሶን፥ “ታኒ ሀእ ፍልስፄመ አሳ ቦላ ኢታባ ኦꬅኮ ባላ ግድከ” ያግስ። 4 ሄሳፈ ጉየ፥ ብድ ሄꬑ ፄቱ ዎርካናታ ኦይክድ ናምኣ ናምአ ጎይና እስፈ ጋꬅ ቃችድ ጎይናታፐ ግዶን ፆምፐ ዎꬅድ ቃችስ። 5 ፆምፕያን ታማ ኦይꬅድ ቡሮ ጫከትቦና ፍልስፄመታ ካꬃ ግዶ ዎርካናታ የድስ። ታማይ ጫከትዳ ካꬃ፥ ኤቆን ደእያ ካꬃ፥ ዎይንያነ ሻማሁዋ ምስ።

6 ፍልስፄመት፥ “ሀይሳ ኦꬅዳይ ኦኔ?” ያግድ ኦይችዶሶና።

አሳይ፥ “ሄሳ ኦꬅዳይ ሳምሶና። ትምና አስ ግድዳ እያ ቦሎይ፥ እያ ማችዉ እያ ላዛንꬃስ እምዳ ግሾ ሄሳ ኦꬅስ” ያግዶሶና። ፍልስፄመት ብድ እዮነ እ አዋ ታማን ፁግዶሶና።

7 ሳምሶን ኤንታኮ፥ “ህንተ ሄሳ ኦꬅዳ ግሾ ታ ሀሎ ከዮና አግከ” ያግስ። 8 እ ኤንታ ዎልቃማ ኢታ ሾች ሾጭድ ዳሮታ ዎꬍስ። ሄሳፈ ጉየ ብድ፥ ኤታማ ጎንጎሉዋን ደእስ።

9 ፍልስፄመ አሳይ ይድ ይሁዳን ዱንካንድ ለሀ ካታማ ኦልስ። 10 ይሁዳ አሳይ፥ “አይስ ኑና ኦላናዉ ይደቲ?” ያግድ ኦይችዶሶና።

ኤንቲ፥ “ኑኒ ሳምሶና ኦይክድ ቃቻናዉነ እ ኑ ቦላ ኦꬅዳይሳዳ እያ ቦላ ኦꬃናዉ ይዳ” ያግድ ዛርዶሶና። 11 ያትን፥ ይሁዳፐ ሄꬑ ሙኩሉ አሳይ ኤታማ ጎንጎሉዋ ብድ፥ ሳምሶና፥ “ኑና ሃረይ ፍልስፄመ ግደይሳ ኤርኪ? ያትን፥ ኑ ቦላ ሀይሳ መላ ፓላባ አይስ ኦꬃይ?” ያግዶሶና።

እ ዛሪድ፥ “ኤንቲ ታ ቦላ ኦꬅዳይሳዳ ታንካ ኤንታ ቦላ ኦꬃስ” ያግስ።

12 ኤንቲ ዛሪድ፥ “ኑኒ ይዳይ ነና ቃችድ፥ ፍልስፄመታስ አꬅድ እማናሳ” ያግዶሶና።

ሳምሶን ዛሪድ፥ “ህንተ ኑ ነና ዎꬎኮ ግድ ታዉ ጫቅተ” ያግስ።

13 ኤንቲ፥ “ኤሮ፥ ኑኒ ነና ቃችድ ኤንታዉ አꬅድ እማናፐ አትሽን፥ ዎꬎኮ” ያግድ ዛርዶሶና። ሄሳ ግሾ፥ ናምኡ ኦራꬃ ዎዶሮን ቃችድ ጎንጎሉዋፐ ከስድ ኤፍዶሶና።

14 ሳምሶን ለሀ ብዳ ዎደ ፍልስፄመት ቡራቅሸ እያኮ ይዶሶና። ጎዳ አያናይ እያ ቦላ ዎልቃን ዎꬍስ። እያ ኩሸይ ቃሸትዳ ዎዶሮይ ሻሎይ ታማ በእድ ዱፀረተይሳዳ ዱፀረት ዎꬍስ። 15 ማታ ዎደ ሀይቅዳ ሀረ ጋጮ ደምድ፥ እያራ ሙኩሉ አስ ዎꬍስ። 16 ሳምሶን፥

18 ሳምሶን ዳሮ ሳሞትድ፥ “ኔኒ ሀይሳ መላ ግታ ፆኖ ታዉ ነ አይልያስ እማዳሳ። ያትን፥ ታኒ ሀእ ሳሞን ሀይቆ? ሀ ቃፃረቶና አሳ ኩሸን ዎꬎ?” ያግድ ፆሳኮ ዋስስ። 19 ፆሳይ ለሀን ደእያ አፎ ካካ ጳልቅን እያፐ ሃꬅ ከይስ። ሳምሶን ሄ ሃꬃ ኡይድ አልዳ ዎደ እያዉ ሸምፖይ ስምስ። ሄሳ ግሾ፥ ሄ በሳ አይን-ሀቆረ†አይን-ሀቆረ፦ ሀ ሱንꬃ ብርሸꬃይ ፄገይሳታ ፑልቶ ጉሱ። ያግድ ፄግስ። ሄ በሳይ ሀች ጋካናዉ ለሀን ደኤስ።

20 ፍልስፄመት ቢታ ሃርያ ዎደ ሳምሶን እስራኤለ ላታሙ ላይꬅ አይስስ።