1 ፓስካ ቦንችያ ጋላሳፐ ኡሱፑን ጋላስ ስንꬃትድ፥ የሱሲ ሀይቆፐ ደንꬅዳ አላዛር ደእያ ጉታ፥ ብታነ ብስ። 2 ሄ በሳን ኤንቲ እያዉ ካሆ ጊግስዶሶና። አላዛር የሱሳራ እስፈ ጋይታ ቦላ ኡትዳሽን ማርት ኤንታና እማታዉሱ። 3 ማይራማ ናርዶሰ ጌተትያ ዳሮ አልኦ ጌሻ ሽቶ ኤሀዳ የሱሳ ቶሁዋ ትያሱ። ባ ብናናን እያ ቶሁዋ ቁቻሱ፤ ኬꬃ ኡባይ ሽቶ ሳዎን ቶንኩ ግስ። ሉቃ 7:37-38.

4 ሽን የሱሳ ታማረታፐ እሶይ፥ የሱሳ አꬅድ እማናይስ፥ አስቆሮታ ይሁዳ፥ 5 “አይስ ሀ ሽቶይ ሄꬑ ፄቱ ድናረን ባይዘትድ፥ ሚሸይ ማንቆታስ እመተኔ?” ያግስ። 6 እ ካይሶ ግድዳ ግሾ ሄሳ ግስፐ አትሽን፥ ማንቆታስ ቃትድ ግቤና። እ ሚሸ ካርፂታ ኦይከይሳ ግድያ ግሾ ኡባ ዎደ እያፐ ባዉ ኤኬስ።

7 የሱሲ፥ “እያ ባዉ ደእያባ ታ ሞጎ ጋላሳስ ምንጅዳ ግሾ እዮ አጋግተ። 8 ማንቆት ኡባ ዎደ ህንተራ ዳና፥ ሽን ታኒ ኡባ ዎደ ህንተራ ደእከ” ያግስ። ዛረ 15:11.

9 ሄ ዎደ ዳሮ አሳይ የሱሲ ብታነን ደኤይሳ ስእድ ያ ብዶሶና። ኤንቲ የሱሳ ፃላላ ግዶናሽን፥ እ ሀይቆፐ ደንꬅዳ አላዛራካ በአናዉ ብዶሶና። 10 ሄሳ ግሾ፥ ካህነ ሀላቃት አላዛራካ ቃስ ዎꬋናዉ ማቀትዶሶና። 11 አይስ ጊኮ፥ አላዛራ ጋሶን ዳሮ አይሁደት ኤንታና እፅድ የሱሳ አማኖሶና።

12 ዎንተꬃ ጋላስ ፓስካ ቦንችያ በሳ ይዳ ዳሮ አሳይ የሱሲ የሩሳላመ በይሳ ስእድ፥ 13 ዛምባ ሀይꬅ ኤክድ እያ ሞካናዉ ከይዶሶና። ባንታ ቃላ ꬎቁ ኦꬅድ፥

14-15 ጌሻ ማፃፋን፥

16 የሱሳ ታማረት ሄሳ ካሰ አኬክቦኮና። ሽን የሱሲ ቦንቸትዳፐ ጉየ ኤንቲ ሄሳ ኡባ አኬክዶሶና። ሄስ ኡባይ ጌሻ ማፃፋይ ግዳይሳዳ ሀንስ።

17 የሱሲ አላዛራ ዱፎፐ ፄግድ፥ ሀይቆፐ ደንꬅዳ ዎደ እያራ ደእያ ዳሮ አሳይ የሱሳባ ማርካትዶሶና። 18 ዳሮ አሳይ እያ ሞካናዉ ከይዳይ፥ እ ሄ ማላታታ ኦꬅዳይሳ ስእዳ ግሾሳ። 19 ሄሳ ግሾ፥ ፋርሳወት እሶይ እሱዋኮ፥ “ኑ አይኮካ ኦꬃናዉ ዳንዳኦናይሳ በእተ፤ ደረ ኡባይ እያ ካሌስ” ያግዶሶና።

20 ፓስካ ቦንችያ ጋላስ ጎይናናዉ የሩሳላመ ብዳይሳታ ግዶን እስ እስ ግርከ አሳት ደኦሶና። 21 ኤንቲ ጋልላ ቢታን ቤተሳይዳ ካታማፐ ይዳ ፍልጶሳኮ ብድ፥ “ጎዳዉ፥ ኑኒ የሱሳ በአናዉ ኮዮስ” ያግድ ዎስዶሶና። 22 ፍልጶስ ብድ እንድርያሳስ ኦድን ናምአይ ብድ፥ የሱሳስ ኦድዶሶና።

23 የሱሲ ኤንታኮ፥ “አሳ ናአይ፥ ቦንቸትያ ዎደይ ጋክስ። 24 ታኒ ህንተዉ ቱማ ኦዳይስ፤ እስ ግስተ አይፈይ ቢታን ዎꬍድ ዎቆና እፅኮ ባርካ አቴስ። ሽን ሄ ግስተ አይፈይ ዎቅኮ ዳሮ አይፈ አይፌስ። 25 ባ ሸምፑዋ ዶስያ ኦንካ ꬋይሴስ፤ ባ ሸምፑዋ ሀ አላምያን እፅያ ኦንካ መርና ደኦስ አሼስ። ማቶ 10:39፤ 16:25፤ ማር 8:35፤ ሉቃ 9:24፤ 17:33. 26 ታኒ ደእያሱዋን ታራ ዳና መላ ታዉ ኦꬃናዉ ኮይያ ኦንካ ታና ካላናዉ በሴስ። ታዉ ኦꬅያ ኦናካ ታ አዋይ ቦንቻና።

27 “ሀእ ታ ሸምፖይ ዳሮ ኡንኤትስ፤ ያትን ዎይጎ? ‘ታ አዋዉ፥ ታና ሀ ሳተፐ አሻርክ’ ያጎ? አካይ፥ ታኒ ይዳይ ዋየ ኤካናሳ። 28 ታ አዋዉ፥ ነ ሱንꬃ ቦንቻ” ያግስ።

ሄ ዎደ ሳሎፐ፥ “ታኒ ታ ሱንꬃ ቦንቻስ፤ ዛራዳካ ቦንቻና” ግያ ቃላይ ይስ።

29 ሄ በሳን ኤቅዳ ዳሮ አሳይ ሄ ቃላ ስእድ፥ “ሄስ ዳዳ” ያግዶሶና።

ሀራት ቃስ፥ “ኪታንቾይ እያዉ ኦድስ” ያግዶሶና።

30 የሱሲ ዛሪድ ኤንታኮ፥ “ሀ ቃላይ ህንተ ግሾ ይስፐ አትሽን፥ ታ ግሾ ግደና። 31 ሀ አላመይ ፕርደትያ ዎደይ ሀእ፤ ሀ አላምያ ሃረይስ ሀእ ካረ ሆለታና። 32 ቃስ ታኒ ሳአፐ ꬎቁ ኦሰትዳ ዎደ አሳ ኡባ ታኮ ኤሀና” ያግስ። 33 እ ሄሳ ግዳይ አይ መላ ሀይቆ ሀይቃነኮ ኤንታዉ ቆንጭሳናሳ።

34 ዳሮ አሳይ ዛሪድ፥ “ኑ ህገይ ክርስቶስ መርናዉ ደኤይሳ ኦዴስ። ያትን፥ ኔኒ ዎይጋዳ፥ ‘አሳ ናአይ ꬎቁ ጋናዉ በሴስ’ ጋይ? ‘እ፥ አሳ ናአይ ኦኔ?’ ” ያግዶሶና። ማዝ 110:4፤ እሳ 9:7፤ ዳነ 7:14.

35 የሱሲ፥ “ፖኦይ ህንተራ ጉꬃ ዎደ ጋምአና። ህንተዉ ꬉሞና መላ ፖኦይ ደእሽን፥ ፖኡዋን ሄመትተ። ꬉማን ሄመትያ አስ አዉ ብያኮ ኤረና። 36 ፖኦ ናይታ ግዳና መላ ፖኦይ ደእሽን ፖኡዋ አማንተ” ያግስ።

የሱሲ ሄሳ ኦደትዳፐ ጉየ ብድ ኤንታፈ ጌምስ። 37 እ ሄሳ መላ ማላታታ ኤንታ ስንꬃን ኦꬅንካ አማንቦኮና። 38 ናብያ እሳያስ፥

39-40 ቃስካ እሳያስ፥

41 እሳያስ ሄሳ ግዳይ፥ የሱሳ ቦንቹዋ በእዳ ግሾነ እያባ ኦድዳ ግሾሳ።

42 ግድኮካ፥ አይሁደታ ሀላቃታፐካ ዳሮት የሱሳ አማንዶሶና። ሽን ፋርሳወት ባንታና አይሁደታ ዎሳ ኬꬃፈ ከሶሶና ግድ ያይዳ ግሾ አማንዳ ግድ ቆንጨን ማርካትቦኮና። 43 ሄሳ ኤንቲ ኦꬅዳይ፥ ፆሳን ኤረታናይሳፈ አꬅድ አሳን ኤረታናይሳ ዶስዳ ግሾሳ።

44 የሱሲ ባ ቃላ ꬎቁ ኦꬅድ፥ “ታና አማንያ ኦንካ ታና ኪትዳይሳካ አማኔስፐ አትሽን፥ ታ ፃላላ አማነና። 45 ታና በእያ ኦንካ ታና ኪትዳይሳካ በኤስ። 46 ታና አማንያ ኡባይ ꬉማን ዶና መላ ታኒ ፖኦ ግዳዳ አላምያ ያስ። 47 ታ ቃላ ስእድ ኪተቶና ኦናካ ታኒ ፕርድከ። አይስ ጊኮ፥ ታኒ አላምያ አሻናዉ ያስፐ አትሽን፥ ፕርዳናዉ ያቢከ። 48 ታና እፀይሳነ ታ ቃላ ኤኮና ኦናካ ፕርደይስ ደኤስ። ታኒ ኦድዳ ቃላይ ዉርሰꬃ ጋላስ ሄ ኡራ ፕርዳና። 49 አይስ ጊኮ፥ ታኒ ሄሳ ታፐ ኦድከ፥ ሽን ታና ኪትዳ ታ አዋይ ታኒ ጋናይሳነ ኦዳናይሳ ኪትስ። 50 ቃስ እያ ኪታይ መርና ደኦ ግደይሳ ታኒ ኤራይስ። ሄሳ ግሾ፥ ታኒ ኦደይስ ታ አዋይ ታና ኦዳ ግዳይሳ” ያግስ።